Malakaị 2:14 - Ika

¹⁴ Ụnụ hụ a jụ, “Kị haịn Osolobuẹ gilẹni a narịn oyiye ẹnyi?” Osolobuẹ rị a shịagbu i ẹri haịn, ọ rị a hannị ịyụ lẹ nwunyẹ-ụtụntụn ị eṅẹn ebe ị nọ la a tọ, ọsụọn'a nị ịyụ lẹ ịya rị kete-kete, ọsụọn'a n'i kwe nkwa lụrụ a.

Malakaị 2:14 ပူးပေါင်းရင်းမြစ်များ

Jẹnẹsisi 2:18

Osolobuẹ wụ Chuku nọ sị, “Ọ rịnị mma nị Adam sụsụọ biri. M k'e mẹmẹn'ẹ onyẹ eyemẹka furun'ẹ.”

Jẹnẹsisi 31:50

I mẹja ụmụ m ndịnị ị rị a lụ mọbụ lụrụ ndị ọzọ cheni wẹ — nyanhankwọ nị Chuku wụ ọshẹri, ọsụọn'a n'o nwọnzini onyẹ ọzọ rị a hụnnị ẹnyi.”

Itẹn 2:17

hụn latọgụ di-ụtụntụn a, latọ nkwa o kwe idẹnya Chuku.

Itẹn 30:20

“Lee kẹ okpoho hụn a zọ ụkụ e ye ọfịa e mẹ: o ri, o finchanpụ ọnụ, ọ sị, ‘Onwọnni eje-ihiẹn m mẹ!’

Itẹn 5:20

K'ị okpoho rị a zọ ụkụ e ye ọfịa k'a tụn'ị kẹ manya, nwa m? Kị yụ lẹ okpoho ẹnya rị ogbe k'a kụkụrụmanị?

Ẹkịliziastisi 9:9

Yụ lẹ nwunyẹ i ihiẹn ẹ sụọ ị, rimẹ ni ụwa ụhụọhịn ile imẹ ndụn ọlaliwini Chuku ye i bi okpuru ẹnyanwụn — ọrọgbọ hụ ile nwọnlẹni isi i k'e bi. Makẹni ọnwan wụ ihiẹn runi i kẹ ị dọn rị e bi ndụnnị, a rụn okẹn ọrụn ile ị rị a rụn elu-ụwanị rị okpuru ẹnyanwụn.

Ẹbụ Solomọnụ 1:15

Obi-m, y'a rịka mma! Euu, y'a rịkazị mma! Ẹnya ị nọ kẹ nke nduru.

Azaya 54:6

Osolobuẹ k'a kpọkinhẹn i lekẹ nwunyẹ wẹ jụ obi rị a gbawa, nwunyẹ wẹ lụ nke ọhụn hụn wẹ jụ. Ya kẹ Chuku i ku.

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 42:5

Ya wẹ nọ sị Jerimaya, “Osolobuẹ ya shịagbu ẹnyi ẹri lekẹ ezigbo ọshẹri wẹ gi e dọn ẹnya omẹni ẹnyi emẹni ihiẹn Osolobuẹ wụ Chuku i gwa ẹnyi, mẹchanrịn a k'o dọn ku ẹ.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Jerimaya 9:2

K'ọ rị m, m nwọn ebe m'a gbashi imẹ atụ, ebe ndị-ijẹn a ranhịn, kẹni m yeni ndị nke m efe, kẹni m pụnị wẹ; makẹni wẹ wụ ndị ẹnya rịlẹni ụzọ ohu, igunrun ndị-ntụ!

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Maịka 1:2

Gọn ni ntịn, ndị alị ile; ụnụ ile, gọn ni ntịn! Elu-ụwa lẹ ihiẹn ile rịn'a, gọn ntịn! Gọn ni ntịn, nị Osolobuẹ nwọnni ẹnyi shịagbu ụnụ ẹri; n'ọ gha Ụnọ-NSỌ a rị nsọ ku ihiẹn ụnụ mẹ!

Malakaị 2:15

Ẹlẹ ẹhụ ohu kẹ Osolobuẹ mẹ wẹ wụrụ — o mẹ mmọn a nọdị imẹ ẹ? Kị Osolobuẹ chọkọ o gi mẹ ẹ? O mẹ ẹ kẹni ụmụ ụnụ wụrụ nke Osolobuẹ nkesi. Kpachanpụ nwan ẹnya, amamgbe y'a latọ nwunyẹ-ụtụntụn ị.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Malakaị 3:8

“Nị ịhịan zun nwan Osolobuẹ ohin? Bụ ụnụ hụ e zun m ohin. “Kanị ụnụ hụ a jụ, ‘Nanị ẹnyi dọn e zun Osolobuẹ ohin?’ “Ụzọ-ohu-imẹ-ụzọ-iri lẹ oyiye ụnụ furu nị ụnụ e ye kẹ ụnụ rị e zunnarịn m.

Ndị Han Eṅẹn 11:10

Ndị-ichẹn Gilẹdị nọ sị Jẹfta, “Osolobuẹ wụ ọshẹri ẹnyi; ẹnyi jẹnkọ d'e mẹrịrị ihiẹn i ku.”

Samuẹlụ Nke Ibuzọ 12:5

Ya Samuẹlụ nọ sị wẹ, “Osolobuẹ wụ ọshẹri, onyẹni o tumẹ eze wụzị ọshẹri tannị, nị ụnụ ahụnnị eje ihiẹn anaị ẹka m.” Wẹ nọ sị, “Ịya wụ ọshẹri.”