Makị 12:6 - Ika

⁶ “O nwọnzighọ onyẹ ohu o k'e zi: ezi nwa a. Omẹgụ, ọ nọ zi nwa a jẹnni wẹ, sị, ‘Wẹ jẹnkọ d'a gbaye nwa m.’

Makị 12:6 ပူးပေါင်းရင်းမြစ်များ

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 22:2

Osolobuẹ a sị a, “Weri nwa ị, akpụ nwa ohu ahụn ị mụ, hụn ihiẹn ẹ a sụọ ị ọda-ọda, y'e shi alị Moria, n'i gi ẹ chụnnị m ẹjan w'a dụn ọkụn elu ugu m k'a ghọsị ị ebẹhụ.”

Jẹnẹsisi 37:3

Josẹfụ kẹ ihiẹn ẹ ka nẹdi wẹ wụ Izrẹlụ a sụọ karị ụmụ a ndị ọzọ, makẹni ẹhụ ẹgẹdi k'o gi mụ a. Ọ nọ kwan'a ẹwuru tueni hụn tụ ẹkịrịka, ma mma ọda-ọda.

Jẹnẹsisi 44:20

Ẹnyi nọ sị ị, ‘Ẹnyi e nwọnghọ nẹdi hụn kagụ ẹgẹdi lẹ nwata okẹnnyẹ, hụn nẹdi ẹnyi gi ẹhụ ẹgẹdi mụ. Hụn nnẹ ohu mụ ya lẹ nwata-okẹnnyẹ ahụn a nwụnhụngụọ; ya sụọ họdụ imẹ ụmụ nnẹ ẹ; nẹdi ẹ e mẹn'ẹ nwa.’

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Ẹbụ-ọma 2:7

Eze nkẹ sị, “M k'e ku ihiẹn Osolobuẹ ku: Ọ sị m, ‘Ị wụ Nwa m, e họnringụọ m nẹdi i tannị;

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Matiu 1:23

“Lee ẹ, okpoho kelẹni marịn okẹnnyẹ jẹnkọ d'a tụ imẹ, mụ okẹnnyẹ; wẹ k'a kpọ nwa hụ ‘Imanuẹlụ’, ya wụ, ‘Osolobuẹ rị imẹ igunrun ẹnyi.’ ”

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Makị 1:11

Ya olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Makị 12:5

O zizi odibo ọzọ, wẹ nọ gbu ẹ. Ẹrịra kẹ wẹ mẹsọnmẹ ndị bu ọda o zi; e gbu wẹ ụfọdụ ili, gbu ụfọdụ ozun.

Makị 12:7

Kanị ndị hụ o buche ugbo hụ ẹka nọ sị ibe wẹ, ‘Onyẹni ya k'a kwarị ukuu ẹ. Nị ẹnyi gbu ẹ nwan kwarị ukuu ẹ!’

Makị 9:7

Orukpu nọ pụha d'e kpumẹ wẹ; olu nọ gha imẹ orukpu hụ sị, “Ọnwan wụ ezi Nwa m; gọn n'ẹ ntịn!”

Luku 3:22

Mmọn-nsọ nọ gi ẹhụ nduru hidan, bekwasị a. Olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Luku 9:35

Olu nọ gha imẹ orukpu hụ sị, “Ọnwan wụ Nwa m, Onyẹ hụn m họrị, gọnn'ẹ ntịn!”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 1:18

Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 1:34

A hụnọlẹ m'a; e kuọlẹ m nị ịya wụ Nwa Osolobuẹ.”

Jọnụ 1:49

Natanẹlụ nọ sị, “Onyẹ-nkuzi, eziẹ ịyụ wụ Nwa Osolobuẹ; ịyụ wụ Eze ndị Izrẹlụ!”

Jọnụ 3:35

Chuku-Nẹdi nwọn ihiẹn-ọsụsụọ Nwa a wụ Kraịstị, o bugụọ ihiẹn ile che ẹ ẹka.

Jọnụ 5:23

kẹni ịhịan ile gbaye Nwa a kẹ wẹ dọn a gbaye Chuku-Nẹdi. Onyẹ gbayelẹni Nwa a agbayeni Chuku-Nẹdi zihẹn'ẹ.

Hibru 1:6

Ogẹn Osolobuẹ gi wẹhẹ Nwa-ibuzọ a hụ imẹ ụwa, ọ sị, “Ndị mmọn-ozi Osolobuẹ ile, fe n'ẹ.”

Jọnụ Ibuzọ 4:9

Osolobuẹ a ghọsịgụọ n'o nwọn ihiẹn-ọsụsụọ ẹnyi — ebe ọ nọ zihẹ akpụ Nwa a ohu imẹ ụwa, kẹni ẹnyi hụn ụzọ rị ndụn ghahan'a.

Jọnụ Nke Ẹtọ 1:1

Mmẹ wụ onyẹ-isi de ẹkụkwọ-ozini. M rị e dejẹnni Gayọsụ, ezi nwẹnẹ ẹnyi ihiẹn ẹ a sụọ m imẹ Ezioku.