Makị 13:14 - Ika

¹⁴ “Kanị, hụn ụnụ gihụ hụn ‘Eje-ụrụ ahụn’ k'o wuzo ebe furulẹni n'ọ rị (onyẹ hụn rị a gụn ihiẹnni ya ghọha a), ndị rị Judia ogẹn hụ wẹ gbashi elu-ugu.

Makị 13:14 ပူးပေါင်းရင်းမြစ်များ

Ẹkwan 1:10

Eṅẹnrẹn e bu ẹka che ihiẹn ile rị mkpa o dọnmẹ; ọ hụnghọdẹ kẹ ndị a rụa mmọn banye ụlọ-nsọ a — ndị hụn ị sị nị abanyekọ wẹ igunrun ndị nke i.

Izikẹlụ 44:9

Osolobuẹ Nwọn Ihiẹn Ile sị: Onyẹ alị ọzọ kwalẹni ugun ẹhụ lẹ obi abanyekọ imẹ ụlọ-nsọ m; onyẹ alị ọzọ bidẹ imẹ igunrun ndị Izrẹlụ abanyekọd'a kaka.

Daniẹlụ 11:31

“Ndị-agha a k'a pụha d'e mẹrụ Ụlọ-nsọ, ebẹhụ Izrẹlụ gi e dọn ẹnya, kagbu ẹjan w'a chụnyeni Osolobuẹ ụhụọhịn-ụhụọhịn, a bịa wẹ d'e tumẹ arụ ahụn hụn e buhẹ ntikpọ.

Daniẹlụ 12:11

“Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290).

Daniẹlụ 8:13

Ya m nọ nụ kẹ onyẹ-nsọ ohu rị e ku oku, onyẹ-nsọ ọzọ nọ sị a, “Nanị ọhụnnị e biehan d'e mẹ — ọhụn ahụn gbashịarịnị ẹjan w'a chụsọnmẹ ụhụọhịn-ụhụọhịn lẹ arụ ahụn k'e buhẹ ntikpọ, lẹzi ọlatọ wẹ k'a latọn'a Ụlọ-nsọ lẹ igunrun ndị nsọ o k'a zọkpụkpọ?”

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Matiu 13:51

Jizọsị nọ sị ndị nsọnmazụụn a, “Ụnụ a ghọtagụọ ihiẹn ndịnị ile?” Wẹ nọ sị a, “Ẹghẹẹ.”

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Rẹvẹleshọnụ 1:3

Ngọzi ya rịnị onyẹ k'a gụnpụhanị ibe ẹ ihiẹn ndị rị imẹ ozini Osolobuẹ zi; ngọzi ya rịzịkwọnị ndị k'a nụn'a lẹ ndị k'e mẹ ihiẹn wẹ de imẹ ẹ, makẹni ogẹn wẹ a rịgụọ nsue.

Rẹvẹleshọnụ 13:18

Ihiẹnni chọ amamihiẹn: onyẹ nwọn nghọta ya gi ẹ gbakọ ahịma eje-anụ hụ, makẹni ọnụ-ọgụn ịhịan rọ. Ahịma hụ wụ isin kwasị ọgụn-mmẹtọ kwasị nnụ (666).