Malakaị 1:14 - Ika

¹⁴ “Ọ rịkọnị onyẹ-ntụ hụ mma, onyẹ hụn nwọn ebulu rị mma imẹ anụ a, kwe nkwa nị ịya k'o k'a chụnyeni Osolobuẹ, kanị ogẹn ru ọ chụnyen'ẹ hụn ẹhụ a zulẹni! Makẹni, okẹn Eze w'a gbaye ẹfan a imẹ alị ndị ọzọ kẹ m wụ. Ya kẹ Osolobuẹ ihiẹn ile rị okpuru ẹ ku.”

Malakaị 1:14 ပူးပေါင်းရင်းမြစ်များ

Jẹnẹsisi 27:12

Nẹdi m nwọn ikẹn rịra m ẹka, o weri ẹ nị m bịa d'a kpari ẹ — ogẹn ahụn, e sehẹni m enwẹn m ọnụ-ẹsọn, ẹlẹzi ngọzi.”

Samuẹlụ Nke Ẹbụọ 24:24

Kanị Defidi nọ sị Araụna, “Mba. M chọ nị m ṅọn ẹ. A chụnyẹkọnị m Osolobuẹ wụ Chuku m ẹjan w'a dụn ọkụn nwọnlẹni ihiẹn o ri m.” Ya Defidi nọ ṅọnrin ebẹhụ wẹ nọ a kụkpọ ọka lẹ okẹn-efin ndị ahụn — akpụrụ siliva iri kwasị ọgụnnaị.

Ẹbụ-ọma 102:16

Makẹni, Osolobuẹ k'a tụndọnzi Zayọnụ; o k'a ghọsị ọghọ a.

Ẹbụ-ọma 47:2

Makẹni, Osolobuẹ, Onyẹ hụn kachanrịnnị, rị egun; Eze ndị-nze k'ọ wụ elu ụwa ile.

Ẹbụ-ọma 47:3

Ịya mẹ alị ndị ọzọ e humẹni ẹnyi isi, bu alị ndị ọzọ che okpuru ụkụ ẹnyi.

Ẹbụ-ọma 47:8

Chuku wụ eze alị ile rị ichẹn-ichẹn; Chuku nọdị alị elu ukpo ẹ rị nsọ.

Ẹbụ-ọma 48:2

Ugu ẹ rị nsọ jẹn elu hụn ma mma; ịya wụ ịghọghọ ụwa ile! Ugu Zayọnụ rọ — hụn rị njẹndemẹ ẹbamịn ugu obodo Eze-uku ahụn rọ.

Ẹbụ-ọma 68:35

Chuku a rịka egun! Chuku, hụn rị ụlọ-nsọ a! Chuku Izrẹlụ! O ye ndị nke ẹ ikẹn lẹ ọkịkị. Ịja-mma ya rịnị Chuku!

Ẹbụ-ọma 76:12

Onyẹ hụn e welụa ndị ọkịkị alị, hụn ndị-nze ụwa gi a tụ egun ẹ.

Ẹbụ-ọma 95:3

Makẹni, Chuku hi-ogbe kẹ Osolobuẹ wụ, Eze uku hụn kachanrịn mmọn ile!

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Jerimaya 48:10

“Onyẹ e gi ahịa a rụn ọrụn Osolobuẹ ya wụrụ onyẹ wẹ bụ ọnụ! Onyẹ-agha jụ nị ọpịa-agha a egbukọ onyẹ Osolobuẹ sị a gbu, ya wụrụ onyẹ wẹ bụ ọnụ.

Jerimaya 48:15

“ ‘Wẹ k'e tikpọ alị Mụabụ; agha k'e ru obodo ile rịn'a; wẹ k'e gbuchanrịndẹ ikorọbịa a ndị kachanrịn mma. Eze hụn ẹfan a wụ Osolobuẹ ihiẹn ile rị okpuru ẹ e kugụọ a!’

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 9:4

M nọ mẹ ekpere jẹnni Osolobuẹ wụ Chuku m, e kupụha njọ ẹnyi, sị, “Dodo, Di-nwọnni-ẹnyi, Chuku uku, hụn w'a tụ egun ẹ, hụn e nwọnsọnmẹ ihiẹn-ọsụsụọ ndị ihiẹn ẹ a sụọ hụn rị e mẹ ihiẹn o ku,

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Malakaị 1:8

“Hụn ahụn ụnụ gi anụ ẹnya kpọhị a chụnyeni m ẹjan — ẹlẹ eje-ihiẹn rọ? Hụn ahụn ụnụ a chụnyeni m anụ dan ngụrọ lẹ anụ rịlẹni ikẹn — ẹlẹ eje-ihiẹn rọ? Welele ni anụ nọ ẹrịra ye Gọvanọ ụnụ. Nị ihiẹn ụnụ sụọ a? N'o mẹni ụnụ ihiẹn ụnụ rịọ a? Ya kẹ Osolobuẹ ihiẹn ile rị okpuru ẹ ku.

Malakaị 2:1

“Nị m gwa nwan ụnụ ndị nchụn-ẹjan ihiẹn m sikọ d'e mẹ ụnụ:

Malakaị 3:9

“Ụnụ a wụrụọlẹ ndị wẹ bụ ọnụ makẹ ohin ụnụ rị e zun m — ụnụ ndị alịnị ile!

Matiu 24:51

O k'a jakịka a, bu ẹ che ebe ndị ihunnaị rị, ebẹhụ ịhịan jẹnkọ d'a nọ a kwan ẹkwan, a ta nkwẹnrẹn-eze.

Matiu 5:35

ekunlẹ ụwa, makẹni ịya k'ọ tụkwasị ụkụ; ekunlẹ Jerusalẹm, makẹni ịya wụ obodo Eze uku hụ;

Makị 14:8

Okpohoni a nwangụọ ikẹn ẹ; o hukpuọlẹ m udẹn wẹ te k'e te m wẹ gha a kwama ozun m.

Luku 12:46

di-nwọnn'ẹ jẹnkọ d'a lụakunrun odibo hụ ụhụọhịn ọ tụlẹni ẹnya a, ogẹn ọ marịnlẹni. O k'e mẹshi ẹ ikẹn, we ẹ che ebe ndị kwerilẹni rị.

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Ditrọnọmi 28:58

Omẹni ụnụ edọnrinni ẹnya sọn ihiẹn ndị rị imẹ iwuni, hụn wẹ deye imẹ ẹkụkwọnị, kẹni ụnụ gbaye Ẹfannị nwọn ọghọ, hụn w'a tụ egun ẹ, “Osolobuẹ” hụn wụ Chuku ụnụ,

Timoti Ibuzọ 6:15

Ọbịbịa a hụn Chuku jẹnkọ d'e wẹhẹ ogẹn ẹ ru. Chuku, Onyẹ hụn furuchanrịn w'a ja mma ile, Onyẹ ya sụọ wụ Eze nke-esi, Eze ndị-nze lẹ Nna ndị wụ nna;

Hibru 12:29

makẹni ezioku-ezioku, Chuku ẹnyi wụ ọkụn hụn e bu ihiẹn e ri.

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”