Makị 2:20 - Ika

²⁰ Kanị, ogẹn wẹ k'e gi wepụ okẹnnyẹ hụ rị a gba ẹkụkwọ lala, ogẹn hụ, e bumẹ wẹ ọnụ.

Makị 2:20 ပူးပေါင်းရင်းမြစ်များ

Ẹbụ-ọma 45:11

kẹni mma ị hụn ụzọ a sụọ eze; ebe omẹni ịya wụ di-nwọnn'i — humẹn'ẹ isi.

Ẹbụ Solomọnụ 3:11

Ịgbagba Zayọnụ, pụha nị-o! D'e lee ni Eze Solomọnụ lẹ okpu-eze hụn nnẹ ẹ kpumẹ ẹ ụhụọhịn ọ gba ẹhụhụọ, ụhụọhịn obi sụọ a ụsụọ!!

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Azaya 62:5

Kẹ okorọbịa e mẹ nwagbọọ ọ rị a lụ, ẹrịra kẹ mmụ ị ikẹnnyẹ k'a dọn mẹ i; kẹ obi dọn a sụọ okẹnnyẹ rị a gba ẹhụhụọ ụsụọ makẹ nwunyẹ ẹ, ẹrịra kẹ obi k'a gha a sụọ Chuku i ụsụọ makẹ yụ.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Matiu 26:31

Ya Jizọsị nọ sị wẹ, “Ukinkinni, ụnụ ile jẹnkọ d'e gi ufiri m danpụ, makẹni Ẹkụkwọ-nsọ sị, ‘Osolobuẹ jẹnkọ d'e gbu onyẹ-ndu atụnrụn, atụnrụn ile a gbayịya.’

Matiu 9:15

Jizọsị nọ za wẹ, sị, “Ndị bịa agbamẹkụkwọ a kwandẹ nwan ẹkwan ebe okẹnnyẹ rị a gba ẹkụkwọ rị a ra? Ogẹn lala hụn wẹ e gi wepụ a imẹ igunrun wẹ; o ru ogẹn hụ, e bumẹ wẹ ọnụ.”

Makị 2:19

Jizọsị nọ sị wẹ, “Ndị bịa agbamẹkụkwọ e budẹ nwan ọnụ ebe okẹnnyẹ rị a gba ẹkụkwọ rị imẹ igunrun wẹ ra? Mba nụ! Ebe wẹ lẹ okẹnnyẹ hụ rị a gba ẹkụkwọ rị, ebukọ wẹ ọnụ.

Makị 2:21

“Onwọnni onyẹ e gi ẹkwa ọhụn hụn a kụkụmanị a kwakin ẹkwa akan. O gi ẹ kwakin ẹ, nke ọhụn a dọkapụ, ebahụn a jọwaye njọ.

Luku 17:22

Ya ọ nọ sị ndị nsọnmazụụn a, “Ogẹn lala hụn o gi rị ụnụ ọda-ọda nị ụnụ lẹ Nwa nke Ịhịan nọdịzị, ọsụọn'a akpọhịn ohu, kanị ụnụ ahụnkọ a.

Luku 5:35

Ogẹn w'e gi wepụ okẹnnyẹ ahụn rị a gba ẹkụkwọ lala; ogẹn hụ kẹ w'e gi bu ọnụ.”

Jọnụ 12:8

Ụnụ lẹ ndị igbẹnnyẹ rị ogẹn ile, kanị mmẹ nwẹn esọnkọ ụnụ nọdịferi.”

Jọnụ 13:33

“Ụmụ m, mmẹ lẹ ụnụ sikọ d'a nọdịzị ẹkẹrẹ sụọ. Ụnụ jẹnkọ d'a chọ m. Kẹ m dọn gwa ndị-ndu ndị Ju kẹ m rị nwan a gwa ụnụ: ‘Ụnụ asakọ ẹka bịa ebe m jẹnkọ.’

Jọnụ 16:28

M gha ebe Chuku-Nẹdi rị bịa imẹ ụwa; m pụkọzị nwan imẹ ụwa kẹni m laburu Chuku-Nẹdi.”

Jọnụ 16:7

“Kanị nị m gwa ụnụ ezioku, erere ụnụ rọ nị m pụ apụ; makẹni, Onyẹ-eyemẹka ahụn abịakọ mmanị m lama alama. M lamagụ kẹ m'a nọ zihẹni ụnụ ya.

Jọnụ 17:11

Arịkọzị m nwan imẹ ụwa, kanị wẹ hụkwọ imẹ ụwa — mmẹ nwẹn lala d'e kunrun i. Nẹdi rị nsọ, gi ẹfan ị chemẹ wẹ, ẹfan ahụn i ye m, kẹni wẹ wụrụ ohu kẹ mmẹ lẹ yụ dọn wụ ohu.

Jọnụ 17:13

Kanị, m burula ị nwan; m rị e ku ihiẹn ndịnị imẹ ụwa kẹni wẹ nwọn ịghọghọ m imẹ ndụn wẹ, nwọnzu ẹ.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Ọrụn Ndị-ozi 1:9

O kugụ ihiẹnni, ebe wẹ rị e lee ẹ, o buli elu, orukpu nọ kpumẹ ẹ, ahụnzịnị w'a.

Ọrụn Ndị-ozi 14:23

Ogẹn wẹ gi ghagbarịgụ ụka ndị rị ẹgbẹrẹ hụ, tumẹsọnmẹgụni wẹ ndị-isi, wẹ nọ gi ekpere lẹ ibu-ọnụ ha wẹ ye ẹka Di-nwọnni-ẹnyi hụn wẹ kwerini.

Ọrụn Ndị-ozi 3:21

hụn k'a rịgụdẹ elu-igwee d'e ru ogẹn Osolobuẹ k'e gi dọnzichanrịn ihiẹn ile, nọkẹ kẹ Osolobuẹ dọn ku mbụ-mbụ ghahanị ọnụ ndị-amụma a rị nsọ.

Ndị Kọrẹntị Ibuzọ 7:5

Egilẹ ni ẹhụ ụnụ a jọ ibe ụnụ ẹfọ, mmanị omẹni ụnụ kwerigbama nị ụnụ ye efe ẹkẹrẹ kẹni ụnụ gi ẹ mẹ ekpere, omẹgụ ụnụ a nọgbamazị, amamgbe Ekwensụ a nwan ụnụ, makẹni ụnụ asaẹka kwọndọnsọnmẹ enwẹn ụnụ.

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ndị Kọrẹntị Nke Ẹbụọ 11:27

M'a rụngbu enwẹn m; m'a ta afụnfụn; m'e chusọnmẹ ụran; ụfọdụ ogẹn m'a ra hụn ri, m'a ra hụn ra; ihiẹn-oriri a kọsọnmẹ m; m'a rịsọnmẹ imẹ oyi; ẹkwa ara zu m ukun.

Ndị Kọrẹntị Nke Ẹbụọ 6:5

ghahanị ili lẹ mkpịnsịn wẹ e gbu ẹnyi; ghahanị ngan w'a tụ ẹnyi lẹ ọkpụkpụ w'a kpụ ẹnyi e gbu; ghahanị ọlụgbu ẹnyi a lụgbu enwẹn ẹnyi lẹ ụran ẹnyi e chu lẹ ẹgụn ẹnyi e din;

Rẹvẹleshọnụ 19:7

Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.

Rẹvẹleshọnụ 21:9

Ya kẹ mmọn-ozi ohu imẹ wẹ ẹsa ahụn bu afẹrẹ afụnfụn ikpanzụụn ẹsa nọ bịa, sị m, “Bịa: m k'a ghọsị ị onyẹ hụ ya lẹ Nwa-ebulu hụ jẹnkọ d'a gba ẹkụkwọ, nwunyẹ Nwa-ebulu hụ.”