Makị 16:10 - Ika

¹⁰ Ọ nọ jẹn d'a gwa ibe ẹ ya lẹ wẹ wị e sọn Jesu, ebe wẹ ile sụkụrụ (gbusuru), a kwan ẹkwan.

Makị 16:10 ပူးပေါင်းရင်းမြစ်များ

Matiu 19:22

Ogẹn okorọbịa hụ gi nụ ihiẹnni, ọ nọ sụkụrụ (gbusuru) pụ, makẹni o nwọnkẹ ihiẹn.

Matiu 24:30

Ogẹn hụ kẹ ahịma Nwa nke Ịhịan k'e gi pụha igwere. Alị ile rị elu-ụwa k'a kwan ẹkwan wẹ hụn Nwa nke Ịhịan. Wẹ k'a hụn Nwa nke Ịhịan k'ọ rị orukpu igwere o gi lala, ya lẹ ikẹn lẹ ọghọ hi-ogbe.

Matiu 9:15

Jizọsị nọ za wẹ, sị, “Ndị bịa agbamẹkụkwọ a kwandẹ nwan ẹkwan ebe okẹnnyẹ rị a gba ẹkụkwọ rị a ra? Ogẹn lala hụn wẹ e gi wepụ a imẹ igunrun wẹ; o ru ogẹn hụ, e bumẹ wẹ ọnụ.”

Makị 14:72

Ya kẹ ọkpa nọ kwan nke mgbe ẹbụọ, ya Pita nọ nyanhan oku Jesu gwa a, “Ọkpa gini d'a kwan mgbe ẹbụọ, i jẹnkọ d'a ghọrị mgbe ẹtọ nị y'a marịn m.” Ndụn a gụ a, ọ nọ kwanma ẹkwan.

Luku 24:17

Ya Jizọsị nọ sị wẹ, “Elee inyẹnrẹn kẹ ụnụ shikọ ihiẹnni ile jẹnkọ?” Wẹ nọ biwuzo, rọnmẹ ihun.

Jọnụ 16:6

Kama, ụnụ hụ a kwan makẹ ihiẹn ndịnị m gwa ụnụ.

Jọnụ 20:18

Ya kẹ Meri onyẹ Magidala nọ jẹn d'a gwa ndị nsọnmazụụn Jesu, “A hụngụọ m Di-nwọnni-ẹnyi!” Ya kẹ ọ nọzị gwachanrịn wẹ ihiẹn ndị hụ ọ gwa a.