Makị 13:8 - Ika

⁸ “Alị sikọ d'a lụsọn alị; alị-eze a lụsọn alị-eze, alị k'e mẹhunmẹ ụzọ ile; ụnwụn sikọ d'a rị; kanị, ihiẹn ndịnị nọ kẹ ebe imẹ nọhụ mẹmẹ okpoho.

Makị 13:8 ပူးပေါင်းရင်းမြစ်များ

Ihiẹn Mẹni Nke Ẹbụọ 15:6

alị hụ a bịangbu alị, obodo hụ e tikpọ obodo — makẹni Chuku rị e gi ụdị nsọngbu ile e kpokpo wẹ.

Ẹbụ-ọma 48:6

Ẹhụ a mama wẹ nni, tụrụma wẹ, rịkẹ okpoho imẹ rị e mẹ.

Azaya 19:2

“M k'e mẹ Ijiptu bunụmanị enwẹn ẹ — mẹ nwẹnẹ lẹ nwẹnẹ lụma ọgụn imẹ ẹ, onyẹ-onyẹ imẹ Ijiptu a lụsọnmẹ ndị bikunman'a ọgụn, obodo ndị rịn'a a lụsọnmẹ ibe wẹ ọgụn; alị-eze ndị rịn'a a lụsọnmẹ ibe wẹ ọgụn.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 37:3

Wẹ nọ sị Azaya, “Eze wụ Hezikaya sị, ‘Ogẹn nsọngbu lẹ mkpari lẹ ụya a bịagụọnị ẹnyi nwan. Ọ nọ kẹ ebe nwa nọ kpuyechanrịn isi n'ọ pụha — kanị nnẹ ẹ ahụnnị ndụn kịnpụha a!

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 25:32

Osolobuẹ ihiẹn ile rị okpuru ẹ sị, “Lee n'ẹ, wẹ hụ e tikpọ otikpọ-otikpọ a gha alị, a pu alị; nsọngbu a kpọmagụọ nọkẹ okẹn ẹbi — ọ ghakwọrị ebe ụwa ru lala.”

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Zẹkaraya 14:13

Osolobuẹ k'e bu okẹn isusu che imẹ igunrun wẹ, onyẹ-onyẹ a mayemẹ ibe ẹ;

Matiu 24:8

Kanị, wẹ ile nọhụ kẹ ebe imẹ nọhụ mẹmẹ okpoho.

Makị 13:7

Ogẹn ụnụ jẹnkọ d'e gi nụ oku agha — kẹ hụn wẹ rị a lụ kẹ hụn wẹ kelẹni lụma; atụkwọlẹ ni egun. Ihiẹn ndịnị jẹnkọ d'e mẹ bụ ọgụgụ-ogẹn e ke ru.

Makị 13:9

“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.

Ọrụn Ndị-ozi 11:28

Onyẹ ohu imẹ wẹ ẹfan a wụ Agabusu nọ lihi ọtọ, bu amụma ghahanị ikẹn Mmọn-nsọ, nị okẹn ụnwụn sikọ d'a mụgbarị ụwa ile. Amụmanị bụn ogẹn Klọdiọsụ gi kị alị-eze ndị Rom.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!

Rẹvẹleshọnụ 6:4

Ya kẹ ẹshin ọzọ nọ pụha. Ọnwan e nwun ufie-ufie. Wẹ nọ ye onyẹ rị e nyinn'ẹ ikẹn n'o wepụ udọn elu-ụwa, kẹni ịhịan gbumẹ ibe wẹ. Wẹ nọzị we ọpịa-agha hi-ogbe ye ẹ.