Malakaị 1:7 - Ika

⁷ Ẹjan ndịnị rụnị ụnụ rị a chụnyeni m elu ukpo nchụn-ẹjan m kẹ ụnụ gi e budan ẹfan m. “Ụnụ sị, ‘Nanị ẹnyi dọn mẹrụ ihiẹn i?’ Teburu Osolobuẹ ụnụ rị a kpọ ihiẹn mmakalaka kẹ ụnụ gi e mẹrụ ihiẹn m.

Malakaị 1:7 ပူးပေါင်းရင်းမြစ်များ

Izikẹlụ 41:22

Ukpo nchụn-ẹjan wẹ gi osisi rụn rị a. Ojijẹn elu ẹ wụ ọbụkụ isẹn lẹ hụn rulẹni mkpikpi (5¼), ụshịa a wụ ụbụkụ ẹtọ lẹ mkpikpi. Ukun ẹ lẹ ntịn a lẹ ụsụọ a wụ osisi. Okẹnnyẹ ahụn rị a ghọsị m ihiẹn nọ sị m, “Ọnwan wụ teburu ahụn a rị ihun Osolobuẹ.”

Izikẹlụ 44:16

Uwẹ k'a banhan imẹ Ụlọ-nsọ m; uwẹ k'a nọkunmẹ teburu m, a chụnyeni m ẹjan; uwẹ k'e lepụ ihiẹn m ẹnya.

Lẹvitikọsụ 2:11

“Yisti arịkọ oyiye-ọka ọwụlẹ wẹ k'e ye Osolobuẹ, makẹni ụnụ egikọ yisti mọbụ mirin-ẹnwụn ọwụlẹ chụnyeni Osolobuẹ ẹjan wẹ gi ọkụn chụn.

Lẹvitikọsụ 21:6

Wẹ k'a rịnị Osolobuẹ nsọ; wẹ ebudankwọlẹ ẹfan Osolobuẹ. Ebe o mẹ ni uwẹ a chụnyeni Osolobuẹ ẹjan ndị hụ wẹ gi ọkụn e ye ẹ, ihiẹn-oriri Osolobuẹ wẹ, wẹ k'a rị nsọ.

Lẹvitikọsụ 21:8

Weri ni wẹ kẹ ndị rị nsọ, makẹni uwẹ nwọn e bu ihiẹn-oriri Chuku ụnụ e ye ẹ. Weri ni wẹ kẹ ndị rị nsọ, makẹni Mmẹ hụn wụ Osolobuẹ, m rị nsọ — mmẹ hụn mẹ ụnụ a rị nsọ.

Lẹvitikọsụ 3:11

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye Osolobuẹ.

Malakaị 1:12

Kanị ụnụ hụ e budan ẹfan m ebe ụnụ rị e mẹ teburu Onyẹ-nwọn ihiẹn ile nọkẹ ihiẹn rụnị, e lelịa ihiẹn-oriri ẹ;

Malakaị 1:13

ụnụ e sị, ‘Ihiẹnni a gụ ndụn!’ Ụnụ e shin ẹ. Ya kẹ Osolobuẹ ku. “Ụnụ e wẹhẹsọnmẹ ihiẹn ụnụ narịn ịhịan mọbụ anụ dan ngụrọ mọbụ hụn rịlẹni ikẹn — wẹ ile kẹ ụnụ gi e ye oyiye! Nị m kweri narịn ụnụ ya? Ya kẹ Osolobuẹ ku.

Malakaị 1:8

“Hụn ahụn ụnụ gi anụ ẹnya kpọhị a chụnyeni m ẹjan — ẹlẹ eje-ihiẹn rọ? Hụn ahụn ụnụ a chụnyeni m anụ dan ngụrọ lẹ anụ rịlẹni ikẹn — ẹlẹ eje-ihiẹn rọ? Welele ni anụ nọ ẹrịra ye Gọvanọ ụnụ. Nị ihiẹn ụnụ sụọ a? N'o mẹni ụnụ ihiẹn ụnụ rịọ a? Ya kẹ Osolobuẹ ihiẹn ile rị okpuru ẹ ku.

Ndị Kọrẹntị Ibuzọ 10:21

Ụnụ asakọ ẹka rị a rarị ihiẹn rị mkpu Di-nwọnni-ẹnyi, a rarịzị nke eje-mmọn; ụnụ asakọ ẹka rị e ri ihiẹn-oriri teburu Di-nwọnni-ẹnyi, e rizi nke eje-mmọn.

Ditrọnọmi 15:21

Omẹni anụ nwọn nsọngbu ẹhụ, omẹni ọ wụ ngụrọ mọbụ ẹnya-ishi mọbụ n'o nwọn k'o dọnlẹni zu oke, egikwọl'a chụnyeni Osolobuẹ wụ Chuku i ẹjan.