Makị 15:43 - Ika

⁴³ Josẹfụ onyẹ obodo Arịmatịa nọ jẹn d'e kunrun Paịleti. Josẹfụ wụ onyẹ wẹ marịn amarịn imẹ Ndị-isi Nkịkwama. Ọ rịzịkwọ ndị rị e che ọbịbịa Alị-eze Osolobuẹ. Ọ nọ rikin obi d'e kunrun Paịleti, sị a ye ẹ ẹhụ Jesu.

Makị 15:43 ပူးပေါင်းရင်းမြစ်များ

Matiu 19:30

Kanị, imẹrinmẹ bu ụzọ jẹnkọ d'a kpanrịn azụụn, ndị kpan azụụn e buru ụzọ.

Matiu 20:16

“Ẹrịra kẹ ndị kpan azụụn k'a dọn bu ụzọ, ndị bu ụzọ a kpanrịn azụụn.”

Matiu 27:57

O ru ogẹn ẹnyasị, ọdanfịn ohu w'a kpọ Josẹfụ hụn wụ onyẹ obodo Arịmatịa nọ bịa. Okẹnnyẹni nkẹ e sọnzikwọ Jizọsị esọn.

Makị 14:54

Pita sọnkọ Jizọsị; kanị ẹgbata wẹ e teyezighọ. Ọ nọ sọn ẹ banye ezi ọgwa onyẹ-isi nchụn-ẹjan, sọn ndị-nche rị ebẹhụ nọdị alị, nyanma ọkụn.

Makị 15:44

Ọ tụ Paịleti ẹnya, ọ nọ sị kẹ Jesu a nwụnhụngụọlẹ. Ọ nọ kpọ ọkị-agha hụ, jụ a kẹ Jesu a nwụnọlẹ.

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Luku 2:38

Ogẹn ohu hụ kẹ ya nwẹn gi pụha ebẹhụ, kpanmịnma Osolobuẹ, e ku oku nwata hụ kẹni ndị ile rị e che ni Osolobuẹ gbapụha Jerusalẹm nụ.

Luku 23:50

O nwọn okẹnnyẹ ohu ẹfan a wụ Josẹfụ hụn wụ onyẹ ohu imẹ Ndị-isi Nkịkwama. Onyẹ obodo Arịmatịa rị Judia k'ọ wụ; ezigbo ịhịan kụrụ ọtọ rọ.

Luku 23:51

O kweyenini ndị-isi ibe ẹ nị wẹ mẹ Jesu ihiẹn wẹ mẹ ẹ. Ọ rị ndị rị e che ọbịbịa Alị-eze Osolobuẹ.

Jọnụ 19:38

Omẹgụ, Josẹfụ onyẹ alị Arịmatịa hụn rị ndị gi nzuzue e sọn ụzọ Jesu makẹ egun ndị-ndu ndị Ju nọ jẹn d'a sị Paịleti ya buye ẹ ẹhụ Jizọsị. Paịleti nọ kweri, sị a d'e buru; ya ọ nọ jẹn d'e buru ẹ.

Ọrụn Ndị-ozi 13:50

Ya ndị Ju nọ kpasu ikpoho wẹ marịn amarịn wụlẹni ndị Ju, hụn e sọn ndị Ju e fe Osolobuẹ, uwẹ lẹ ikẹnnyẹ wẹ marịn amarịn obodo hụ, wẹ ile nọ kpokpomẹ Pọlụ lẹ Banabasị, chụpụ wẹ ẹgbẹrẹ wẹ.

Ọrụn Ndị-ozi 17:12

Ya kẹ ndị bu ọda nọ kweri, wẹ lẹ ikpoho bu ọda wẹ marịn amarịn wụlẹni ndị Ju lẹ ikẹnnyẹ bu ọda.

Ndị Filipi 1:14

Ngannị wẹ tụ m e mẹgụọzị obi rukẹnmẹ ndị itu-Kraịstị ibe ẹnyi bu ọda alị imẹ Di-nwọnni-ẹnyi, w'e kushi nwan oku-Osolobuẹ ikẹn karị kẹ w'e ku ẹ mbụ — egun arịzị wẹ ẹnya.