Makị 14:24 - Ika

²⁴ Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Makị 14:24 ပူးပေါင်းရင်းမြစ်များ

Ọpụpụ 24:8

Mozizi nọ nwan weri ẹdeke ahụn, fe ẹ kpu wẹ, sị, “Ọnwan wụ ẹdeke nkwerigbama ahụn hụn Osolobuẹ gi kwọngbama ụnụ lẹ ya, kẹ wẹ dọn detusọnmẹ ẹ ebeni.”

Jerimaya 31:31

Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Zẹkaraya 9:11

Nke ụnụ Izrẹlụ, m k'e gi ufiri ẹdeke mmẹ lẹ ụnụ gi kwerigbama, gbapụha ndị nke ụnụ imẹ mgbugbu ahụn mirin rịlẹni wẹ buche wẹ.

Makị 10:45

makẹni, Nwa nke Ịhịan lẹ enwẹn ẹ abịadẹni nị wẹ gban'a odibo, kalẹ, ọ bịa d'a gba odibo lẹ n'o ye ndụn a, gi gbapụha ndị bu ọda.”

Makị 14:23

Ọ nọ weri mkpu, ọ kpanmịngụ Osolobuẹ, ọ nọ buye wẹ ya. Wẹ ile nọ rarịsọnmẹ.

Makị 14:25

M rị a gwa ụnụ ezioku, arakọzị m manya vaịnị d'e ru ogẹn m jẹnkọ d'a ra nke ọhụn a imẹ Alị-eze Chuku.”

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Jọnụ 6:53

Ya kẹ Jizọsị nọ sị wẹ, “Ezioku kẹ m rị a gwa ụnụ, mmanị ụnụ ri ẹhụ Nwa nke Ịhịan, ra ẹdeke ẹ, ụnụ enwọnkọ ndụn imẹ ụnụ.

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Ibuzọ 11:25

Ẹrịra k'o mẹzi kẹ wẹ rigụ ihiẹn-oriri ẹnyasị ahụn: o weri mkpu manya hụ, ọ nọ sị, “Mkpuni wụ nkwerigbama ọhụn hụ wẹ gi ẹdeke m biye ẹka. E mẹ ni ihiẹnni: ogẹn ọwụlẹ ụnụ ra a, e gi n'ẹ a nyanhan m.”