Malakaị 1:6 - Ika

⁶ “Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 1:6 ပူးပေါင်းရင်းမြစ်များ

Ẹbụ-ọma 123:2

Ẹghẹẹ, kẹ ikẹnnyẹ wụ idibo dọn a tụ ẹnya ihiẹn rị di-nwọnni wẹ ẹka lẹ kẹ ikpoho wụ idibo dọn a tụ ẹnya ihiẹn rị nnẹ wẹ ẹka, ẹrịra kẹ ẹnyi dọn nwan rị e lee Osolobuẹ wụ Chuku ẹnyi ẹnya, d'e ru n'o mẹ omikẹn ẹnyi.

Ọpụpụ 20:12

“Gbaye nẹdi i lẹ nnẹ i, kẹn'i tọ imẹ anị ahụn Osolobuẹ wụ Chuku i rị e ye i.

Itẹn 17:6

Ụmụ-ụmụ wụ ugọn ndị ẹgẹdi tu, nẹdi lẹ nnẹ wụ ọghọ mmụ wẹ.

Itẹn 30:11

O nwọnghọ ndị a kpọ nẹdi wẹ iyi, agbọ ghalẹni a gwa nnẹ wẹ oku rị mma.

Itẹn 30:17

“Ẹnya hụn a mụ nẹdi ẹ ẹmụ, e legberi oku nnẹ ẹ, nnụnụ rị ọdanmgbugbu k'a gụpụha a, ụmụ udele e ri ẹ.

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 43:23

Y'e wẹhẹni atụnrụn gi chụnyeni m ẹjan w'a kpọ ọkụn mọbụ chụnyesọnmẹni m ẹjan gi ye m ọghọ. Asịnị m'ị ye m oyiye-ọka, nkẹ ọ wụrụ nị m buye i ibu; egini m oku ịmụyeni m nsẹnsi mẹ ndụn gụ ị.

Azaya 45:10

Nsọngbu rị e che onyẹ sị nẹdi ẹ, ‘K'ị rịdẹ nwan a mụ ihiẹnni?’ mọbụ jụma nnẹ mụn'a, ‘Kịnị k'i rịdẹ a mụ ihiẹnni?’

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Azaya 64:8

Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị.

Jerimaya 23:11

“Kẹ ndị-amụma kẹ ndị nchụn-ẹjan arịzị a tụ egun Osolobuẹ; m hụzịdẹ a hụn eje-obibi wẹ imẹ ụlọ-nsọ m! Ya kẹ Osolobuẹ ku.

Jerimaya 3:4

Ẹlẹ kikẹnni kẹ ụnụ hịgụ m, ‘Euu, nẹdi m, ọwụ m kete m rị okoro,

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 35:16

Ebọn Jonadabụ nwa Rekabụ hụ e mẹ ihiẹn nẹdi wẹ kanị sị wẹ mẹ, kanị ndịnị ara mẹ ihiẹn m sị wẹ mẹ.’

Izikẹlụ 22:26

“Ndị nchụn-ẹjan a e wiwichanrịngụọ Iwu m rị wẹ ẹka, mẹrụ ihiẹn m ile rị nsọ; onwọnzini ihiẹn rị nsọ lẹ ihiẹn-mmaka ẹnya wẹ; w'a ra kụzizi n'o nwọnghọ ihiẹn rụnị lẹ ihiẹn rụlẹni; achọzịnị wẹ nị wẹ marịn nị m tumẹsọnmẹ Ogẹn Ezumikẹn ichẹn-ichẹn, wẹ hụ e gi wẹ ile e budan m imẹ igunrun wẹ.

Hosia 12:8

Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 5:1

“Nụ nị ọnwan, ndị nchụn-ẹjan! Gọn ni ntịn, ndị Izrẹlụ! Gọn ni ntịn, ikpụlọ eze! Makẹni ikpe a magụọ ụnụ! Ụnụ wụ ọnyan wẹ gi a nwụn ndị nke m imẹ Mizpa; ọga wẹ gi a nwụn wẹ imẹ Tabọ;

Lẹvitikọsụ 19:3

“Onyẹ-onyẹ imẹ ụnụ k'a gbayerịrị nnẹ ẹ lẹ nẹdi ẹ. Ụnụ k'e girịrị ụhụọhịn Ezumikẹn ndị hụ m kayesọnmẹ zu ikẹn. Mmẹ wụ Osolobuẹ hụn wụ Chuku ụnụ.

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Malakaị 2:1

“Nị m gwa nwan ụnụ ndị nchụn-ẹjan ihiẹn m sikọ d'e mẹ ụnụ:

Malakaị 2:10

Ẹlẹ nẹdi ohu mụ ẹnyi ile? Ẹlẹ Osolobuẹ ohu ke ẹnyi ile? Kị haịn nwan ẹnyi gi a tụ ibe ẹnyi ntụ, e tikpọ iwu Osolobuẹ ye ndị nẹdi ẹnyi?

Malakaị 2:8

“Kanị ụnụ nwẹn a ghagụọ ụzọ pụ; ụnụ e gigụọ eje-ihiẹn ụnụ rị a kuzi mẹ ndị bu ọda kpọgburu; ụnụ e tikpọgụọ iwu hụn m ye ndị Livaị. Ya kẹ Osolobuẹ ihiẹn ile rị okpuru ẹ ku.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 15:4

Osolobuẹ ye iwu, sị, ‘Gbaye nẹdi i lẹ nnẹ i,’ sịzị, ‘Onyẹ kuja oku nẹdi ẹ mọbụ nnẹ ẹ, wẹ gbu ẹ.’

Matiu 15:6

ọ rịzịnị mkpa n'o gi ihiẹn o nwọn gbaye nẹdi ẹ mọbụ nnẹ ẹ.’ Ụnụ e gi ufiri ọdịnalị ụnụ e nu oku Osolobuẹ e ye ụsụọ.

Matiu 19:19

gbaye nẹdi i lẹ nnẹ i; ihiẹn ibe i ya sụọ ị kẹ enwẹn i dọn a sụọ ị.”

Matiu 6:9

“E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Matiu 7:21

“Ẹlẹ ndị ile a kpọ m ‘Di-nwọnni-ẹnyi’, ‘Di-nwọnni-ẹnyi’ jẹnkọ d'a banye Alị-eze elu-igwee, kanị ndị hụn e mẹ uche Nẹdi m rị elu-igwee sụọ.

Makị 10:19

Y'a marịnghọ ihiẹn Iwu ku: ‘Egbulẹ ọchụn; aghẹrẹlẹ, ezunlẹ ohin; ebuokinlẹ ịhịan ọnụ; atụnarịnlẹ ịhịan ihiẹn ẹ; gbaye nẹdi i lẹ nnẹ i.’ ”

Makị 7:10

Mozizi sị, ‘Gbaye nẹdi i lẹ nnẹ i’, sịzị, ‘Onyẹ kpari nẹdi ẹ mọbụ nnẹ ẹ, wẹ k'e gburịrị a.’

Luku 10:29

Kanị Ọka-iwu hụ chọ n'o kuni enwẹn ẹ ọhụnma, ọ nọ sị Jesu, “Onyẹ wụ nwan ibe m?”

Luku 18:20

Ya marịnghọ Iwu ndịnị wẹ: ‘Aghẹrẹlẹ; egbulẹ ọchụn; ezunlẹ ohin; ebuokinlẹ ịhịan ọnụ; gbaye nẹdi i lẹ nnẹ i.’ ”

Luku 6:36

E mẹ ni omikẹn kẹ Nẹdi ụnụ dọn e mẹ omikẹn.

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Ndị Ẹfẹsọsụ 6:2

“Gbaye nẹdi i lẹ nnẹ i.” Ọnwan wụ iwu ibuzọ nkwa rị, nkwa hụ wụ,

Ditrọnọmi 1:31

lụzịkwọnị ụnụ ya imẹ atụ. Ụnụ a hụnghọ kẹ Osolobuẹ wụ Chuku ụnụ dọn pa ụnụ kẹ nẹdi a pa nwa a, ọrọgbọ ahụn ile ụnụ gi rị ụzọ kẹ ụnụ lala ụnụ e we ru ebeni.”

Ditrọnọmi 32:6

Ẹnịna kẹ ụnụ gi a kụ Osolobuẹ ụgwọ, ndị nzuzuni marịnlẹni ihiẹn?! Ẹlẹ ịya wụ Nẹdi ụnụ, Onyẹ hụn ke ụnụ, mẹmẹ ụnụ, kpụ ụnụ?

Ditrọnọmi 5:16

“Gbaye nẹdi i lẹ nnẹ i, kẹ Osolobuẹ wụ Chuku ụnụ dọn gwa ụnụ, n'ị hụn ụzọ tọ lẹ n'ọ hụn ụzọ masịn'ị imẹ alị ahụn Osolobuẹ wụ Chuku ụnụ rị e ye ụnụ.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.