Makị 12:29 - Ika

²⁹ Jesu nọ za a, “Hụn kachanrịnnị wụ ọnwan: ‘Ndị Izrẹlụ, gọn ni ntịn! Di-nwọnni-ẹnyi wụ Chuku ẹnyi, ịya sụọ wụ Chuku.

Makị 12:29 ပူးပေါင်းရင်းမြစ်များ

Ẹbụ-ọma 86:10

Makẹni ị wụ onyẹ-uku, y'a rụnzịkwọ ọrụn-atụmẹnya; ịyụ sụọ wụ Chuku.

Itẹn 23:26

Nwa m, ye m obi i; ẹnya ị ya rịsọnmẹ ụzọ m,

Matiu 10:37

“Onyẹ hụn nwọn ihiẹn-ọsụsụọ nẹdi ẹ mọbụ nnẹ ẹ karị hụn o nwọnni m efuruni m; onyẹ ọwụlẹ nwọn ihiẹn-ọsụsụọ nwa a okẹnnyẹ mọbụ nwa a okpoho karị hụn o nwọnni m efuruni m.

Matiu 23:9

Akpọlẹ ni ịhịan ‘Nẹdi ẹnyi,’ elu-ụwanị makẹni Nẹdi ohu sụọ kẹ ụnụ nwọn, elu-igwee k'ọ rị.

Luku 10:27

Okẹnnyẹ hụ nọ za, “ ‘Gi obi i ile, umẹ-ndụn i ile, ikẹn i ile lẹ uche i ile nwọn ihiẹn-ọsụsụọ Di-nwọnni-ẹnyi wụ Chuku i’; lẹ ‘Nị ihiẹn ibe i a sụọ ị kẹ ihiẹn enwẹn i dọn a sụọ ị.’ ”

Ndị Rom 3:30

ebe o mẹ ni Osolobuẹ wụ ohu sụọ. Ya k'o gi mẹ ni o k'e gi okukwe ndị Ju kuni wẹ ọhụnma, gizi okukwe ndị wụlẹni ndị Ju kuni wẹ ọhụnma.

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Ndị Galeshịa 3:20

Kanị w'a ra chọ ụkọ ebe onyẹ ohu sụọ nọ e mẹ ihiẹn: Osolobuẹ aghanị ẹka ụkọ kwe Ebraham nkwa ahụn.

Ditrọnọmi 10:12

Euu ndị Izrẹlụ, kị Osolobuẹ wụ Chuku ụnụ chọ nwan ẹka ụnụ karị ịtụ-egun Osolobuẹ, isọn ụzọ a ile, inwọn ihiẹn-ọsụsụọ a, igi obi i ile lẹ umẹ-ndụn i ile e fe Osolobuẹ wụ Chuku i,

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ditrọnọmi 6:4

Ụnụ ndị Izrẹlụ, gọn ni ntịn: Osolobuẹ wụ Chuku ẹnyi; Osolobuẹ sụọ.

Timoti Ibuzọ 1:5

I sikọ d'a gwa wẹ akuzizilẹ, kẹni ịhịan hụn ụzọ gi ihiẹn-ọsụsụọ gha obi rị mma pụha e bi, e gi ịhọrị rị mma lẹ okukwe ru akpakalị obi e bi.

Timoti Ibuzọ 2:5

Makẹni, Osolobuẹ ohu sụọ rị; Onyẹ Ewegbamanị wụzị ohu sụọ hụn e wegbama Osolobuẹ lẹ ịhịan. Onyẹni wụ Kraịst Jizọsị hụn wụzịkwọ ịhịan;

Jemisi 2:19

Y'e nwọnghọ okukwe i gi kweri nị Osolobuẹ ohu sụọ rị, ẹlẹ ịya? Y'e mẹkẹ! Eje-mmọn nkẹ e nwọnzighọ okukwe wẹ gi kweri! Ya haịn wẹ gi a ma piripiri!

Judu 1:25

Onyẹ ahụn ịya sụọ wụ Chuku, Onyẹ nzụọpụha ẹnyi, ọjịja-mma ya rịn'a ghahanị Jizọs Kraịstị Di-nwọnni-ẹnyi — ọjịja-mma lẹ ikpẹn lẹ ikẹn lẹ ọkịkị ya rịn'a: k'ọ rịn'a nị ogẹn d'e bidọn, ya rịn'a kikẹnni, rịn'a jẹnrin ejẹn! Isẹẹ.