Makị 8:35 - Ika

³⁵ Makẹni, onyẹ chọ n'ọ ghe isi ẹ, isi ẹ a tọ a; onyẹ gi ufiri mmẹ lẹ oziọma tuhu ndụn a, ọ hụn ndụn a.

Makị 8:35 ပူးပေါင်းရင်းမြစ်များ

Ẹkịliziastisi 3:6

ogẹn ịchọkpọ ihiẹn lẹ ogẹn ịlatọ ihiẹn tuhuni; ogẹn idọnmẹ lẹ ogẹn ituhuni;

Matiu 10:22

Ize ụnụ k'a ban ịhịan ile makẹ ufiri ẹfan m, kanị onyẹ hụn din ndidin d'e ru isi ẹ jẹnkọ d'e nwọn nzụọpụha.

Matiu 10:39

Onyẹ ọwụlẹ chọ n'ọ ghe isi ẹ, isi ẹ a tọ a, kanị onyẹ hụn gi ufiri m tuhu ndụn a jẹnkọ d'a hụn a.

Matiu 16:25

Makẹni onyẹ chọ n'o ghe isi, isi ẹ a tọ a; kanị onyẹ hụn gi ufiri m tuhu ndụn a k'a hụn a.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Makị 8:36

Elee erere k'o k'a bannị ịhịan n'o nwọnringụ ụwa ile, tuhu umẹ-ndụn a?

Luku 17:33

Onyẹ chọ n'o ghe isi ẹ, isi ẹ a tọ a; onyẹ tuhu ndụn a k'a zụọpụha a.

Luku 9:24

Makẹni onyẹ chọ n'o ghe isi ẹ, isi ẹ a tọ a; kanị, onyẹ hụn gi ufiri m tuhu ndụn a k'e nwọnhẹn ẹ.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ọrụn Ndị-ozi 9:16

mmẹ lẹ enwẹn m jẹnkọ d'a ghọsị a okẹn afụnfụn ẹfan m k'e buhẹn'ẹ.”

Ndị Kọrẹntị Ibuzọ 9:23

M'e mẹ wẹ ile nị m kwadọn oziọma, kẹni m rị ndị k'e ri erere ẹ.

Ndị Kọrẹntị Nke Ẹbụọ 12:10

Ọ sụọ m nwan a sụọ nị ndụn arị m, nị w'a kpari m, nị m'a ta afụnfụn, nị w'e kpokpo m lẹ ni ọdakin rị ichẹn-ichẹn a bịanị m, ebe o mẹni ufiri Kraịstị rọ. Makẹni, ogẹn ọwụlẹ ndụn gilẹni rị m ya kẹ m gi e kẹnrẹn.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Hibru 11:35

ikpoho e gighọdẹ okukwe nwọnhẹnzi ndị nke wẹ nwụnhụngụnị. O nwọnzighọ ndị wẹ mẹshi ikẹn ọda-ọda, kanị okukwe kẹ wẹ gilẹni kweri mẹ ihiẹn wẹ sị wẹ mẹ nị wẹ hatu wẹ, makẹni wẹ gi ẹ dọn ni wẹ sikọ d'a gha ọnwụn lihi, nwọnrin ndụn ka mma.

Rẹvẹleshọnụ 12:11

“Kanị e gi wẹ ẹdeke Nwa-ebulu hụ lẹ oku wẹ gi shịan'a ẹri mẹri ẹ; ndụn wẹ a danị wẹ, e kweridẹ wẹ nị wẹ gbu wẹ.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.