Makị 2:17 - Ika

¹⁷ Jesu a nụ a, ọ nọ sị wẹ, “Ndị ẹhụ rị ikẹn ara chọ dibiẹ kanị ndị emu rị a kụ; ẹlẹ ndị ezi-omumẹ kẹ m bịa d'a kpọ kanị ndị njọ.”

Makị 2:17 ပူးပေါင်းရင်းမြစ်များ

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 15:29

Kanị, ọ sị nẹdi ẹ, ‘Lee ẹ, kete ahụa ole-lẹ-ole m hụ e fe i kẹ igbọn, enupụtunini m'i isi. Kanị, y'e yetudẹni m nwa-ewu mmaka nị mmẹ lẹ ndị ọwụ m ri, ra!

Luku 15:7

M rị a gwa ụnụ, ẹrịra kẹ ịghọghọ jẹnkọ d'a rị elu-igwee ọda-ọda yeni onyẹ-njọ ohu rogharịnị karị ndị ezi-omumẹ ohu-arịa-ọgụn-isẹn hụn nrogharị rịlẹni mkpa.

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Luku 19:10

Nwa nke Ịhịan bịa d'a chọ ndị tuhuni kẹn'ọ zụọpụha wẹ.”

Jọnụ 9:34

Wẹ nọ sị a, “Imẹ njọ kẹ wẹ nọchanrịn mụ ị; yụ k'a kuzimẹzi ẹnyi?!” Ya wẹ nọ chụpụ a imẹ ụlọ-ofufe.

Jọnụ 9:40

Ndị Itu-Farisi nọkunmẹn'ẹ a nụ ihiẹnni o ku, wẹ nọ jụ a, sị, “Ẹnyi nwẹn wụzịdẹ ndị ẹnya-ishi ra?”

Ọrụn Ndị-ozi 20:21

a gwa kẹ ndị Ju kẹ ndị wụlẹni ndị Ju oku irogharị buru Osolobuẹ lẹ ikwerini Di-nwọnni-ẹnyi wụ Jesu.

Ọrụn Ndị-ozi 26:20

Kama, e zimẹ m ozi hụ imẹ Damaskọsụ ebẹhụ. E zigụ m ndị rị Damaskọsụ ozi hụ, m nọzị zi ẹ imẹ Jerusalẹm lẹ ẹgbẹrẹ Judia ile, zizikwọ ndị alị ndị ọzọ ya, a sị wẹ rogharị buru Osolobuẹ, bimẹ kẹ ndị rogharịnị.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.