Malakaị 3:16 - Ika

¹⁶ Ya kẹ ndị a tụ egun Osolobuẹ nọ gwa ibe wẹ oku, Osolobuẹ nọ gọn ntịn ihiẹn wẹ ku, gụn a yeni wẹ. Ebe Osolobuẹ rị, wẹ nọ de ẹkụkwọ wẹ gi a nyanhan ndị ahụn a tụ egun Osolobuẹ, a gbaye ẹfan a.

Malakaị 3:16 ပူးပေါင်းရင်းမြစ်များ

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Samuẹlụ Nke Ẹbụọ 7:1

Ogẹn eze wụ Defidi gi kwabangụ obi-eze ọhụn a, Osolobuẹ e mẹrigụn'a ndị-iṅẹnrẹn ẹ ile fihunmẹn'ẹ, ye ẹ ezumikẹn,

Ndị-nze Nke Ibuzọ 18:12

Bụ amarịn m ebe Mmọn Osolobuẹ jẹnkọ d'e we i shi hụn m gihụ la ị tọ. M jẹn nwan d'a gwa Ehabụ, ọ bịa bụ ọ hụnn'ị, o gbu m — bụ Osolobuẹ kẹ mmẹ wụ odibo i e fe gha alị lala.

Ndị-nze Nke Ibuzọ 18:3

Ehabụ a kpọgụọ Obadaya, onyẹ hụn obi-eze Ehabụ rị ẹka a n'ọ bịa d'a hụn a. (Obadaya gichanrịn obi ẹ e fe Osolobuẹ —

Ihiẹn Mẹni Nke Ẹbụọ 6:7

“Nẹdi m wụ Defidi te bu ẹ obi n'o k'a tụn Ụlọ-nsọ Ẹfan Osolobuẹ wụ Chuku Izrẹlụ k'a rị.

Nehemiah 1:11

Euu Di-nwọnni ẹnyi, dodo gọn ntịn ekpere odibo i ni lẹ idibo i ndị ọzọ hụn ọ sụọ nị wẹ e ye ẹfan ị ọghọ. Ye mmẹ wụ odibo i ẹwẹrẹ tannị, y'e mẹ eze kweri ihiẹn m jẹnkọ d'a rịọ a.” Ogẹn hụ, mmẹ wụ odibo eze hụn e buye eze manya.

Ẹsta 2:23

Mgbe wẹ gi lebangụ oku hụ ẹnya, hụn a nị ezioku rọ, wẹ nọ hogbu idibo-uku ẹbụọ hụ elu osisi. Wẹ nọ nọ ihun eze detọ ihiẹnni ile imẹ ẹkụkwọ w'e deye ihiẹn rị e mẹni.

Ẹsta 6:1

Ụran eburuni eze uhinhin ahụn. Ọ nọ sị wẹ wẹhẹ ẹkụkwọ wẹ e detọ ihiẹn rị e mẹni, hụn wẹ detu ihiẹn rị e mẹni kete ọ kịmalẹ; ọ sị wẹ d'a gụnn'a ya.

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Ẹbụ-ọma 10:4

Mpache ara nị eje-ịhịan fe Osolobuẹ ara rodẹ Osolobuẹ kaka!

Ẹbụ-ọma 104:33

M k'a bụnị Osolobuẹ ẹbụ e we m nwụn; m k'a kụnị Chuku m egu e we m kwọnbepụ.

Ẹbụ-ọma 111:10

Ịtụ egun Osolobuẹ wụ mbidọn amamihiẹn; ndị gi ẹ e bi e nwọnrin ezigbo nghọta. Ịja-mma k'a rịnị Osolobuẹ jẹnrin ejẹn.

Ẹbụ-ọma 115:13

o k'a gọzi ndị ile a tụ egun Osolobuẹ: kẹ onyẹ uku kẹ onyẹ nta!

Ẹbụ-ọma 119:63

M wụ ọwụ ndị ile a tụ egun i, ọwụ ndị ile e dọnmẹ iwu i.

Ẹbụ-ọma 139:4

M gini d'e kudẹ oku, Osolobuẹ, y'a marịngụọlẹ ihiẹn m jẹnkọ d'e ku.

Ẹbụ-ọma 147:11

Ihiẹn a sụọ Osolobuẹ wụ ndị hụn a tụ egun ẹ, ndị bu obi tụkwasị ihiẹn-ọsụsụọ a.

Ẹbụ-ọma 16:3

O mẹ nke ndị nsọ ị hụn rị alịnị — uwẹ wụ okẹn-ịhịan ebe m rị, ihiẹn wẹ a sụọ m ọda!

Ẹbụ-ọma 20:7

Ụfọdụ gi ụgbọ-ẹshin agha e dọn ẹnya; ndị ọzọ gi ẹshin-agha e dọn ẹnya — kanị ẹnyi nwẹn gi ẹfan Osolobuẹ wụ Chuku ẹnyi e dọn ẹnya!

Ẹbụ-ọma 33:18

Kanị ẹnya Osolobuẹ rị ebe ndị a tụ egun ẹ rị, ndị gi ihiẹn-ọsụsụọ a e dọn ẹnya,

Ẹbụ-ọma 34:15

Ẹnya Osolobuẹ rị ebe ndị ezi-omumẹ rị, ntịn a rị ẹkwan wẹ;

Ẹbụ-ọma 56:8

Y'a hụngụọ ẹkwan ile m rị a kwan; ị hụ e butọ ẹnya-mirin m imẹ ọgọ ị. Y'e detugụọ wẹ ile imẹ ẹkụkwọ ị.

Ẹbụ-ọma 56:9

Ndị-iṅẹnrẹn m k'a gbakin azụụn, ogẹn m'e gi kpọ ị. Ihiẹn m marịn wụ nị Chuku rị azụụn nke m.

Ẹbụ-ọma 66:16

D'e gọn ni ntịn, ụnụ ile hụn a gbaye Chuku, nị m kọnị ụnụ ihiẹn o mẹni m!

Ẹbụ-ọma 94:19

Ogẹn ọwụlẹ obi gi a gbaka m, ịyụ e mẹ obi e ru m alị.

Ọpụpụ 32:32

Dodo nwan, gbagharị wẹ njọ; omẹni y'a gbagharịkọ wẹ, finchanpụ nwan ẹfan m imẹ ẹkụkwọ i de.”

Itẹn 13:20

Onyẹ sọn onyẹ marịn ihiẹn kpa ọ marịn ihiẹn, kanị onyẹ sọn onyẹ-nzuzu kpa ọ rụ ẹhụ.

Azaya 26:3

Udọn zu oke kẹ y'e ye onyẹ hụn kwọnkẹnmẹ okukwe, makẹni o gi i dọn ẹnya.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 65:6

Lee ẹ, e detọgụọ m'a ihun m: Agbakọ m nkịtịn! M k'a kụzu wẹ ụgwọ njọ wẹ; kụ a ye wẹ ngadan.

Jerimaya 31:18

Eziẹ, a nụghọ m kẹ Ifrem wụ Izrẹlụ rị a kwan ụya, a sị, “Y'e yegụọ m afụnfụn ọda-ọda kẹ w'e mẹ nwa-efin wẹ zụnlẹni. Dodo, wekinhẹn m nwan nị m hụn ụzọ kinhẹn, makẹni yụ wụ Osolobuẹ wụ Chuku m.

Jerimaya 8:6

E gọngụọ m wẹ ntịn ọhụnma-ọhụnma, onwọnni ezioku rị wẹ ọnụ. Onwọnni onyẹ njọ a rị a fụ obi n'ọ sị enwẹn ẹ, “Kẹ m mẹdẹni nwan ihiẹnni?” Onyẹ-onyẹ hụ e mẹ nke ẹ ikẹn-ikẹn nọkẹ ẹshin-agha zụnbankọ ọgbọ-agha.

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Daniẹlụ 12:1

“O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ.

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Ọrụn Ndị-ozi 1:13

A banye wẹ obodo hụ, ya wẹ nọ shi mmughẹ hụ rị ibe elu hụn w'a nọdị. Wẹ wụ ndịnị: Pita, Jọnụ, Jemisi, Andrụ; Filipu lẹ Tamọsị, Batolomi lẹ Matiu, Jemisi nwa Alịfịọsụ lẹ Saịmọnụ lẹ Judasị nwa Jemisi. Saịmọnụ te rị ndị hụn gi ẹka ikẹn a nwan nị wẹ chụpụ ndị Rom rị a kị alị wẹ.

Ọrụn Ndị-ozi 10:2

Okẹnnyẹni e feshi Osolobuẹ ikẹn, a tụ egun Osolobuẹ, ya lẹ ezi-lẹ-ụlọ a ile. O yesọnmẹ ndị igbẹnnyẹ rị alị hụ ihiẹn. Ọ kpọku Osolobuẹ ogẹn ile.

Ọrụn Ndị-ozi 2:1

O ru ụhụọhịn Mmẹmmẹ Pẹntikọsụ, ndị ile kwerini rị ụzọ ohu.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Ẹfẹsọsụ 5:19

ụnụ e gi ẹbụ rị imẹ ẹkụkwọ Ẹbụ-ọma lẹ ẹbụ-ofufe lẹ ẹbụ ndị ọzọ rị nsọ a gwa ibe ụnụ oku, a bụ nị Di-nwọnni-ẹnyi ẹbụ a sụọ ụsụọ imẹ obi ụnụ;

Ndị Tẹsalonika Ibuzọ 5:11

A gba nị nwan ibe ụnụ umẹ, e mẹ ihiẹn ibe ụnụ e gi sue, kẹ ụnụ dọn nwan rị e mẹ.

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Hibru 10:24

Nị ẹnyi a chọsọnmẹ ni kẹ ẹnyi e dọn mẹ ibe ẹnyi e nwọn ihiẹn-ọsụsụọ, e mẹ ihiẹn rị mma.

Hibru 12:15

Hụn n'a n'o nwọnni onyẹ ẹfọma Osolobuẹ fie; nị ize ewerini ọnọdị imẹ igunrun ụnụ, buhẹ nsọngbu, mẹrụ ndị bu ọda.

Hibru 3:13

Kama, e gi ni oku-Chuku a kasị ibe ụnụ obi ụhụọhịn-ụhụọhịn, hụnnị “tannị” ahụn wẹ ku oku ẹ imẹ Ẹkụkwọ-nsọ kelẹni ghafe, amamgbe ọ gha e nwọn onyẹ njọ dufie, mẹ ẹ kpọkin obi.

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 20:12

M nọ hụn ndị nwụnhụnnị kẹ wẹ turu nwan ihun ukpo-eze hụ, kẹ onyẹ-uku kẹ onyẹ-nta. E kpupụsọnmẹ wẹ ẹhụhụọ bu ọda; ya wẹ nọzị kpupụ ẹhụhụọ ọzọ, hụn wụ ẹkụkwọ ndụn-itẹbitẹ. Wẹ nọ gi ihiẹn wẹ detọsọnmẹ imẹ ẹhụhụọ ndị hụ kin onyẹ-onyẹ ikpe ihiẹn o mẹ.