6 O lecheni nwan Jesu, ọ nọ gbaburu ẹ, gbun'ẹ osekpu.
Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.
Ndị bi imẹ atụ wẹ gbuzịkwọn'a osekpu; ndị-iṅẹnrẹn ẹ wẹ kụn'a isi alị.
Ọ wahunmẹ ikpẹkpẹ lẹ ugu rịsọnmẹ ebẹhụ, e yi oro, e gi ọmụma a dọkịka enwẹn ẹ ẹhụ, kẹ ukinkin kẹ efinnaị.
Ọ hụ e gi okẹn olu e yi, “K'i sikọ d'e gi m mẹ, Jesu Nwa Chuku kachanrịnnị? M rị e gi ẹfan Osolobuẹ a sị ị, eyelẹ m afụnfụn!”
Eje-mmọn hụzị a gha imẹ ndị bu ọda a pụ, e yi, “Ịyụ wụ Nwa Osolobuẹ!” Kanị, Jizọsị hụ a jụgbọ eje-mmọn ndị hụ — ọ nịnị wẹ ku oku, makẹni a marịngụọ wẹ nị ya wụ Kraịstị.
Nwa-agbọnị hụ e sọnhunmẹ ẹnyi lẹ Pọlụ. Ọ nọbe, ọ dọbepụ oro, sị, “Ndịnị wụ idibo Chuku Kachanrịnnị! Wẹ rị a gwa ụnụ kẹ ụnụ a dọn nwọn nzụọpụha.”
Y'e nwọnghọ okukwe i gi kweri nị Osolobuẹ ohu sụọ rị, ẹlẹ ịya? Y'e mẹkẹ! Eje-mmọn nkẹ e nwọnzighọ okukwe wẹ gi kweri! Ya haịn wẹ gi a ma piripiri!
