Makị 4:38 - Ika

³⁸ Kanị Jizọsị rị ibe azụụn ụgbọ, firi isi, a ranhịn. Ya kẹ ndị nsọnmazụụn a nọ kpọtiẹn ẹ, sị, “Di-nwọnni-ẹnyi, y'a hụnn'a nị ẹnyi e d'a la iwi?!”

Makị 4:38 ပူးပေါင်းရင်းမြစ်များ

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Azaya 64:12

N'ị hụngụ ihiẹn ndịnị ile, Osolobuẹ, y'e mẹhunmẹni? N'ị gbasọnmẹ nkịtịn, yesọnmẹ ẹnyi afụnfụn?

Ẹkwan 3:8

M ghadẹ a kwan a kwangbu enwẹn m n'o yeni m ẹka, ọ jụ n'ọ gọnkọ ntịn ekpere m.

Matiu 22:16

Wẹ nọ zijẹn ndị nsọnmazụụn wẹ lẹ ndị itu Hẹrọdụ d'a jụ a ụtaanị: “Onyẹ-nkuzi, ẹnyi a marịnghọ n'ị wụ onyẹ ezioku, nị ị rị a kuzi ụzọ Osolobuẹ k'o furu, nị egun ịhịan ara tụ ị, y'a ra lee ịhịan ẹnya ihun.

Matiu 8:25

Ya wẹ nọ jẹn d'a kpọtiẹn ẹ, sị, “Di-nwọnni-ẹnyi, zụọpụha ẹnyi! Ẹnyi a laọlẹ!”

Makị 4:37

Idẹnmizi, okẹn ufere nọ kpọma! Mirin nọ timẹ ụgbọ hụ, jundẹ imẹ ẹ.

Makị 4:39

Jizọsị nọ tẹnhin, jụgbọ okẹn ufere hụ, sị ohimin hụ, “Kụsị! Mẹ jụụ!” Ufere a kụsị, ụzọ ile e mẹ rajụụ.

Luku 8:24

Ndị nsọnmazụụn a nọ jẹnburu ẹ, kpọtiẹn ẹ, e yi, “Onyẹ-nwọnni-ẹnyi! Onyẹ-nwọnni-ẹnyi! Ẹnyi e d'a nwụn!!” Jizọsị nọ tẹnhin, jụgbọ ẹbi hụ lẹ ohimin hụ ẹbi rị a kpọhunmẹ; wẹ ile nọ kụsị, ebe ile nọ mẹ rajụụ.

Jọnụ 4:6

Ọmị Jekọpụ rị ebẹhụ. Ndụn gụ Jesu o gi jẹn ijẹn. Ọ nọ nọdị alị ẹhụ ọmị hụ. (Ihiẹn rịkẹ ọkụrọkụ mmẹbụọ efinnaị anwụn gi a rị isi rọ.)

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 4:15

Makẹni onyẹ-isi nchụn-ẹjan ẹnyi ẹlẹ hụn marịnlẹni nị ndụn arị ẹnyi, kanị hụn wẹ nwangụ ụzọ ile nọkẹ ẹnyi kanị o gin'ẹ mẹ njọ.

Pita Ibuzọ 5:7

lachanrịn nị mkpa ụnụ tọn'a, makẹni ụnụ rị a mkpa.