Malakaị 2:7 - Ika

⁷ Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Malakaị 2:7 ပူးပေါင်းရင်းမြစ်များ

Ndị-nze Nke Ẹbụọ 16:11

Yuria onyẹ-isi nchụn-ẹjan nọ rụn ukpo nchụn-ẹjan ahụn rịkẹ hụn eze gha Damaskọsụ seye wẹ bịan'a. Ọ rụngụọ a nị eze wụ Ahazị d'a lụaha.

Ndị-nze Nke Ẹbụọ 16:16

Yuria onyẹ-isi nchụn-ẹjan nọ mẹ kẹ eze wụ Ahazị dọn gwa a.

Ihiẹn Mẹni Nke Ẹbụọ 30:22

Hezikaya nọ ku ndụn ye ndị Livaị obi, makẹni wẹ ghọsị n'a ghọtaghọ wẹ kẹ w'e fe Osolobuẹ ọhụnma. Wẹ nọ ri oriri hụ ọrọgbọ akp'ọhịn ẹsa wẹ gi e ri ẹ, a chụn ẹjan-ekele, a kpanmịn Osolobuẹ, Chuku ndị nẹdi wẹ.

Ihiẹn Mẹni Nke Ẹbụọ 31:4

Ọ sị ndị bi imẹ Jerusalẹm e ye ndị nchụn-ẹjan lẹ ndị Livaị ihiẹn runi wẹ, kẹni wẹ wechanrịn enwẹn wẹ kwanị ihiẹn gbashịarị Iwu Osolobuẹ.

Ẹzra 7:10

Makẹni Ẹzra e wegụọ enwẹn ẹ ye ịmụ Iwu Osolobuẹ lẹ imẹn'ẹ lẹ ikuzi Izrẹlụ ụmụ-iwu ndị rịn'a lẹ ihiẹn ndị Osolobuẹ sị wẹ mẹ.

Ẹzra 7:25

Ịyụ wụ Ẹzra, gi amamihiẹn Chuku i, hụn rị imẹ i, tumẹsọnmẹ ndị ọka-ikpe uku lẹ ọka-ikpe nta hụn marịn Iwu Chuku i, nị wẹ hụn ụzọ e dọnzini ndị ile rị Ẹgbẹrẹ Nfetu Iyi-Yufretisi oku. Ndị ile marịnlẹni Iwu Chuku i, y'a kuzi wẹ ya.

Itẹn 5:2

kẹni i marịn gi ezigbo uche e bi, kẹni oku-ọnụ ị wụrụ nke onyẹ marịn ihiẹn.

Ẹkịliziastisi 5:5

Ọ ka mma nị y'e kweni nkwa, karị n'ị kwe nkwa bụ y'e mẹn'ẹ.

Azaya 42:19

Onyẹ wụ ẹnya-mpịn karị odibo m? Onyẹ wụ ntịn-okin nọkẹ onyẹ-ozi m? Onyẹ wụ ẹnya-mpịn nọkẹ onyẹni lachanrịn enwẹn ẹ tọnị m? Onyẹ wụ ẹnya-mpịn nọkẹ odibo Osolobuẹ?

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Jerimaya 15:19

“Ya kẹ Osolobuẹ nọ sị, ‘I hutọ, e werizi m'i — n'i hụn ụzọ rụnmazịnị m ọrụn; omẹni y'e ku oku furuni, ẹlẹ oku furulẹni, y'a wụsọnmẹ ọnụ m. Ndịnị nwọn kweyeni i, ẹlẹkwọ yụ k'e kweyeni wẹ!

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Izikẹlụ 22:26

“Ndị nchụn-ẹjan a e wiwichanrịngụọ Iwu m rị wẹ ẹka, mẹrụ ihiẹn m ile rị nsọ; onwọnzini ihiẹn rị nsọ lẹ ihiẹn-mmaka ẹnya wẹ; w'a ra kụzizi n'o nwọnghọ ihiẹn rụnị lẹ ihiẹn rụlẹni; achọzịnị wẹ nị wẹ marịn nị m tumẹsọnmẹ Ogẹn Ezumikẹn ichẹn-ichẹn, wẹ hụ e gi wẹ ile e budan m imẹ igunrun wẹ.

Izikẹlụ 7:26

Ọdakin k'a gha a bịanị wẹ ọbịbịa-ọbịbịa; wẹ k'a nụsọnmẹ oku nsọngbu. Wẹ k'a chọ uche Osolobuẹ mmaka ẹka onyẹ-amụma; ndị nchụn-ẹjan asakọ ẹka kuzi Iwu Osolobuẹ; ndị-ichẹn asakọ ẹka dụn ọdụn.

Daniẹlụ 11:33

“Ndị marịn ihiẹn jẹnkọ d'e dumẹ ndị bu ọda, a kuzi wẹ, kanị wẹ k'e gi ọpịa-agha lẹ ọkụn gbu ndị ahụn marịn ihiẹn ẹkẹrẹ ogẹn, a nwụnrụn wẹ, a kwarị ihiẹn wẹ.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Lẹvitikọsụ 10:11

Ụnụ k'a kuzirịrị ndị Izrẹlụ iwu ile Osolobuẹ gha ọnụ Mozizi ye wẹ.”

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Hagaị 1:13

Ya kẹ Hagaị wụ onyẹ-ozi Osolobuẹ nọ sị wẹ nị Osolobuẹ sị wẹ nwan, “M hụ ụnụ azụụn. Mmẹ wụ Osolobuẹ ku ẹ!”

Zẹkaraya 7:3

wẹ jụ ndị nchụn-ẹjan rị Ụlọ-nsọ Osolobuẹ ihiẹn ile rị okpuru ẹ lẹ ndị-amụma ajụjụ, sị, “Nị ẹnyi a kwan, e bu ọnụ ifọn nke isẹn kẹ ẹnyi dọn e mẹ kete ahụa ole-lẹ-ole yeni otikpọ wẹ tikpọ Jerusalẹm?”

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Ọgụngụn 27:21

O sikọ d'a nọ okpuru Ẹliẹza onyẹ nchụn-ẹjan a rụn. Ẹliẹza nwọn e gi Utẹn-Osolobuẹ a jụn'a Osolobuẹ ihiẹn o jẹnkọ d'e mẹ; ọ sị ‘jẹnmẹ’, e jẹnmẹ wẹ; ọ sị ‘lụaha’, a lụaha wẹ.”

Jọnụ 13:20

Ezioku kẹ m rị a gwa ụnụ, onyẹ hụn nabanhan onyẹ m zi, nabanhan m; onyẹ nabanhannị m, nabanhan onyẹ zihẹni m.”

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Ọrụn Ndị-ozi 16:17

Nwa-agbọnị hụ e sọnhunmẹ ẹnyi lẹ Pọlụ. Ọ nọbe, ọ dọbepụ oro, sị, “Ndịnị wụ idibo Chuku Kachanrịnnị! Wẹ rị a gwa ụnụ kẹ ụnụ a dọn nwọn nzụọpụha.”

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Galeshịa 4:14

Kanị, ụnụ etuni ụya rị m ẹhụ hụn mẹ ụnụ ibu, ụnụ elegberini m, ụnụ ajụnị m; kama, ụnụ nabanhan m nọkẹ sị m wụ mmọn-ozi Osolobuẹ, nọkẹ sị m wụ Kraịstị Jizọsị lẹ enwẹn ẹ.

Ditrọnọmi 21:5

Ndị nchụn-ẹjan, ụmụ Livaị, sikọ d'e jẹnpụha ihun, makẹni uwẹ kẹ Osolobuẹ wụ Chuku ụnụ họrị hụn k'a gha a rụn ọrụn Osolobuẹ, e gi ẹfan Osolobuẹ a gọzi ịhịan, a han eṅẹn ikpe ile lẹ ihiẹn ọwụlẹ wẹ mẹ ịhịan.

Ditrọnọmi 24:8

Emu akpụkpọ-ẹhụ gha a kụ ịhịan, dọnrin ni ẹnya mẹchanrịn kẹ ndị Livaị ndị nchụn-ẹjan dọn gwa ụnụ. Ụnụ k'e dọnrin ẹnya mẹrịrị ihiẹn ndịnị m gwa wẹ mẹ.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Samuẹlụ Nke Ibuzọ 2:17

Njọ ikorọbịa hụ jọgbu enwẹn ẹ ẹnya Osolobuẹ makẹni wẹ gi ihiẹn ndị Izrẹlụ rị e ye Osolobuẹ e mẹ ihiẹn ẹti.