Matiu 10:26 - Ika

²⁶ “Ya wụ, atụlẹ ni nwan egun wẹ. Makẹni, onwọnni ihiẹn kpumẹni hụn jẹnkọlẹni d'e kpupụ mọbụ ihiẹn zuerini hụn jẹnkọlẹni d'a wa.

Matiu 10:26 ပူးပေါင်းရင်းမြစ်များ

Itẹn 10:9

Onyẹ e dọnmẹ ẹka a ọchan jẹnkọnị, obi e rusọnmẹ ẹ alị, kanị wẹ k'a nwụn onyẹ ghẹrẹ-ghẹrẹ-ghẹrẹ.

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Itẹn 29:25

Ịtụ egun ịhịan wụ ọnyan, kanị onyẹ gi Osolobuẹ dọn ẹnya, onwọnni ihiẹn e mẹn'ẹ.

Ẹkịliziastisi 12:14

Makẹni Chuku jẹnkọ d'a jụ ịhịan ukwere ihiẹn ile o mẹ, ya lẹ ihiẹn ile zuerini — kẹ mma kẹ njọ.

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Izikẹlụ 2:6

“Kanị, ịyụ, nwa-ịhịan, atụkwọlẹ egun wẹ mọbụ oku-ọnụ wẹ — ọsụọn'a nị wẹ wụ ogun-lẹ-ọkịnkan fihunmẹn'i, n'i igunrun akpị kẹ i bi imẹ ẹ. Anịkwọlẹ oku-ọnụ wẹ rọn i egun mọbụ lemẹ wẹ ẹnya ihun tụma egun — emẹlẹ ẹ, nị ebọn nnupụ-isi kẹ wẹ wụ.

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Makị 4:22

Onwọnni ihiẹn zuerini hụn jẹnkọlẹni d'a pụha ifọn, mọbụ ihiẹn wẹ kpumẹ hụn jẹnkọlẹni d'a wa.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Luku 8:17

Makẹni, onwọnni ihiẹn zuerini hụn jẹnkọlẹni d'a pụha ifọn; onwọnni ihiẹn wẹ kpumẹ hụn jẹnkọlẹni d'a wa.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 4:13

A hụn wẹ kẹ Pita lẹ Jọnụ dọn rị e ku, e kushi ẹ ikẹn, bụ a marịngụọ wẹ nị ejẹnni wẹ ụlọ-ẹkụkwọ, ejẹnni wẹ ọzụnzụn, ọ tụ wẹ ẹnya; ya wẹ nọ ghọta nị wẹ lẹ Jesu a wịọlẹ haịn.

Ọrụn Ndị-ozi 4:19

Kanị Pita lẹ Jọnụ nọ shịarị wẹ, sị, “Ku ni nwan o mẹni ọ hụghọ mma ẹnya Osolobuẹ nị ẹnyi gọn ụnụ ntịn karị Osolobuẹ;

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Pita Ibuzọ 3:14

Ọsụọn'a nị ụnụ ta afụnfụn makẹ ezi-omumẹ, ya wụ nị ndị Osolobuẹ gọzi kẹ ụnụ wụ. Atụlẹ ni nwan egun wẹ; emẹhunmẹlẹ ni.