Makị 9:50 - Ika

⁵⁰ Nnu a rịka mma; kanị, o mẹ nwan n'ọ sụọzịnị ụsụọ, nanị y'a dọn mẹ ẹ sụọmazị ụsụọ? E nwọnni nnu imẹ ndụn ụnụ, e mẹ ni nị udọn a rị ẹgbata ụnụ lẹ ibe ụnụ.”

Makị 9:50 ပူးပေါင်းရင်းမြစ်များ

Jobu 6:6

W'e ridẹ ihiẹn-oriri ghalẹni asụọ nnu rịlẹni, ra ebẹhụ a chan ụchan imẹ ẹkwan a sụọ asụọ?

Ẹbụ-ọma 133:1

Lee k'ọ rịhan mma lẹ k'ọ sụọhan ụsụọ nị umunẹ rị e mẹgbama!

Ẹbụ-ọma 34:14

Ya gbakịtọ eje-ihiẹn azụụn, mẹmẹ ihiẹn rị mma a chọ udọn, a chụsọn ẹ.

Izikẹlụ 43:24

Ụnụ e wẹhẹ wẹ ihun Osolobuẹ, ndị nchụn-ẹjan e fufe wẹ nnu, gi wẹ chụnyeni Osolobuẹ ẹjan w'a dụn ọkụn.

Matiu 5:13

“Ụnụ wụ nnu ụwa. Kanị, omẹni nnu asụọzịnị ụsụọ, nị wẹ s'ẹka mẹ ẹ sụọmazị ụsụọ? Onwọnzini ihiẹn wẹ gi ẹ e mẹ, karị ikpọn ẹ tuhu, a zọgbumẹ wẹ ẹ.

Makị 9:34

Ya wẹ nọ gba nkịtịn, makẹni kẹ wẹ rị ụzọ, wẹ hụ a dọ onyẹ kachanrịnnị imẹ wẹ ile.

Makị 9:49

“Wẹ k'e gi ọkụn mẹ ịhịan ihiẹn wẹ gi nnu e mẹ.

Ndị Rom 12:18

E mẹ ihiẹn ile i k'a saẹka mẹ ni udọn rị ẹgbata yụ lẹ ndị ọzọ ile.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Ẹfẹsọsụ 4:29

Anịlẹ ni eje-oku pụha ụnụ ọnụ, kanị oku rị mma a gba ịhịan umẹ, a bann'a erere imẹ ọnọdị ọ rị, kẹni oku ọnụ ụnụ e yeni ndị rị e gọn ntịn ẹka.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Ndị Kolosị 4:6

Oku-ọnụ ụnụ ya wụrụ hụn e ye ẹka, oku wẹ ye nnu, ụnụ a wụ ndị marịn kẹ w'a shịarị onyẹ ọwụlẹ oku ọhụnma.

Ndị Tẹsalonika Ibuzọ 5:13

E nwọn ni ihiẹn-ọsụsụọ wẹ, e gi ufiri ẹ e ye wẹ mgbaye kachanrịnnị, makẹ ọrụn wẹ rị a rụn. Udọn ya rịsọnmẹ ẹgbata ụnụ lẹ ibe ụnụ.

Timoti Nke Ẹbụọ 2:22

Jụchanrịn ihiẹn a la ikorọbịa lẹ ịgbagba ẹnya; chụma ezi-omumẹ, okukwe, ihiẹn-ọsụsụọ lẹ udọn, e sọn ndị gi obi rị ọchan a kpọku Di-nwọnni-ẹnyi.

Hibru 12:14

A lịlịma nị nị udọn a rị ẹgbata ụnụ lẹ ịhịan ile lẹ ni ụnụ a rịzị nsọ, makẹni onyẹ rịlẹni nsọ ahụnkọ Onyẹ-nwọnni-ẹnyi.

Jemisi 1:20

makẹni olulu ịhịan ara wẹhẹ ihiẹn Osolobuẹ chọ.

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.