Makị 12:2 - Ika

² O ru ogẹn vaịnị, ọ nọ zi odibo ẹ d'e kunrun ndị hụ ugbo hụ rị ẹka d'e wẹhẹ hụn run'ẹ.

Makị 12:2 ပူးပေါင်းရင်းမြစ်များ

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Ihiẹn Mẹni Nke Ẹbụọ 36:15

Osolobuẹ wụ Chuku ndị nẹdi wẹ hụ e zi ndị ozi d'a gwa wẹ oku, a gwa wẹ ọgụgwa-ọgụgwa, makẹni omikẹn ndị nke ẹ lẹ ebe obibi ẹ rị e mẹ ẹ.

Ẹzra 9:11

iwu hụn ị gi ndị idibo i ndị-amụma ye ẹnyi, sị, ‘Alị hụ ụnụ bankọ d'e weri rụ arụ, makẹni ndị bin'ẹ e mẹ ụrụ rị ichẹn; e gigụọ wẹ ihiẹn ile rị ichẹn m'a sọ kpọn ụrụ jun ẹ gha gba ẹbamịn d'e ru ẹbamịn.

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Maịka 7:1

Ụya e gbuẹ m! M nọ nwan kẹ onyẹ chọha figi ogẹn figi, kanị a ghọgụọ w'a, ghọdọnzi! Akpụrụ figi-ibuzọ rị a gụnnị m arịa!

Zẹkaraya 7:7

“ ‘Ẹlẹ okuni wẹ rị a gwa ụnụ kẹ Osolobuẹ gi ndị-amụma mbụ ku, kẹ wẹ kelẹni tikpọ Jerusalẹm? Ogẹn ahụn Jerusalẹm lẹ obodo ndị nọhunmẹn'ẹ gi rị e bi udọn-lẹ-ndọnkwa, ogẹn ahụn ịhịan bizi imẹ Nẹgẹvụ rị ẹbamịn ndịdan-mirin ọda-ọda lẹ imẹ Shẹfẹla rị nkpọtu òke ibẹka ọdịdan-ẹnyanwụn.’ ”

Matiu 21:34

Ogẹn vaịnị e rumẹ, ọ nọ zi idibo ẹ jẹnni ndị hụ ugbo hụ rị ẹka d'a nahan wẹ ihiẹn vaịnị a mị.

Makị 12:1

Ya kẹ Jesu nọ tanị wẹ ilu, sị, “Okẹnnyẹ ohu nwọn alị vaịnị tụnhunmẹ ẹ mgbọn, gutọ olu wẹ nọ a pịnpụha manya-vaịnị, tụn ụlọ nche ye imẹ ẹ. Ọ nọ bu alị vaịnị hụ che ẹka ndị sikọ d'a rụnn'a ya egbu-eke, ya ọ nọ jẹnmẹ alị-ịhịan.

Makị 12:3

Wẹ nọ kwọndọn odibo hụ o zi, gbu e ili, gbama a ẹka chụpụ.

Luku 12:48

Kanị, odibo marịnlẹni ihiẹn di-nwọnn'ẹ chọ mẹ ihiẹn w'e gi fịan a mkpịnsịn, a fịan w'a hụn bulẹni ọda. “Ihiẹn bu ọda kẹ w'a tụ ẹnya a ẹka onyẹ wẹ ye ihiẹn bu ọda; kanị, hụn ka ọda kẹ w'a tụ ẹnya a ẹka onyẹ wẹ buche ihiẹn ka ọda ẹka.

Luku 20:10

Ogẹn vaịnị e ru, ọ nọ zi odibo ohu jẹnni ndị hụ rị a rụn ugbo hụ nị wẹ ye ẹ hụn run'ẹ; kanị, ndị hụ nọ gbu odibo ẹ ili, gba a ẹka la.

Hibru 1:1

Ogẹn mbụ, Osolobuẹ gwasọnmẹ ndị nẹdi ẹnyi wẹ oku imẹrinmẹ ogẹn lẹ ụzọ rị ichẹn-ichẹn ghahanị ndị-amụma.