Makị 7:21 - Ika

²¹ Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn,

Makị 7:21 ပူးပေါင်းရင်းမြစ်များ

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Jobu 14:4

Onyẹ k'a s'ẹka nọ ihiẹn rụnị wepụha ihiẹn rụlẹni? Onwọnni!

Jobu 25:4

Nanị kẹ ịhịan e dọn nwan s'ẹka rị ọchan ẹnya Chuku? Nanị kẹ ịhịan okpoho mụ a dọn nwan s'ẹka rị ọchan?

Ẹbụ-ọma 119:36

Mẹ m bu obi che hụn i ku, ẹlẹ eje-erere!

Ẹbụ-ọma 14:1

Ẹwobi sị enwẹn ẹ, “Chuku arị.” A rụgụọ wẹ; ihiẹn rụnị kẹ wẹ e mẹ. Onwọnni onyẹ e mẹ ihiẹn rị mma.

Ẹbụ-ọma 14:3

Wẹ ile a kpahugụọ; wẹ ile a rụchanrịngụọ; onwọnni kaka onyẹ ohu e mẹ ihiẹn rị mma — onwọndẹni akpụ onyẹ ohu.

Ẹbụ-ọma 53:1

Onyẹ ẹwobi sị enwẹn ẹ, “Chuku arị.” E wiwigụọ wẹ; wẹ hụ e mẹ arụ lẹ eje-ihiẹn. Onwọnni onyẹ e mẹ ihiẹn rị mma.

Ẹbụ-ọma 53:3

Kanị, wẹ ile a kpahugụọ; wẹ ile a rụgụọ; onwọnni onyẹ e mẹ ihiẹn rị mma, onwọndẹni kaka akpụ onyẹ ohu.

Itẹn 15:25

Osolobuẹ e tikpọ ikpụlọ onyẹ mpache, kanị o dọnmẹdẹni okpoho di ẹ nwụnhụn ihiẹn ẹ.

Itẹn 4:23

Lịlịmakwọ n'ị dọnmẹ obi i ọhụnma, makẹni ịya e ropụha elu y'e bi.

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Izikẹlụ 38:10

“ ‘Osolobuẹ Nwọn Ihiẹn Ile sị: o ru ogẹn ahụn, y'e romẹ ihiẹn i k'e ro, y'a mama eje-ihiẹn.

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Matiu 9:4

Kanị Jizọsị a marịngụọ ihiẹn wẹ rị e ro, ọ nọ sị, “Kị ụnụ rị e roni eje-ihiẹn imẹ obi ụnụ?

Makị 7:20

Ọ nọzị sị, “Ihiẹn gha imẹ ịhịan pụha wụ ihiẹn e mẹrụn'a.

Makị 7:22

ịna-nwunyẹ-ịhịan lẹ ịzọ-ụkụ-ye-ọfịa, ẹnya-uku, eje-obibi, ndufie, imẹ ihiẹn gụnnị ị, iwe-ẹnya, ikuja-oku ịhịan, mpache lẹ nzuzu.

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Ọrụn Ndị-ozi 5:4

N'ị d'e re ẹ, ẹlẹ yụ nwọn ẹ? K'i regụ a, ẹlẹ yụ nwọn egho ẹ? K'i roni eje-ihiẹn nọ ẹnịna? Ẹlẹkwọ ịhịan k'ị tụ ntụnị, kanị Osolobuẹ!”

Ọrụn Ndị-ozi 8:22

Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Rom 7:8

Kanị njọ hụn ihiẹn ahụn Iwu ku tụdọn, gi ẹ kpasu ihiẹn ọlịlẹnya rị ichẹn-ichẹn imẹ m. Ya wụnị, omẹni ẹlẹ Iwu, njọ wụ ihiẹn nwụnnị.

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.

Jemisi 2:4

ọhụn a ghọsịgụọnị nị ụnụ e gbeyeni ịhịan imẹ igunrun ụnụ, e gi eje-obi e mẹ ihiẹn ụnụ?