Matiu 10:2 - Ika

² Ndịnị wụ ẹfan ndị-ozi mmẹbụọ hụ pụ-ichẹn: onyẹ ibuzọ wụ Saịmọnụ hụn w'a kpọ Pita, Andrụ nwẹnẹ ẹ, Jemisi nwa Zẹbẹdi lẹ Jọnụ nwẹnẹ ẹ,

Matiu 10:2 ပူးပေါင်းရင်းမြစ်များ

Matiu 17:1

Akpọhịn isin a ghafegụ, Jizọsị nọ weri Pita lẹ Jemisi lẹ Jọnụ nwẹnẹ Jemisi, kịrị wẹ shi elu-ugu jẹn elu ọda-ọda. Ya lẹ wẹ sụọ wị.

Matiu 20:20

Ogẹn ahụn, nnẹ Jemisi lẹ Jọnụ, ụmụ Zẹbẹdi, wẹhẹ wẹ d'e kunrun Jesu. O gbuni Jesu osekpu, rịọ a n'o mẹn'ẹ ọhụnma.

Matiu 26:37

Ọ nọ weri Pita lẹ ụmụ Zẹbẹdi ẹbụbụọ shi ụsụọ. Ẹhụ ekezin'ẹ ọkụn, obi eruzin'ẹ alị.

Matiu 4:18

Ogẹn Jizọsị gi ghakọ mkpẹnrẹn mirin Galili, ọ nọ hụn umunẹ ẹbụọ, Saịmọnụ hụn w'a kpọ Pita lẹ Andrụ nwẹnẹ ẹ, ebe wẹ rị a tụ ọga e ye imẹ mirin ahụn, makẹni ndị e gbu azụn kẹ wẹ wụ.

Matiu 4:21

Ogẹn Jesu gi jẹnshi ihun, ọ nọzị hụn umunẹ ẹbụọ, Jemisi nwa Zẹbẹdi lẹ Jọnụ nwẹnẹ Jemisi; uwẹ lẹ nẹdi wẹ rị imẹ ụgbọ, e dọnzi ọga wẹ gi e gbu azụn; ọ nọ kpọ wẹ ẹbụbụọ.

Makị 1:29

Hụn Jesu gihụ gha imẹ ụlọ-ofufe ahụn pụ, ịya lẹ Jemisi lẹ Jọnụ nọ banye iwe Saịmọnụ lẹ Andrụ.

Makị 13:3

Ebe Jesu sụọ nọdị alị elu Ugu Olivu hụn bu ihun zinmẹ ihun Ụlọ-nsọ, Pita, Jemisi, Jọnụ lẹ Andrụ nọ bịa d'a jụ a ajụjụ, sị a,

Makị 6:30

Ogẹn ndị-ozi hụ pụ-ichẹn gi lụa, wẹ nọ fihunmẹ Jizọsị, gwa a ihiẹn ile wẹ rụn lẹ ihiẹn ile wẹ kuzi.

Luku 11:49

Ufiri ihiẹnni kẹ Amamihiẹn Osolobuẹ gi sị, ‘M jẹnkọ d'e zijẹnni wẹ ndị-amụma lẹ ndị-ozi pụ-ichẹn: wẹ jẹnkọ d'e gbu ndị wẹ k'e gbu, kpokpo ndị wẹ k'e kpokpo.’

Luku 22:14

Ogẹn e ru, Jizọsị nọ weri oche, ndị-ozi hụ pụ-ichẹn nọ sọn ẹ nọdị alị nị wẹ ri Oriri hụ.

Luku 22:8

Jizọsị nọ zi Pita lẹ Jọnụ, sị wẹ, “Jẹnmẹ ni d'e dọnkwama ihiẹn nị ẹnyi ri Oriri-nghafe.”

Luku 5:10

Ẹrịra k'ọ tụzịkwọ ụmụ Zẹbẹdi wụ Jemisi lẹ Jọnụ ndị wẹ lẹ Saịmọnụ gba a rụn ọrụn ẹnya. Ya Jesu nọ sị Saịmọnụ, “Atụlẹ egun; gha kikẹnni jẹnmẹ, ịhịan k'ị k'a gha e wẹhẹ rịkẹ azụn.”

Luku 9:10

Ndị-ozi hụ pụ-ichẹn a lụaha ebe wẹ jẹn d'e zi ozi Alị-eze, wẹ nọ gwa Jesu ihiẹn ile wẹ mẹ. Ọ nọ gi nzuzue weri wẹ pụ, wẹ nọ shi obodo w'a kpọ Bẹtisaịda.

Jọnụ 12:22

Filipu nọ jẹn d'a gwa Andrụ, wẹ ẹbụbụọ nọ wịrị d'a gwa Jesu.

Jọnụ 13:23

Onyẹ nsọnmazụụn a ohu, onyẹ ahụn ihiẹn ẹ a sụọ Jesu, nọsọn Jesu.

Jọnụ 20:2

Ọ nọ gbajẹn d'a gwa Saịmọnụ wụ Pita lẹ onyẹ nsọnmazụụn nẹi ihiẹn ẹ a sụọ Jesu, sị wẹ, “E bupụgụọ wẹ Di-nwọnni-ẹnyi imẹ ili hụ, kanị ẹnyi amarịn ebe wẹ buche ẹ.”

Jọnụ 21:2

Saịmọnụ wụ Pita lẹ Tamọsị w'a kpọ Ejimẹ lẹ Natanẹlụ onyẹ obodo Kana rị Galili lẹ ụmụ-ikẹnnyẹ Zẹbẹdi lẹzi ndị nsọnmazụụn Jesu ẹbụọ ọzọ gba rị.

Jọnụ 21:20

Pita e lee ẹnya azụụn, ọ nọ hụn onyẹ nsọnmazụụn hụ ihiẹn ẹ a sụọ Jesu k'o sọnkọ wẹ, (hụn nọkunmẹ Jizọsị ogẹn wẹ gi rị e ri ihiẹn-oriri ẹnyasị ụhụọhịn ahụn, hụn sị Jizọsị, “Di-nwọnni-ẹnyi, onyẹ jẹnkọ d'e re i?”)

Jọnụ 21:24

Onyẹ nsọnmazụụn a ahụn wụ hụn rị nwan e ku oku ihiẹn ndịnị; ịya detuzikwọ ndịnị wẹ; ẹnyi a marịnghọ nị ihiẹn o ku wụ ezioku.

Jọnụ 6:67

Ya Jizọsị nọ sị ndị nsọnmazụụn a mmẹbụọ hụ, “Ụnụ nwẹn sikọ d'a pụzị?”

Jọnụ 6:70

Jizọsị nọ sị wẹ, “Ẹlẹ mmẹ họrị ụnụ mmẹbụọ? Kanị onyẹ ohu imẹ ụnụ wụ Ekwensụ!”

Jọnụ 6:71

Judasị nwa Saịmọnụ Iskarọtụ k'ọ rị e ku, makẹni ịya jẹnkọ d'e re ẹ, ọsụọn'a n'ọ wụ onyẹ ohu imẹ ndị nsọnmazụụn a mmẹbụọ.

Jọnụ 6:8

Onyẹ ohu imẹ ndị nsọnmazụụn Jesu w'a kpọ Andrụ, nwẹnẹ Saịmọnụ Pita, nọ sị a,

Ọrụn Ndị-ozi 1:13

A banye wẹ obodo hụ, ya wẹ nọ shi mmughẹ hụ rị ibe elu hụn w'a nọdị. Wẹ wụ ndịnị: Pita, Jọnụ, Jemisi, Andrụ; Filipu lẹ Tamọsị, Batolomi lẹ Matiu, Jemisi nwa Alịfịọsụ lẹ Saịmọnụ lẹ Judasị nwa Jemisi. Saịmọnụ te rị ndị hụn gi ẹka ikẹn a nwan nị wẹ chụpụ ndị Rom rị a kị alị wẹ.

Ọrụn Ndị-ozi 1:26

A tụ wẹ mkpọ, ọ nọ nwụn Matịasị; wẹ nọ we ẹ cheni ndị-ozi pụ-ichẹn mmanaị hụ.

Ọrụn Ndị-ozi 12:2

O gigụọ ọpịa-agha gbu Jemisi nwẹnẹ Jọnụ;

Ọrụn Ndị-ozi 3:1

Ụhụọhịn ohu, Pita lẹ Jọnụ jẹn Ụlọ-nsọ ogẹn ekpere ọkụrọkụ ẹtọ efinnaị.

Ndị Kọrẹntị Ibuzọ 15:7

Omẹgụzị Jemisi nọ hụn a; omẹgụzị ndị-ozi pụ-ichẹn ile nọ hụn a.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Pita Ibuzọ 1:1

Mmẹ wụ Pita hụn wụ onyẹ-ozi pụ-ichẹn Jesu Kristi de ẹkụkwọ-ozini. M rị e dejẹnni ndị Chuku họrị rị alị ichẹn-ichẹn rịsọnmẹ Ẹgbẹrẹ Pọntusu, Galeshịa, Kapadoshịa, Eshịa lẹ Bitinia,

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Jọnụ Nke Ẹbụọ 1:1

Mmẹ wụ onyẹ-isi de ẹkụkwọ-ozini. M rị e deni okpoho hụ Osolobuẹ họrị lẹ ụmụ a. Ndị ihiẹn wẹ a sụọ m ebe Ezioku rị kẹ wẹ wụ, ẹlẹdẹ mmẹ sụọ nwọn ihiẹn-ọsụsụọ wẹ kanị ndị ile marịn Ezioku,

Jọnụ Nke Ẹtọ 1:1

Mmẹ wụ onyẹ-isi de ẹkụkwọ-ozini. M rị e dejẹnni Gayọsụ, ezi nwẹnẹ ẹnyi ihiẹn ẹ a sụọ m imẹ Ezioku.

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 22:8

Mmẹ wụ Jọnụ gi ntịn m nụ ihiẹn ndịnị, gi ẹnya hụn wẹ. Ogẹn m gi nụgụ wẹ, hụngụ wẹ, m nọ dan alị nị m kụnị mmọn-ozi ahụn ghọsịnị m wẹ isi alị.