Makị 9:44 - Ika

⁴⁴ Ọhọrị rị ebahụn ara nwụn; ọkụn rịn'a ara tinyụn.

Makị 9:44 ပူးပေါင်းရင်းမြစ်များ

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Matiu 25:46

Ogẹn ahụn, e shi wẹ d'a tama afụnfụn itẹbitẹ, kanị ndị ezi-omumẹ e shi ndụn itẹbitẹ.”

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Makị 9:43

Ya wụ, ẹka ị haịn ị mẹ njọ, bepụ a. Ọ ka mma n'i gi ẹhụ zulẹni oke banye ndụn karị n'ị nwọn ẹka ẹbụọ bụ y'a la ọkụn-mmọn, ọkụn hụ ghalẹni e tinyụn.

Makị 9:45

Ụkụ ị haịn ị mẹ njọ, bepụ a: ọ ka mma n'ị dan ngụrọ banye ndụn karị n'ị nwọn ụkụ ẹbụọ bụ y'a la ọkụn-mmọn.

Makị 9:48

Ọhọrị rị ebẹhụ a ra nwụn; ọkụn rịn'a ara tinyụn.

Ndị Tẹsalonika Nke Ẹbụọ 1:9

a narịn wẹ afụnfụn hụn wụ ntikpọ itẹbitẹ, wẹ wepụgụ wẹ ebe Di-nwọnni-ẹnyi lẹ ikẹn ẹ hi ogbe rị.

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;

Rẹvẹleshọnụ 20:10

Wẹ nọ tụ Ekwensụ hụn dufieni wẹ ye imẹ odiyiri ọkụn lẹ nsịn-ẹnyanwụn, ebẹhụ eje-anụ hụ lẹ onyẹ amụma-ntụ hụ rị. Wẹ k'e ye wẹ afụnfụn uhinhin lẹ efinnaị jẹnrin ejẹn.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”