Makị 16:19 - Ika

¹⁹ Ogẹn Di-nwọnni-ẹnyi wụ Jesu gi kugụ oku ndịnị, Osolobuẹ nọ we ẹ shi elu-igwee d'a nọdị alị ẹka-nni Osolobuẹ.

Makị 16:19 ပူးပေါင်းရင်းမြစ်များ

Ẹbụ-ọma 110:1

Osolobuẹ sị di-nwọnni-m, “Nọdị alị ẹka-nni m, d'e ru mgbe m bugụ ndị-iṅẹnrẹn i che okpuru ụkụ ị.”

Makị 16:20

Ya ndị nsọnmazụụn a nọ jẹnmẹ d'e kumẹ oku-Chuku ebe ile, Di-nwọnni-ẹnyi hụ e sọn wẹ a rụn, e gi ọrụn-atụmẹnya o gi rị e sọn wẹ a ghọsị nị oku wẹ wụ ezioku.]

Luku 22:69

Kanị, gha kikẹnni jẹnmẹ, Nwa nke Ịhịan jẹnkọ d'a nọdị alị ẹka-nni Chuku Onyẹ nwọn ikẹn ile.”

Luku 9:51

O rumẹ ogẹn wẹ e gi we Jizọsị shi elu-igwee, ọ nọ buchanrịn ihun zinmẹ Jerusalẹm, o leni ẹnya azụụn.

Jọnụ 13:1

Nị Mmẹmmẹ-nghafe d'e ru, Jesu a marịngụọ n'o rugụọ ogẹn o gi hapụ ụwanị laburu Nẹdi ẹ. Ebe o nwọn ihiẹn-ọsụsụọ ndị nke ẹ rị imẹ ụwa, ọ nọ nwan ghọsịchanrịn wẹ ya d'e ru isi ẹ.

Jọnụ 16:28

M gha ebe Chuku-Nẹdi rị bịa imẹ ụwa; m pụkọzị nwan imẹ ụwa kẹni m laburu Chuku-Nẹdi.”

Jọnụ 17:13

Kanị, m burula ị nwan; m rị e ku ihiẹn ndịnị imẹ ụwa kẹni wẹ nwọn ịghọghọ m imẹ ndụn wẹ, nwọnzu ẹ.

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Jọnụ 21:15

Ogẹn wẹ gi rigụ ihiẹn-oriri ụtụntụn ahụn, Jesu nọ sị Saịmọnụ wụ Pita, “Saịmọnụ nwa Jọnụ, ihiẹn m a sụọghọ ị karị ndịnị?” Ọ nọ za, sị, “Ẹghẹẹ Di-nwọnni-ẹnyi, y'a marịnghọ nị ihiẹn i a sụọghọ m.” Jesu nọ sị a, “Lepụ ụmụ-atụnrụn m ẹnya.”

Jọnụ 21:22

Jizọsị nọ sị a, “Omẹni m chọ n'ọ rị ndụn d'e ru mgbe m bịa, ele hụn biri i? Sọnmẹ m!”

Jọnụ 6:62

Kị ụnụ k'e mẹzi nwan ụnụ hụn Nwa nke Ịhịan k'ọ lakọ elu-igwee ọ rị mbụ?

Ọrụn Ndị-ozi 1:22

ghakwọrị ogẹn Jọnụ gi rị e mẹ mirin-Chuku d'e ru ụhụọhịn wẹ gha imẹ igunrun ẹnyi weri Jesu shi elu-igwee. Onyẹ hụ sikọ d'e sọn ẹnyi a shịa ẹri nị Jesu a ghagụọ ọnwụn lihi.”

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ọrụn Ndị-ozi 3:21

hụn k'a rịgụdẹ elu-igwee d'e ru ogẹn Osolobuẹ k'e gi dọnzichanrịn ihiẹn ile, nọkẹ kẹ Osolobuẹ dọn ku mbụ-mbụ ghahanị ọnụ ndị-amụma a rị nsọ.

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Kolosị 3:1

O mẹ nwan nị ụnụ e sọngụọ Kraịstị gha ọnwụn lihi, chọma nị nwan ihiẹn ndị hụn rị elu, ebẹhụ Kraịstị nọdị alị ẹka-nni Osolobuẹ.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 4:14

Ebe o mẹ ni ẹnyi e nwọnghọ okẹn onyẹ-isi nchụn-ẹjan wụ Jizọsị Nwa Osolobuẹ, hụn ghafegụ elu-igwere, banye ebe Osolobuẹ rị, nị ẹnyi kwọnkẹnmẹ nwan ihiẹn ẹnyi kweri.

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Hibru 8:1

Ihiẹn ẹnyi rị e ku wụ nị ẹnyi nwọn nwan onyẹ-isi nchụn-ẹjan hụn nọdị alị ẹka-nni Ukpo-eze ahụn kachanrịn ọghọ e nwọn hụn ri imẹ elu-igwee —

Hibru 9:24

Makẹni, ẹlẹ ebe rị nsọ wẹ gi ẹka rụn hụn wụhụ onyinyọn nke ezigbo ẹ kẹ Kraịstị banye; elu-igwee lẹ enwẹn ẹ k'ọ banye, weri ọnọdị ebe Osolobuẹ rị makẹ ọrịrịmma ẹnyi.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.