Makị 12:26 - Ika

²⁶ O mẹ nke iweli ndị nwụnhụnnị, ụnụ e ke gụn a imẹ Ẹkụkwọ Mozizi, ebẹhụ ọ nọ ku oku akụ-ọfịa hụ rị e nwụn ọkụn, nị Osolobuẹ sị Mozizi, ‘Mmẹ wụ Chuku Ebraham, Chuku Aziki, Chuku Jekọpụ’?

Makị 12:26 ပူးပေါင်းရင်းမြစ်များ

Jẹnẹsisi 26:24

Uhinhin ahụn daị, Osolobuẹ nọ bịa d'e kunrun ẹ, sị a, “Mmẹ wụ Chuku Ebraham nẹdi i; atụlẹ egun, nị mmẹ lẹ yụ wị; m jẹnkọ d'a gọzi i, mẹ ụmụ ị barahị — m jẹnkọ d'e mẹ ihiẹn ndịnị makẹ ufiri odibo m wụ Ebraham.”

Jẹnẹsisi 28:13

O legha Osolobuẹ k'o turu mkpọnụnụ obe ahụn. Osolobuẹ nọ sị a, “Mmẹ wụ Osolobuẹ, Chuku Ebraham nẹdi i kanị lẹ Chuku Aziki; m jẹnkọ d'e ye yụ lẹ ụmụ ị alịnị i dinẹ.

Jẹnẹsisi 31:42

Omẹni ẹlẹ hụn Chuku hụn nẹdi m e fe nọyeni m — Chuku Ebraham, Chuku hụn Aziki nẹdi m a tụ egun ẹ, o te nwọnni ihiẹn nkẹ y'e ye m! Chuku a hụngụọ afụnfụn ile m rị a ta lẹ okẹn ọrụn m ile, ya haịn o gi jụgbọ ị hụn uhinhin.”

Jẹnẹsisi 32:9

Ya Jekọpụ nọ mẹ ekpere, sị, “Euu Chuku Ebraham nẹdi m kanị, Chuku Aziki nẹdi m; Euu Osolobuẹ, Onyẹ hụn sị m ‘Lakin alị ị; laburu ndị nke i, m k'e mẹ ihiẹn ile ghan'ị’.

Jẹnẹsisi 33:20

Ọ nọ rụn ukpo nchụn-ẹjan ye ebẹhụ, kpọ a Ẹl-Ẹlohi-Izrẹlụ hụn wụ “Chuku Izrẹlụ Ehikẹ”.

Ọpụpụ 3:16

“Jẹn d'a kpọkikomẹ ndị isi Izrẹlụ, y'a sị wẹ, ‘Osolobuẹ, Chuku ndị nẹdi ụnụ kanị, Chuku Ebraham lẹ Aziki lẹ Jekọpụ e mẹgụọ m hụn a, ọ nọ sị m: a hụngụọ m kẹ ọ rị ụnụ lẹ ihiẹn ndị Ijiptu rị e mẹ ụnụ.

Makị 12:10

Ụnụ e ke gụntu ẹ imẹ Ẹkụkwọ-nsọ nị ‘Ọmụma hụ ndị rị a tụn ụlọ jụ a wụrụgụọ nwan ọmụma gi ụlọ.

Makị 12:25

Ogẹn ndị nwụnnị sikọ d'e gi lihi, alụkọ wẹ di lẹ nwunyẹ; wẹ jẹnkọ d'a rị kẹ ndị mmọn-ozi rị elu-igwee.

Luku 20:37

O mẹ nke iweli ndị nwụnnị, Mozizi lẹ enwẹn ẹ e kugụọd'a ebe ọ nọ ku oku akụ-ọfịa hụ, ebẹhụ ọ nọ kpọ Di-nwọnni-ẹnyi ‘Chuku Ebraham, Chuku Aziki, Chuku Jekọpụ’.

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Rom 11:2

Osolobuẹ ajụnị ndị nke ẹ, ndị ọ họtọ! Ụnụ amarịn ihiẹn Ẹkụkwọ-nsọ ku ebẹhụ Ẹlaịja nọ kpe ndị Izrẹlụ ẹka Osolobuẹ? Kẹ Ẹlaịja dọn sị,