Makị 8:34 - Ika

³⁴ Ọ nọ kpọzụnhan igunrun hụ lẹ ndị nsọnmazụụn a, sị wẹ, “Onyẹ chọ n'ọ wụrụ onyẹ nsọnmazụụn m sikọ d'a jụrịrị enwẹn ẹ, buru obe ẹ, sọnmẹ m.

Makị 8:34 ပူးပေါင်းရင်းမြစ်များ

Ndị-nze Nke Ibuzọ 14:8

A napụ m ikpụlọ Defidi alị-eze te rị wẹ ẹka, we ẹ ye i. Kanị, y'a nọnị kẹ odibo m wụ Defidi, hụn mẹchanrịn ihiẹn ile m sị a mẹ, gi obi ẹ ile sọn m, e mẹ ihiẹn rị mma ẹnya m.

Ọgụngụn 14:24

“Kanị, makẹni odibo m wụ Kalẹbụ nwọn agụngụn ichẹn, e gi obi ẹ ile e sọn m, m sikọ d'e weban a imẹ alị ahụn o jẹn, ebozo a k'e nwọnrin ẹ.

Matiu 10:38

Onyẹ hụn burulẹni obe ẹ sọnmẹ m e furuni m.

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 27:32

Ebe wẹ jẹnkọ, wẹ nọ kunrun onyẹ Saịrini ohu w'a kpọ Saịmọnụ, wẹ nọ w'a y'ẹ olu buru obe Jizọsị.

Makị 10:21

Jesu e lee ẹ, ihiẹn ẹ a sụọ a, ọ nọ sị a, “O nwọn ihiẹn ohu rị a kọn'ị: jẹn d'e rekwama ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Makị 7:14

Jesu nọ weshi olu elu sị igunrun ahụn ile, “Ụnụ ile, gọnni m ntịn, nị ụnụ ghọta:

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Luku 14:33

Ẹrịrazịkwọ, onwọnni onyẹ ọwụlẹ imẹ ụnụ hụn k'a s'ẹka wụ onyẹ nsọnmazụụn m mmanị ọ latọchanrịn ihiẹn ile ọ nwọn!

Luku 18:22

Jizọsị a nụ ihiẹn ọ za, ọ nọ sị a, “O nwọn ihiẹn ohu i kelẹni mẹ: repụ ihiẹn ile i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee; y'a bịa d'e sọnmẹ m.”

Luku 20:45

Ebẹhụ ịhịan ile rị e gọn ẹ ntịn, Jizọsị nọ sị ndị nsọnmazụụn a,

Luku 9:23

Ọ nọ sị wẹ, “Onyẹ chọ n'o sọn m, ya jụ enwẹn ẹ, buru obe ẹ ụhụọhịn ile, sọnmẹ m.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 19:17

Ọ nọ buru obe ahụn wẹ sikọ d'e gi kpọgbu ẹ buli, gha imẹ obodo ahụn pụ, shi ebe w'a kpọ “Ebe-Okpokomisi.” (“Gọgọta kẹ w'a kpọ a ọnụ Hibru, asụsụ ndị Ju.”)

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Rom 6:6

makẹni ẹnyi a marịnghọ nị ya lẹ onyẹ hụ ẹnyi wụ mbụ kẹ wẹ kpọgbu elu-obe, kẹni wẹ hụn ụzọ napụ onyẹ ahụn ẹnyi wụ mbụ ikẹn, amamgbe njọ ghazị a kị ẹnyi kẹ igbọn.

Ndị Rom 8:17

O mẹ nwan nị ẹnyi wụ ụmụ, ihiẹn nẹdi ẹnyi wụ nke ẹnyi, ihiẹn Osolobuẹ wụ nke ẹnyi: ẹnyi lẹ Kraịstị gba nwan nwọn ihiẹn Osolobuẹ, omẹkwọnị ẹnyi e sọn nwan Kraịstị ta afụnfụn kẹni ẹnyi sọnzi ẹ nwọnrin ọghọ.

Ndị Kọrẹntị Ibuzọ 15:31

M'a nwụnhụn ụhụọhịn ile! Umunẹ m, ezioku rọ — k'o dọn wụrụzịkwọ ezioku nị m gi ụnụ a nyan isi imẹ Jesu Kristi Di-nwọnni ẹnyi.

Ndị Kọrẹntị Ibuzọ 8:13

O mẹ nwan nị ihiẹn m'e ri k'e mẹ nwẹnẹ m danye imẹ njọ, onwọnzini ogẹn m'e gi ri anụ ahụn m'e ri, amamgbe m'e mẹ nwẹnẹ m dan.

Ndị Kọrẹntị Ibuzọ 9:19

Eziẹ rọ nị mmẹ nwọn enwẹn m. Kanị, e gigụọ m enwẹn m họnrin odibo ịhịan ile kẹni m wẹhẹzini Kraịstị ndị bu ọda.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ndị Filipi 3:10

M chọ nị m marịn Kraịstị lẹ ikẹn hụ o gi gha ọnwụn lihi, e sọn m'ẹ ta afụnfụn ọ ta, sọn ẹ nwụn ọnwụn ọ nwụn,

Ndị Filipi 3:7

Kanị, e gigụọ m nwan ufiri Kraịstị gụn ihiẹn ile te bannị m erere ye ihiẹn la iwi.

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Ndị Tẹsalonika Nke Ẹbụọ 3:11

Kanị, ẹnyi a nụgụọ nị ẹka kụtọpụ ụfọdụ imẹ ụnụ: onwọnni ihiẹn w'a rụn, wẹ rị a ghahunmẹ a rụn ọrụn wẹ zilẹni wẹ.

Taịtọsụ 2:12

Ẹfọma ahụn a kuzi ẹnyi ịjụ obibi rịlẹni mma ẹnya Osolobuẹ lẹ ịjụ ihiẹn-ọlịlẹnya ụwanị; ọ kuzi ẹnyi igi uche e bi lẹ ibi obibi kụrụ ọtọ lẹ ịtụ egun Osolobuẹ — imẹ ụwanị ẹnyi rị,

Hibru 13:13

Nị ẹnyi gha nị nwan imẹ obodo pụ d'e kunrun ẹ ebẹhụ d'e sọn ẹ narịn ifẹnrẹn wẹ gbeye ẹ ihun,

Pita Ibuzọ 4:1

Ebe o mẹni Jizọsị ta afụnfụn elu-ụwanị, bu n'ẹ nwan obi nị ụnụ nwẹn jẹnkọ d'a ta afụnfụn. Makẹni, onyẹ gi ẹhụ a a tanị Kraịstị afụnfụn imẹ ndụnnị a jụgụọ njọ.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Pita Nke Ẹbụọ 1:14

Makẹni, a marịngụọ m nị ogẹn m'e gi nwụnhụn gbụpụ ẹhụnị, a rịgụọ nsue, rịkẹ kẹ Di-nwọnni-ẹnyi wụ Jesu Kristi dọn ghọsị m.

Jọnụ Ibuzọ 3:16

Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.