Matiu 10:15 - Ika

¹⁵ Ezioku kẹ m rị a gwa ụnụ, o sikọ d'a ka obodo hụ njọ karị alị Sodọm lẹ Gomora Ụhụọhịn Ikin-ikpe.

Matiu 10:15 ပူးပေါင်းရင်းမြစ်များ

Matiu 12:36

M rị nwan a gwa ụnụ n'o ru Ụhụọhịn Ichin-ikpe, wẹ k'a jụ ịhịan oku ile nwọnlẹni isi o ku.

Matiu 5:18

Makẹni, m rị a gwa ụnụ ezioku, d'e ru ni elu-igwee lẹ ụwa a ghafe, onwọnni mkpụrụ-ẹkụkwọ ọwụlẹ rị imẹ Iwu mọbụ ihiẹn ọwụlẹ wẹ vinyehụ mkpụrụ-ẹkụkwọ, hụn wẹ jẹnkọ d'a kagbu — d'e ru nị ihiẹn ile rị Iwu e mẹzuchanrịn.

Matiu 7:22

Ụhụọhịn hụ, ndị bu ọda jẹnkọ d'a sị m, ‘Di-nwọnni-ẹnyi, Di-nwọnni-ẹnyi! Ẹlẹ ẹfan ị kẹ ẹnyi gi bu amụma? Ẹlẹ ẹfan ị kẹ ẹnyi gi chụpụ eje-mmọn, rụn okẹn ọrụn-atụmẹnya rị ichẹn-ichẹn?’

Makị 6:11

Kanị, obodo ọwụlẹ nabanhanlẹni ụnụ mọbụ jụ nị egọnkọ wẹ ụnụ ntịn, ụnụ pụkọnị, kpukpupụ nị ẹjan rị ụnụ ụkụ tọnị wẹ — n'ọ wụrụ ihiẹn wẹ gi shịagbu wẹ ẹri.”

Jọnụ 12:48

Onyẹ hụn jụ mmẹ lẹ oku m nwọn onyẹ k'a ma a ikpe: ihiẹn m ku, ịya jẹnkọ d'a ma a ikpe Ụhụọhịn ikpanzụụn.

Jọnụ 6:39

Ọnwan wụ uche onyẹ zihẹni m: nị onwọnni akpụ onyẹ ohu o ye m jẹnkọ d'e hunahịnnị m, kama, nị m k'a gha ọnwụn weli wẹ Ụhụọhịn ikpanzụụn;

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Ọrụn Ndị-ozi 17:31

Makẹni, ọ kayegụọ ụhụọhịn o gi kin ụwa ikpe zinrinni ghahanị okẹnnyẹ ohu o tumẹ. Ọ ghọsịgụọ onyẹ okẹnnyẹ hụ wụ ghahanị iweli ẹ ogẹn o gi nwụnhụngụ.”

Ndị Kọrẹntị Ibuzọ 3:13

ọrụn onyẹ-onyẹ jẹnkọ d'a pụha ifọn, makẹni ụhụọhịn hụ lalanị jẹnkọ d'e wepụha a ifọn: wẹ k'e gi ọkụn ghọsị kẹ ọrụn onyẹ-onyẹ nọ; ọkụn hụ k'e lele ọrụn hụnyẹ.

Ndị Tẹsalonika Ibuzọ 5:4

Kanị umunẹ, ụnụ nwẹn arị imẹ ishi, hụn Ụhụọhịn hụ e gi kunrun ụnụ idẹnmizi nọkẹ ohin.

Hibru 10:25

Ẹlẹ hụn ẹnyi e gi e sọnbehi ibe ẹnyi e zu kẹ ụfọdụ dọn e mẹ. Kama, nị ẹnyi a kasị ibe ẹnyi obi, tụmadụ hụnnị ẹnyi rị a hụn kẹ ụhụọhịn Di-nwọnni-ẹnyi rị a rịwaye nsue.

Pita Nke Ẹbụọ 2:6

omẹni ọ maghọ alị Sodọm lẹ alị Gomora ikpe, dụn wẹ ọkụn, e họnrin wẹ ntụn, o gi wẹ ghọsị ihiẹn jẹnkọ d'e mẹ ndị jụ oku Osolobuẹ;

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.

Jọnụ Ibuzọ 4:17

Ibi ẹrịra kẹ ihiẹn-ọsụsụọ e gi zu oke imẹ ndụn ẹnyi, kẹni obi ru ẹnyi alị Ụhụọhịn Okinkin-ikpe, makẹni ẹnyi hụ e bi kẹ ịya imẹ ụwanị.

Judu 1:6

nị ndị mmọn-ozi hụ te rị nsọ hụn nọdịlẹni ebe wẹ sị wẹ nọdị, la ọnọdị wẹ tọ, rị nwan ẹgbụn itẹbitẹ imẹ eje-ishi, e che okinkin-ikpe hụn jẹnkọ d'a rị okẹn Ụhụọhịn ahụn.

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.