Makị 14:6 - Ika

⁶ Kanị, Jesu nọ sị wẹ, “Hapụn'a! Kị ụnụ rị e sọngbun'ẹ? Ihiẹn rị mma k'o mẹni m.

Makị 14:6 ပူးပေါင်းရင်းမြစ်များ

Azaya 54:17

mmẹ rị a sị ị nị onwọnni ihiẹn-ọgụn ọwụlẹ wẹ rụntọn'ị k'e ru i ẹhụ, ọnụ ị k'e gburi ọnụ ọwụlẹ yụ lẹ ịya k'e kin ikpe. Ọnwan wụ ukuu idibo Osolobuẹ, hụnnị kẹ m gi a tụnị wẹ ụya. Ya kẹ Osolobuẹ ku.

Matiu 26:10

Jizọsị a marịngụọ ihiẹn wẹ rị e ku, ọ nọ sị wẹ, “Kị ụnụ rị e sọngbuni okpohoni? Ihiẹn rị mma k'o mẹni m.

Makị 14:5

Nkẹ e re wẹ udẹnni hụn egho ọrụn akpọhịn ọgụn-mmisẹn ye ndị igbẹnnyẹ.” Ya wẹ nọ kọrịamanị okpoho hụ ọda-ọda.

Makị 14:7

Ụnụ lẹ ndị igbẹnnyẹ rị ebeni ogẹn ile, ụnụ nwọn ikẹn mẹni wẹ ọhụnma ogẹn ọwụlẹ ụnụ chọ; kanị mmẹ nwẹn esọnkọ ụnụ nọdị ebeni ogẹn ile.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ndị Kọrẹntị Nke Ẹbụọ 10:18

Makẹni, ẹlẹ onyẹ hụn a ja enwẹn ẹ mma kẹ Osolobuẹ e ku oku ẹ ọhụnma, kanị onyẹ hụn Osolobuẹ ja mma.

Ndị Kọrẹntị Nke Ẹbụọ 9:8

Osolobuẹ k'a saẹka gi ihiẹn ile gọzi ụnụ mmagi-mmagi, kẹni ụnụ hụn ụzọ e nwọnchanrịn ihiẹn ile rị ụnụ mkpa, e yezi ọda ogẹn ọwụlẹ ọrụn rị mma pụha.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Tẹsalonika Nke Ẹbụọ 2:17

dodo kasị nwan onyẹ-onyẹ imẹ ụnụ obi, mẹ obi ụnụ zekẹnmẹ, ebe oku-ọnụ lẹ ọrụn ọwụlẹ rị mma rị.

Timoti Ibuzọ 5:10

Ọ k'a wụrịrị onyẹ wẹ gi ọrụn ọma marịn: ya wụ, n'ọ zụnghọ ụmụ; n'ọ nabanhanghọ ndị ọbịa; n'o feghọ ndị nke Osolobuẹ, chanchanpụ wẹ unyin ụkụ; n'o yeghọnị ndị rị nsọngbu ẹka; n'o bughọ enwẹn ẹ che ọrụn ọma ụzọ ile.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Timoti Nke Ẹbụọ 2:21

onyẹ chanchanpụ nwan enwẹn ẹ ihiẹn nwọnlẹni ọghọ, ọ wụrụ arịa nwọn ọghọ, arịa wẹ dọnmẹ ichẹn, hụn a bannị onyẹ nwọn ụlọ erere, arịa w'e gi mẹ ihiẹn ile rị mma.

Timoti Nke Ẹbụọ 3:17

kẹni onyẹ nke Osolobuẹ wụrụ onyẹ wẹ zụn ọhụnma, hụn k'a s'ẹka mẹ ihiẹn ile rị mma.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 2:7

Wụrụ onyẹ wẹ e leri imẹ ihiẹn ile rị mma. Ebe nkuzi i rị, wụrụ onyẹ ezioku lẹ onyẹ ghalẹni e gi nkuzi e gu egu,

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Taịtọsụ 3:8

Ọnwan wụ ezioku. M chọ ni y'e ku ihiẹn ndịnị, e kushi wẹ ikẹn, kẹni ndị kwerigụnị Osolobuẹ hụn ụzọ e dọnrin ẹnya e we enwẹn wẹ a kwanị ọrụn ọma. Ihiẹn ndịnị a rịka mma, w'a bannị ịhịan ile erere.

Hibru 10:24

Nị ẹnyi a chọsọnmẹ ni kẹ ẹnyi e dọn mẹ ibe ẹnyi e nwọn ihiẹn-ọsụsụọ, e mẹ ihiẹn rị mma.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.