Makị 12:14 - Ika

¹⁴ Wẹ nọ bịa d'e kunrun Jesu, sị a, “Onyẹ-nkuzi, ẹnyi a marịnghọ n'ị wụ onyẹ ezioku, nị y'a ra lee ịhịan ẹnya ihun, y'a ra gbeyeni ịhịan, kama, y'a kuzichanrịn ụzọ Osolobuẹ k'ọ rị. Gwa ẹnyi nwan, ọ hụghọ mma nị ẹnyi kụ eze-kanị wụ Siza ụgwọ-isi ra ọ rị mma? Nị ẹnyi kụ ra ẹnyi akụlẹ?”

Makị 12:14 ပူးပေါင်းရင်းမြစ်များ

Ihiẹn Mẹni Nke Ẹbụọ 18:13

Kanị, Maịkaya nọ sị a, “Ma Osolobuẹ, ihiẹn Chuku m ku sụọ kẹ m k'e ku.”

Ihiẹn Mẹni Nke Ẹbụọ 19:7

A tụ nị nwan egun Osolobuẹ; e dọnrin ni ẹnya e dọnzi oku, makẹni, Osolobuẹ wụ Chuku ẹnyi achọnị mmẹgbu mọbụ igbeyeni ịhịan mọbụ ịna ọgị-azụụn.”

Nehemiah 9:37

Ufiri njọ ẹnyi, ihiẹnni ile bugbu enwẹn ẹ alịnị rị a mịpụha hụ a lanị ndị-nze alị ọzọ ndịnị i we ẹnyi che okpuru wẹ; wẹ hụ a kị kẹ ẹhụ ẹnyi kẹ anụ ẹnyi k'ọ sụọ wẹ. Ẹnyi rị nwan imẹ okẹn afụnfụn.”

Ẹbụ-ọma 120:2

“Osolobuẹ, dodo zụọpụha m ẹka onyẹ-ntụ, onyẹ ezioku rịlẹni ọnụ.”

Ẹbụ-ọma 55:21

Oku-ọnụ a riẹnnahịndẹ udẹn-olivu, kanị agha rị a obi; oku-ọnụ a riẹnnahịndẹ ofugbọn, kanị ọpịa-agha wẹ sepụhagụ rọ!

Jerimaya 42:20

nị ụnụ e mẹfieọlẹ ọda-ọda. Makẹni ụnụ gi ẹka ụnụ zi m d'e kunrun Osolobuẹ wụ Chuku ụnụ, sị m rịọnị ụnụ Osolobuẹ wụ Chuku ụnụ; ụnụ gi ọnụ ụnụ sị, ‘Gwahụ ẹnyi ihiẹn Osolobuẹ wụ Chuku ẹnyi ku, ẹnyi k'e mẹ ẹ.’

Maịka 3:8

Kanị, o mẹ nke m, m nwọn ikẹn ọda-ọda, ịya lẹ Mmọn Osolobuẹ lẹ ezioku lẹ ndụn, hụn m gi a gwapụ ebọn Jekọpụ nị wẹ rị a dan iwu, hụn m gi a gwa ndị Izrẹlụ nị wẹ rị e mẹ njọ.

Matiu 22:16

Wẹ nọ zijẹn ndị nsọnmazụụn wẹ lẹ ndị itu Hẹrọdụ d'a jụ a ụtaanị: “Onyẹ-nkuzi, ẹnyi a marịnghọ n'ị wụ onyẹ ezioku, nị ị rị a kuzi ụzọ Osolobuẹ k'o furu, nị egun ịhịan ara tụ ị, y'a ra lee ịhịan ẹnya ihun.

Matiu 22:17

Gwa nwan ẹnyi: O furughọ nị ẹnyi kụ eze-kanị wụ Siza ụgwọ-isi ra o furuni?”

Makị 12:13

Ya ndị-ndu nọ zi ụfọdụ ndị Itu-Farisi lẹ ndị itu Hẹrọdụ d'a chọ ihiẹn rị Jesu ọnụ, nị wẹ gi ẹ kwọndọn ẹ.

Makị 12:15

Kanị, Jesu a hụngụọ a nị wẹ gi ẹro bịa, ọ nọ sị wẹ, “Kị haịn ụnụ gi a kpọnị m ọnyan? Wẹhẹni ni m akpụrụ egho dinarịọsụ nị m hụn a.”

Makị 14:45

Ogẹn Judasị gi nwan bịa, ọ nọ jẹnburu Jizọsị, sị a, “Onyẹ-nkuzi!” O susu ẹ ọnụ.

Luku 20:22

Gwa ẹnyi, Iwu ẹnyi e kwerighọ nị ẹnyi kụ eze-kanị wụ Siza ụgwọ-isi ra o kwerini?”

Luku 23:2

Wẹ nọ kinmẹ, sị, “Ẹnyi nwụn okẹnnyẹni k'ọ rị e dufie ndị alị ẹnyi, a sị wẹ akụzịlẹ eze-kanị wụ Siza ụgwọ-isi, a kpọ enwẹn ẹ Kraịstị hụn wụ eze.”

Jọnụ 7:18

Onyẹ gi ikẹn ẹ e ku rị a chọ nị wẹ ja a mma; kanị onyẹ rị e mẹ nị wẹ ye onyẹ zin'ẹ ọghọ wụ onyẹ ezioku, ntụ arị imẹ ẹ.

Ndị Rom 13:6

Ya haịn ụnụ gizi a kụ ụgwọ-isi: makẹni ndị rị a kịnị wụ idibo Osolobuẹ hụn e gichanrịn ogẹn wẹ ile a kị.

Ndị Kọrẹntị Nke Ẹbụọ 2:17

Ẹnyi anọnị kẹ ndị bu ọda rị e ghoro oku-Chuku nọkẹ sị ibu-afịa rọ; kama, rịkẹ ndị rị imẹ Kraịstị, ẹnyi gi obi rị ọchan e ku kẹ ndị Chuku zi, ndị nọ idẹnya Chuku e ku.

Ndị Kọrẹntị Nke Ẹbụọ 2:2

Makẹni, m mẹ nwan ụnụ ihiẹn ụfụ, onyẹ k'e mẹzi ẹfọ sụọ m ụsụọ? Ụnụ m mẹgụ ihiẹn ụfụ?

Ndị Kọrẹntị Nke Ẹbụọ 4:1

Ebe o mẹ ni omikẹn Osolobuẹ kẹ ẹnyi gha nwọnhẹn ọrụnnị, ndụn ara gụ ẹnyi.

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Ndị Kọrẹntị Nke Ẹbụọ 5:16

Onwọnzini nwan onyẹ ẹnyi e gi ẹnya-ịhịan mmaka e lee. Ọsụọn'a nị ẹnyi te gi ẹnya-ịhịan mmaka e lee Kraịstị mbụ, ẹnyi ara gizi ẹnya-ịhịan mmaka e lee ẹ.

Ndị Galeshịa 1:10

M rịdẹ nwan a chọ nị ịhịan kuni m ọhụnma ra Osolobuẹ? Ra a chọmagụọ m nwan nị m mẹ n'ọ sụọ ịhịan? Omẹni echẹn kẹ m rị a chọ nị m mẹ n'ọ sụọ ịhịan, ya wụ nị ẹlẹ m igbọn Kraịstị.

Ndị Galeshịa 2:6

Ndị ahụn nọ kẹ sị wẹ wụ ndị-ndu enwọnni ihiẹn ọhụn wẹ bucheni m. Ihiẹn ọwụlẹ wẹ wụ enwọn ihiẹn ọ wụ ebe m rị, makẹni Osolobuẹ ara lee ịhịan ẹnya ihun.

Ditrọnọmi 16:19

Ahanjalẹ ni eṅẹn mọbụ gbeyeni ịhịan. Anakwọlẹ ni egho-azụụn, makẹni egho-azụụn e kpukin onyẹ marịn ihiẹn ẹnya, e mẹ onyẹ kụrụ ọtọ a fịhutọ oku onyẹ ezi-omumẹ.

Ndị Tẹsalonika Ibuzọ 2:4

Kanị, kẹ Osolobuẹ dọn weri ẹnyi kẹ ndị furu o gi e dọn ẹnya, bu ọrụn izi-oziọma che ẹnyi ẹka, ẹrịra kẹ ẹnyi e kuzi oku kẹ ndị furu wẹ gi e dọn ẹnya. Ẹnyi ara ku n'ọ sụọ ịhịan, kanị Osolobuẹ, Onyẹ hụn e lele obi ẹnyi.