Makị 4:24 - Ika

²⁴ Ya ọ nọ sị wẹ, “E gikwọ nị ihiẹn ụnụ nụ e dọn! Mkpu i gi mayeni ịhịan ihiẹn kẹ wẹ jẹnkọ d'e gi mayeni i, dụyedẹn'i y'ẹ.

Makị 4:24 ပူးပေါင်းရင်းမြစ်များ

Itẹn 19:27

Nwa m, i gọnbehi ntịn nkuzi, y'a ghabehi ụzọ amamihiẹn.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Jerimaya 17:21

Osolobuẹ sị: Kpachanpụ nị nwan ẹnya, omẹni ndụn ụnụ a sụọghọ ụnụ; ebuzilẹ ni ibu Ụhụọhịn Ezumikẹn; ebughazịlẹ ni ibu ọnụ-mgbọn ndịnị rị Jerusalẹm Ụhụọhịn Ezumikẹn.

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Makị 9:7

Orukpu nọ pụha d'e kpumẹ wẹ; olu nọ gha imẹ orukpu hụ sị, “Ọnwan wụ ezi Nwa m; gọn n'ẹ ntịn!”

Luku 8:18

E kwọnkẹnmẹkwọ nị nwan ihiẹn ụnụ rị a nụ; makẹni ndị nwọnni kẹ wẹ sikọ d'e yecheni; kalẹ, ndị nwọnlẹni, a napụdẹ wẹ wẹ hụn nta wẹ te ro nị ya kẹ wẹ nwọn.”

Jọnụ 10:16

M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 5:25

“Ezioku kẹ m rị a gwa ụnụ, ogẹn lala — o rụgụọdẹ nwan — ogẹn ndị nwụnnị k'e gi nụ olu Nwa Osolobuẹ, ndị nụn'a a rị ndụn.

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ndị Kọrẹntị Nke Ẹbụọ 9:6

Lee k'ọ nọ: onyẹ kụnlẹni ọda jẹnkọ d'a ghọrị hụn bulẹni ọda; onyẹ kụn ọda jẹnkọ d'a ghọrị hụn bu ọda.

Hibru 2:1

Ẹnyi k'e kwọnkẹnmẹrịrị ihiẹn ẹnyi nụ, amamgbe ẹnyi a kpahu.

Pita Ibuzọ 2:2

Nọkẹ ụmụ wẹ mụ nke ọhụn, a chọshi ni mirin-ẹran imẹ-mmọn ahụn rị nsọ ikẹn — kẹni ụnụ e gi ẹ e sueru ogo nzụọpụha,

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.