Malakaị 2:17 - Ika

¹⁷ Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Malakaị 2:17 ပူးပေါင်းရင်းမြစ်များ

Jobu 34:17

Omẹni ize ezioku e ze Chuku, nị ọ s'ẹka kị? Onyẹ ahụn rị ọchan wụ dikẹn k'ị rị a hụn ihiẹn o mẹ?

Jobu 34:36

K'o furu wẹ lele Jobu ru alị, hụn o gi a shịarị nọkẹ eje-ịhịan.

Jobu 36:17

Kanị afụnfụn ndị-njọ a narịn k'ị rị nwan a narịn; afụnfụn ru njọ hụn i mẹ k'ị rị nwan imẹ ẹ.

Jobu 9:24

O mẹ alị a danban eje-ịhịan ẹka, e kẹnkin ndị a han eṅẹn rịn'a ẹnya. Omẹni ẹlẹ Chuku e mẹ wẹ, onyẹ rọ nwan?

Ẹkịliziastisi 8:11

Wẹ biekẹ d'e ye ịhịan afụnfụn eje-ihiẹn o mẹ, ịhịan ile a tụma iroro eje-ihiẹn wẹ k'e mẹ.

Azaya 1:14

Mmẹmmẹ Ifọn-ọhụn ụnụ lẹ ndị ọzọ wẹ tumẹsọnmẹni ụnụ rị e ze m, e zeru m akpobi. A wụrụgụọ wẹ m ibu olu, ndụn a gụgụọ m m gi e din wẹ.

Azaya 29:15

Nsọngbu rị e che ndị a lịlịma wẹ nị wẹ zuemẹni Osolobuẹ ẹfọ, ndị hụn a nọ imẹ ishi e mẹ ihiẹn wẹ rị e mẹ, a sị, “Onyẹ k'a hụn ẹnyi? Onyẹ nwọn marịn?”

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 43:22

Kanị, ịyụ wụ Jekọpụ eke kpọkukwọ m nwan; ndụn m a gụgụọ ị, Izrẹlụ!

Azaya 43:24

Y'e wẹhẹnini m kalamusu e kun fuẹin mọbụ buhẹni m ụtọrọ anụ bu ọda wẹ gi chụn ẹjan. Kama, ị hụ e gi njọ ị e buye m ibu, e gi mmẹfie i e mẹ ndụn a gụ m.

Azaya 7:13

Ya Azaya nọ sị, “Gọn ni ntịn, ụnụ ndị ikpụlọ Defidi! Ebe ụnụ chọru ihiẹn rị ịhịan ọnụ eke hi? Ụnụ k'a chọmazị ihiẹn rị Chuku m ọnụ?

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 17:15

A tọ wẹ a jụ m, “Ihiẹn nwẹn ị sị ya kẹ Osolobuẹ ku? Ya d'e mẹzu nwan!”

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Izikẹlụ 16:43

“ ‘Makẹni y'a nyanhannị ihiẹn m mẹni i kẹ i rị nwata, kama, ị nọ gi eje-ihiẹn ndịnị wẹ kpasu m iwe, mmẹ nwẹn k'e mẹ i gi isi buru wẹ ile. Y'a gbagụọnị eje-ịgbaraja cheni arụ ile i mẹ? Ya kẹ mmẹ wụ Osolobuẹ Nwọn Ihiẹn Ile ku.

Izikẹlụ 18:25

“Kanị ụnụ hụ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Izikẹlụ 8:12

Osolobuẹ nọ sị m, “Nwa-ịhịan, ị hụ a hụn ihiẹn ndị-ichẹn Izrẹlụ rị a rụn imẹ ishi? Ihiẹn onyẹ-onyẹ rị mmughẹ o setọsọnmẹ mmọn a rụn — a sị enwẹn wẹ, ‘Osolobuẹ arị a hụn ẹnyi. Osolobuẹ a gbakitọgụọ alịnị azụụn.’ ”

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Emọsụ 2:13

Lee nwan, m k'a bịantu ụnụ ebẹhụ ụnụ rị, ụnụ a nyụnlụa kẹ trọkụ bu okẹn ibu ibu ọka hụn nyịngbu enwẹn ẹ.

Zẹfanaya 1:12

O ru ogẹn hụ, m k'e gi ukpẹ gwalọ imẹ Jerusalẹm, m k'e ye ndị hụn nwọnzilẹni ihiẹn wẹ kpọ eje-ihiẹn afụnfụn, ndị hụn nọ nwan kẹ manya dọnni, hụn rị a sị enwẹn wẹ, ‘O nwọnni ihiẹn Osolobuẹ k'e mẹ kẹ mma kẹ njọ.’

Malakaị 2:14

Ụnụ hụ a jụ, “Kị haịn Osolobuẹ gilẹni a narịn oyiye ẹnyi?” Osolobuẹ rị a shịagbu i ẹri haịn, ọ rị a hannị ịyụ lẹ nwunyẹ-ụtụntụn ị eṅẹn ebe ị nọ la a tọ, ọsụọn'a nị ịyụ lẹ ịya rị kete-kete, ọsụọn'a n'i kwe nkwa lụrụ a.

Malakaị 3:8

“Nị ịhịan zun nwan Osolobuẹ ohin? Bụ ụnụ hụ e zun m ohin. “Kanị ụnụ hụ a jụ, ‘Nanị ẹnyi dọn e zun Osolobuẹ ohin?’ “Ụzọ-ohu-imẹ-ụzọ-iri lẹ oyiye ụnụ furu nị ụnụ e ye kẹ ụnụ rị e zunnarịn m.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Samuẹlụ Nke Ibuzọ 2:3

Nyanbehi isi hụ; ekukarịzịlẹ enwẹn i! Osolobuẹ wụ Chuku hụn marịn ihiẹn ile; ịya e lele ihiẹn ịhịan rị e mẹ.