Malakaị 3:6 - Ika

⁶ “Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Malakaị 3:6 ပူးပေါင်းရင်းမြစ်များ

Jẹnẹsisi 15:18

Ụhụọhịn ahụn kẹ Osolobuẹ kwe Ebram nkwa, sị, “M rị e ye ụmụ ị alịnị, hụn gha iyi rị ebe alị Ijiptu ru d'e rukwọrị iyi uku wụ Yufretisi —

Jẹnẹsisi 15:7

Osolobuẹ nọzị sị a, “Mmẹ wụ Osolobuẹ hụn gha Uru rị alị ndị Kal'di Babilọnụ wepụha ị kẹni m ye i alịnị weri.”

Jẹnẹsisi 22:16

sị Ebraham, “Mmẹ wụ Osolobuẹ e kungụọ enwẹn m, nị, ufiri ihiẹnni i mẹ, ufiri nị y'a jụnị nị y'e yekọ m nwa ị, akpụ nwa ohu i nwọn,

Ẹbụ-ọma 102:26

Wẹ k'a la iwi, kanị yụ nwẹn k'a rịsọnmẹ; wẹ k'a fapụ rịkẹ ẹkwa; i k'e gi ọzọ nọkin ẹnya wẹ rịkẹ ẹkwa, nke wẹ a gụ.

Ẹbụ-ọma 102:27

Kanị yụ nwẹn wụkwọ onyẹ hụ ị wụ; ndụn ị enwọn ọgụgụ!

Ẹbụ-ọma 102:28

Ụmụ idibo i k'e bi alị wẹ, ụmụ-ụmụ wẹ e birizikwọ udọn-lẹ-ndọnkwa makẹni ị hụ a.”

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Ẹbụ-ọma 78:57

Kama, a gha wẹ ụzọ a pụ, gi aghịghọ sọn ẹ kẹ ndị nẹdi wẹ dọn mẹ, mẹ kẹ ụta zinrinlẹni.

Azaya 41:13

Makẹni mmẹ wụ Osolobuẹ, Chuku i, hụn e kwọndọn i ẹka-nni, a sị ị atụlẹ egun; m jẹnkọ d'e yeni i ẹka.

Azaya 44:6

Lee ihiẹn Osolobuẹ ku — Eze Izrẹlụ, Onyẹ-mgbapụha Izrẹlụ, Onyẹ ihiẹn ile rị okpuru ẹ, ọ sị: “Mmẹ wụ Ibuzọ, mmẹ wụ Ikpanzụụn. Chuku arịa — wezụka m.

Azaya 46:4

D'e rudẹ ni ụnụ a ka ẹgẹdi, pu ẹwọ, mmẹ rọzị, mmẹ k'e dọnmẹ ụnụ ndụn. Mmẹ ke ụnụ, m k'a pa ụnụ, m k'e dọnmẹ ụnụ ndụn, m k'a gbapụha ụnụ.

Jerimaya 32:27

“Mmẹ wụ Osolobuẹ, Chuku ịhịan ile. O nwọn ihiẹn a fụ m ọrụn omumẹ?

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Hosia 11:9

Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Habakọkụ 1:12

“Euu Osolobuẹ, y'ẹlẹzi Onyẹ hụn rị ẹdẹi ra? Chuku m, Onyẹ-nsọ m, ẹnyi anwụnkọ! Euu Osolobuẹ, y'e tumẹgụọ ndị Babilọnụ n'i gi wẹ ye afụnfụn njọ. Heuu, Okẹn-nkumẹ, y'e tumẹgụọ wẹ nwan n'i gi wẹ jụgbọ.

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Filipi 1:6

O weghọ m ẹnya nị Onyẹ ahụn bidọn ọrụn-ọmanị imẹ ụnụ k'a gha a rụn a d'e ru n'ọ rụnchanrịn a Ụhụọhịn Kraịstị wụ Jizọsị k'e gi bịa.

Hibru 13:8

Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Rẹvẹleshọnụ 1:8

“Mmẹ wụ Ibuzọ lẹ Ikpanzụụn!” Ya kẹ Di-nwọnni-ẹnyi wụ Osolobuẹ ku — onyẹ hụ hụn rị kikẹnni, hụn rị mbụ, hụn lalanị; Onyẹ hụn nwọn ikẹn ile.

Rẹvẹleshọnụ 22:13

Mmẹ wụ Afa lẹ Omega, Ibuzọ lẹ Ikpanzụụn, Mbidọn lẹ Ọgụgụ.”

Samuẹlụ Nke Ibuzọ 15:29

Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”