Malakaị 2:12 - Ika

¹² Osolobuẹ ya wepụ onyẹ ọwụlẹ mẹ ihiẹnni lẹ ndị bikinni wẹ imẹ ebọn Jekọpụ wụ Izrẹlụ — ọsụọn'a nị hụnyẹ hụkwọ a chụnyeni Osolobuẹ ihiẹn ile rị okpuru ẹ ẹjan.

Malakaị 2:12 ပူးပေါင်းရင်းမြစ်များ

Ihiẹn Mẹni Nke Ibuzọ 25:8

Kẹ okorọbịa kẹ okẹnnyẹ-ọba, kẹ onyẹ-nkuzi kẹ onyẹ wẹ rị a kuzi, utẹn-Chuku kẹ wẹ gi keye wẹ ọrụn wẹ; onwọnni onyẹ họrị ọrụn ọ chọ.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Izikẹlụ 14:10

e gi wẹ isi wẹ buru eje-ihiẹn wẹ mẹ: kẹ onyẹ amụma wẹ bịa d'a jụ uche Osolobuẹ kẹ onyẹ bịa d'a jụnị.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Hosia 9:12

Ọsụọkwọn'a wẹ zụn ụmụ, m k'e gbuchanrịn ụmụ wẹ. Nke wẹ k'a jọgbu enwẹn ẹ, ogẹn m'e gi la wẹ tọ!

Lẹvitikọsụ 18:29

Onyẹ mẹ hụn ọwụlẹ imẹ ihiẹn ndịnị m'a sọ, wẹ k'e bepụ a imẹ igunrun ndị nke ẹ.

Lẹvitikọsụ 20:3

M k'e mẹshi onyẹ hụ ikẹn, e bepụ m'a imẹ ndị nke ẹ; makẹni ebe ọ nọ gi nwa a chụnyeni Molẹkị ẹjan, o mẹrụgụọ ebe wẹ nọ e fe m, budan ẹfan nsọ m.

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Zẹkaraya 12:7

“Osolobuẹ k'e yegụ Juda ile ọghọ mmẹri amamgbe ikpụlọ Defidi wụ eze lẹ ndị bi Jerusalẹm e nwọnkarị alị Juda wẹ rị imẹ ẹ ọghọ.

Malakaị 1:10

K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Malakaị 1:13

ụnụ e sị, ‘Ihiẹnni a gụ ndụn!’ Ụnụ e shin ẹ. Ya kẹ Osolobuẹ ku. “Ụnụ e wẹhẹsọnmẹ ihiẹn ụnụ narịn ịhịan mọbụ anụ dan ngụrọ mọbụ hụn rịlẹni ikẹn — wẹ ile kẹ ụnụ gi e ye oyiye! Nị m kweri narịn ụnụ ya? Ya kẹ Osolobuẹ ku.

Malakaị 2:10

Ẹlẹ nẹdi ohu mụ ẹnyi ile? Ẹlẹ Osolobuẹ ohu ke ẹnyi ile? Kị haịn nwan ẹnyi gi a tụ ibe ẹnyi ntụ, e tikpọ iwu Osolobuẹ ye ndị nẹdi ẹnyi?

Ọgụngụn 24:5

“Euu ebọn Jekọpụ, ọdụ ị ile a maka mma! Euu ndị Izrẹlụ, ebe ile ụnụ ziẹntọsọnmẹ a maka mma!

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Samuẹlụ Nke Ibuzọ 3:14

M nọ nwan kụn isi m, sị ikpụlọ Ẹlaị ‘Kẹ ẹjan kẹ oyiye, onwọnni hụn sikọ d'a saẹka finchanpụ njọ ikpụnọ Ẹlaị.’ ”