Makị 6:41 - Ika

⁴¹ Jesu nọ weshi ogbe brẹdi isẹn hụ lẹ azụn ẹbụọ hụ enu, lee ẹnya elu-igwee, kpanmịn Osolobuẹ. O bebe brẹdi ndị hụ buye ndị nsọnmazụụn a d'e ye wẹ. O kezikwọnị wẹ azụn ẹbụọ hụ.

Makị 6:41 ပူးပေါင်းရင်းမြစ်များ

Matiu 14:19

Ya ọ nọ sị igunrun hụ nọdị alị elu irurue rị ebahụn. Ọ nọ weri ogbe brẹdi isẹn hụ lẹ azụn ẹbụbụọ hụ; o lee ẹnya elu-igwee, kpanmịn Osolobuẹ; o bebe brẹdi ndị hụ ye ndị nsọnmazụụn a, wẹ nọ ye igunrun hụ.

Matiu 15:36

Ọ nọ weri ogbe brẹdi ẹsa hụ lẹ azụn ndị hụ; ọ kpanmịngụ Osolobuẹ, ọ nọ bebe wẹ ye ndị nsọnmazụụn a. Ndị nsọnmazụụn a nọ we wẹ ye igunrun hụ.

Matiu 26:26

Ebe wẹ rị e ri ihiẹn-oriri ahụn, Jizọsị nọ weri brẹdi: ọ kpanmịngụ Osolobuẹ, ọ nọ bebe ẹ ye ndị nsọnmazụụn a, sị, “Weri ni ri: ọnwan wụ ẹhụ m.”

Makị 14:22

Ebe wẹ rị e ri ihiẹn-oriri ahụn, Jesu nọ weri brẹdi, ọ kpanmịngụ Osolobuẹ, ọ nọ bebe ẹ, w'ẹ ye ndị nsọnmazụụn a, sị, “Weri n'ẹ; ọnwan wụ ẹhụ m.”

Makị 6:40

Igunrun hụ nọ nọdịsọnmẹ ọkụdụ-ọkụdụ: o nwọn ndị rị ọgụn-isẹn, ọgụn-isẹn, o nwọn ndị rị iri-kwasị-ọgụnnaị, iri-kwasị-ọgụnnaị.

Makị 6:42

Wẹ ile nọ rijun ẹfọ.

Makị 7:34

Ya ọ nọ lee ẹnya elu-igwee, kwọnlụa, sị, “Ẹfata!” (Ẹfata wụ “Shịapụ”.)

Makị 8:19

Ogẹn m gi bebe ogbe brẹdi isẹn ye mmadụ nnụ-uku isẹn (5,000), ụkpalị ole kẹ ifunfun ẹ wẹ tụtụkomẹ jun?” Wẹ nọ sị a, “Mmẹbụọ.”

Luku 24:30

Ogẹn ya lẹ wẹ gi nọdị alị nị wẹ ri ihiẹn-oriri, ọ nọ weri brẹdi ahụn wẹ jẹnkọ d'e ri, kpanmịn Osolobuẹ; ọ nọ bebe ẹ, we ẹ ye wẹ.

Luku 9:16

Jesu nọ weri ogbe brẹdi isẹn hụ lẹ azụn ẹbụọ hụ, lee ẹnya elu-igwee, kpanmịn Osolobuẹ; ya ọ nọ bebe wẹ, weye ndị nsọnmazụụn a nị wẹ kesọnmẹni igunrun hụ.

Jọnụ 11:41

E nupụ wẹ ọmụma hụ; ya Jizọsị nọ weshi ẹnya elu, sị, “M rị a kpanmịn ị Baba, makẹni y'a nụgụọ ekpere m.

Jọnụ 17:1

Ogẹn Jizọsị gi kugụ ihiẹn ndịnị, ọ nọ bu ẹnya zinmẹ elu-igwee, sị, “Baba, ogẹn hụ e rugụọ! Ye Nwa ị ọghọ, kẹni Nwa ị gi ẹ wẹhẹn'i ọghọ

Jọnụ 6:11

Ya kẹ Jesu nọ weri brẹdi ndị hụ, ọ kpanmịngụ Osolobuẹ, ọ nọ keni ndị hụ nọdị alị ya; ọ nọ mẹzi azụn ndị ahụn ẹrịra, wẹ nọ ri kẹ wẹ chọ.

Jọnụ 6:23

Kanị ogẹnni, ụgbọ ndị ọzọ gha Taịberiasị bịa rị nwan ẹhụ ebahụn wẹ nọ ri brẹdi ogẹn Di-nwọnni-ẹnyi gi kpanmịngụ Osolobuẹ yeni brẹdi hụ.

Ọrụn Ndị-ozi 27:35

O kugụ, ọ nọ weri brẹdi, ye Osolobuẹ ekele idẹnya wẹ ile, beri, rimẹ.

Ndị Rom 14:6

Hụn sị ụhụọhịn ohu ka mkpa gi ufiri Di-nwọnni-ẹnyi kweri ẹrịra; hụn e ri ihiẹn ile gi ufiri Di-nwọnni-ẹnyi e ri, makẹni ọ kpanmịn Osolobuẹ e ri. Onyẹ ghalẹni e ri ihiẹn ile gizi ufiri Di-nwọnni-ẹnyi a jụ — ọ kpanmịnzị Osolobuẹ a kpanmịn.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ditrọnọmi 8:10

Ụnụ jẹnkọ d'e ri ihiẹn-oriri rijun ẹfọ, ụnụ a kpanmịn Osolobuẹ wụ Chuku ụnụ makẹ alị-ọma o ye ụnụ.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Samuẹlụ Nke Ibuzọ 9:13

Hụn ụnụ gihụ banye imẹ obodo, ụnụ jẹnkọ d'a hụn a o gini d'e nyinrin elu-ugu hụ d'e ri ihiẹn-oriri. Erimẹkọ wẹ mmanị ọ bịagụ, makẹni ịya k'a gọzirịrị ẹjan hụ; ọ gọzigụ a ndị wẹ kpọ d'e ri ẹ kebe ri. Jẹnmẹ ni nwan ozigbo; ogẹnni kẹ ụnụ e gi hụn a.”