Makị 14:41 - Ika

⁴¹ O kinhẹn nke mgbe ẹtọ, ọ nọ sị wẹ, “Ụnụ rịkwọ nwan a ranhịn, e zuru ikẹn? Ogẹn e rugụọ. Lee n'ẹ, e we wẹ Nwa nke Ịhịan che ẹka ndị-njọ.

Makị 14:41 ပူးပေါင်းရင်းမြစ်များ

Ndị-nze Nke Ibuzọ 18:27

O ru ogẹn anwụn gi ru isi, Ẹlaịja nọ mụma wẹ ẹmụ, a sị wẹ, “Yikẹnmẹ ni oro! Okẹn-mmọn k'ọ wụ, ẹlẹ ya?! Ikẹnkwọ ọ rị e ro iroro mọbụ n'o jẹn azụụn-ụlọ! Ikẹnkwọ ọ rị ụzọ ijẹn! Ikẹnkwọ ọ rị ụran, o furu ni wẹ kpọtiẹn ẹ!”

Ndị-nze Nke Ibuzọ 22:15

Ogẹn Maịkaya gi ru ebe eze rị, eze nọ sị a, “Maịkaya, nị ẹnyi jẹn d'a maye Ramọtụ-Gilẹdị ọgụn ra nị ẹnyi nọdị?” Ya Maịkaya nọ sị, “Agụ, jẹn d'a maye ẹ! I k'e mẹri; Osolobuẹ k'e bu ẹ che i ẹka!”

Ndị-nze Nke Ẹbụọ 3:13

Ẹlaịsha nọ sị eze Izrẹlụ ẹbamịn-ugu, “Kị biri mmẹ lẹ ịyụ? Jẹn d'e kunrun ndị-amụma nẹdi i lẹ ndị-amụma nnẹ i.” Eze Izrẹlụ ẹbamịn-ugu nọ sị, “Mba, Osolobuẹ wụ onyẹ hụn kpọkikomẹ ẹnyi ndị-nze ẹtọnị n'o d'e bu ẹnyi che ẹka eze Mụabụ.”

Ẹkịliziastisi 11:9

Okoro, e nwọn nwan anwịnrịn n'ị rị okoro; obi ya sụọma ị ụsụọ hụnnị ị rị okoro. Sọnmẹ ihiẹn ọwụlẹ obi i ye i lẹ ihiẹn ọwụlẹ ẹnya ị legha; ka nyanhankwọ nị Chuku jẹnkọ d'a ju ị ukwere ihiẹn ndịnị ile.

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Matiu 26:2

“Ụnụ a marịnghọ nị nwẹnẹ eki wụ Mmẹmmẹ-Nghafe. Ụhụọhịn hụ kẹ wẹ jẹnkọ d'e we Nwa nke Ịhịan ye wẹ kpọgbu.”

Makị 14:10

Judasị nwa Iskarọtụ, onyẹ ohu imẹ ndị nsọnmazụụn Jesu mmẹbụọ hụ, nọ jẹn d'e kunrun ndị-isi nchụn-ẹjan kẹni o re Jesu ye wẹ.

Makị 14:18

Ebe wẹ rị e ri ihiẹn-oriri, Jesu nọ sị wẹ, “M rị a gwa ụnụ ezioku, onyẹ ohu imẹ ụnụ jẹnkọ d'e re m, onyẹ mmẹ lẹ ya rị e ri ihiẹn-oriri.”

Makị 14:35

Ọ nọ jẹnzụka, tụha enwẹn ẹ ye alị, kpe ekpere, nị omẹni ọ rị nfe, ogẹn afụnfụn hụ ya ghafe ẹ,

Makị 14:40

O kinhẹn ebe ndị nsọnmazụụn a rị, hụnzị wẹ kẹ wẹ rị a ranhịn, asadẹni wẹ ẹka shịapụ ẹnya. Amarịnzị wẹ ihiẹn wẹ sikọ d'a sị a.

Makị 14:42

Lihi ni nị ẹnyi jẹnmẹ. Lee n'ẹ, onyẹ rị e reni m e rugụọ ebeni!”

Makị 7:9

Ọ nọ sị wẹ, “Ụnụ marịn kẹ ụnụ dọn a latọ Iwu Osolobuẹ, kẹni ụnụ kwadọn omẹnalị ụnụ!

Makị 9:31

makẹni ọ rị a kuzi ndị nsọnmazụụn a, a sị wẹ, “Wẹ sikọ d'e we Nwa nke Ịhịan ye ndị k'e gbun'ẹ; kanị, wẹ gbugụ a, o lihi nke akpọhịn ẹtọ.”

Jọnụ 12:23

Jesu nọ za wẹ, sị, “Ogẹn e rugụọ w'e gi ye Nwa nke Ịhịan ọghọ.

Jọnụ 12:27

“Obi rị nwan e feri m. Kị m'e ku nwan? Nị m sị, ‘Baba, anịlẹ ogẹn afụnfụnnị bịanị m’? Mba! Makẹni, ya haịn m gi rị ebeni, m bịa kẹni m hụn ụzọ ta afụnfụnnị.

Jọnụ 17:1

Ogẹn Jizọsị gi kugụ ihiẹn ndịnị, ọ nọ bu ẹnya zinmẹ elu-igwee, sị, “Baba, ogẹn hụ e rugụọ! Ye Nwa ị ọghọ, kẹni Nwa ị gi ẹ wẹhẹn'i ọghọ

Jọnụ 7:30

Ya kẹ wẹ nọ mẹmẹ nị wẹ nwụnrụn a, kanị onwọnni onyẹ saẹka mẹtụ a ẹka makẹni ogẹn ẹ eke ru.

Jọnụ 8:20

Ogẹn Jesu gi ku ihiẹnni, ọ rị ebe w'e buche oyiye imẹ ụlọ-nsọ a kuzi, bụ onwọnni onyẹ saẹka nwụnrụn a makẹni ogẹn ẹ e ke ru.

Ọrụn Ndị-ozi 7:52

Elee onyẹ-amụma kẹ ndị nẹdi ụnụ kpokpolẹni? Uwẹ gbu ndị hụn ku oku ọbịbịa Kraịstị Onyẹ Ezi-omumẹ, ụnụ nwẹn wụ nwan ndị ren'ẹ lẹ ndị gbun'ẹ!

Ndị Han Eṅẹn 10:14

D'a kwanghọsị nị mmọn-lẹ-iyi ndị ahụn ụnụ họrị; wẹ zụọpụha nwan ụnụ imẹ nsọngbu.”