Matiu 10:17 - Ika

¹⁷ Kpachanpụ nị nị ịhịan ẹnya, makẹni wẹ jẹnkọ d'e wejẹn ụnụ ọgwa rị ichẹn-ichẹn, fịan ụnụ mkpịnsịn imẹ ụlọ-ofufe wẹ.

Matiu 10:17 ပူးပေါင်းရင်းမြစ်များ

Maịka 7:5

Egikwọlẹ onyẹ ịyụ lẹ ya gba a wị dọn ẹnya; egikwọlẹ ọwụ ị dọn ẹnya; marịnkwọ ihiẹn y'e ku ebe nwunyẹ i rị.

Matiu 10:18

Wẹ sikọ d'e gi ufiri m we ụnụ jẹnni ndị Gọvanọ lẹ ndị-nze. Kanị o k'a wụ oghere ịshịanị m ẹri idẹnya wẹ lẹ ndị alị ọzọ ile.

Matiu 20:19

bu ẹ che ẹka itumunyẹ nị wẹ gi ẹ gu egu, fịan a mkpịnsịn, kpọma a elu obe o we nwụn; kanị hụn m'ẹ akpọhịn ẹtọ, Osolobuẹ jẹnkọ d'e weli ẹ.”

Matiu 23:34

“M jẹnkọ nwan d'e zihẹni ụnụ ndị amụma lẹ ndị marịn ihiẹn lẹ ndị marịn Iwu Mozizi ọhụnma. Ụnụ jẹnkọ d'e gbu ụfọdụ, kpọma ụfọdụ ye osisi gbu, fịan ụfọdụ mkpịnsịn imẹ ụlọ-ofufe ụnụ; ụnụ sikọ d'a gha a chụ wẹ gha obodo pụ obodo,

Matiu 26:59

Ogẹnni, ndị-isi nchụn-ẹjan lẹ Ndị-isi Nkịkwama ile hụ a chọ ihiẹn w'e gi buokin Jizọsị ọnụ kẹni wẹ gbu ẹ;

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Makị 13:12

“Umunẹ jẹnkọ d'e we umunẹ wẹ ye wẹ gbu; ndị nẹdi k'e we ụmụ wẹ ye wẹ gbu; ụmụ k'e bunụmanị ndị mụnị wẹ, mẹ wẹ gbu wẹ.

Makị 13:9

“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.

Luku 12:11

Wẹ wejẹn ụnụ ọgwa ụlọ-ofufe mọbụ ọgwa ndị-ọkịkị mọbụ ndị-nze, ehuekwọlẹ ni uhue ihiẹn ụnụ k'e gi kinrin ọnụ ụnụ mọbụ ihiẹn ụnụ k'e ku.

Jọnụ 11:47

Ya ndị Itu-Farisi lẹ ndị-isi nchụn-ẹjan nọ kpọ ọgwa Ndị-isi Nkịkwama, sị, “Kị ẹnyi jẹnkọ d'e mẹ? Okẹnnyẹni rị a rụn ọrụn-atụmẹnya bu ọda!

Jọnụ 16:2

Wẹ jẹnkọ d'a chụpụ ụnụ imẹ ụlọ-ofufe. Ogẹn lala hụn w'e gi gbudẹ ụnụ e ro nị Osolobuẹ kẹ wẹ rị e mẹn'ẹ.

Ọrụn Ndị-ozi 17:14

Ndị rị ebẹhụ kwerini nọ weri Pọlụ pụ ozigbo-ozigbo, sị a jẹnmẹ mkpẹnrẹn Ohimin; kanị Saịlasị lẹ Timoti nọ nọdịgụ Bẹrịa ebẹhụ.

Ọrụn Ndị-ozi 22:19

Ya m nọ sị, ‘Di-nwọnni-ẹnyi, wẹ lẹ enwẹn wẹ a marịnghọ kẹ m dọn jẹnsọnmẹ ụlọ-ofufe ile, e gbu ndị kwerinin'i ili, a tụ wẹ ngan;

Ọrụn Ndị-ozi 26:11

M'a ghasọnmẹ ụlọ-ofufe ile, e ye wẹ afụnfụn, e mẹ wẹ e kuja oku Jesu. Olulu wẹ bu m ọda-ọda, nke wụ nị m'e jẹndẹ obodo ndị ọzọ d'e kpokpo wẹ.

Ọrụn Ndị-ozi 9:2

sị a deye ẹ ẹkụkwọ-ozi jẹnni ụlọ-ofufe ndị Ju ile rịkwọrị Damaskọsụ, kẹni, ọ hụn onyẹ ọwụlẹ rị e sọn Ụzọ-Jesu ebẹhụ, o kẹnmẹhẹn wẹ Jerusalẹm, ọsụọn'a okẹnnyẹ mọbụ okpoho.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Timoti Nke Ẹbụọ 4:15

Ịyụ lẹ enwẹn i k'a kpachanpụkwọn'a ẹnya ọda-ọda makẹ ọgụn ile ọ lụsọn ozi ẹnyi.

Hibru 11:36

O nwọnzighọ ndị wẹ gi gu egu, gbu wẹ mkpịnsịn, kẹndẹ ụfọdụ ẹgbụn, tụ wẹ ngan;