Makị 11:18 - Ika

¹⁸ Ogẹn ndị-isi nchụn-ẹjan lẹ ndị-nkuzi Iwu gi nụ ihiẹnni, wẹ nọ chọma kẹ w'a dọn gbu Jesu makẹni egun ẹ rị a tụ wẹ ebe o mẹni nkuzi ẹ e werigụọ igunrun hụ ile.

Makị 11:18 ပူးပေါင်းရင်းမြစ်များ

Ndị-nze Nke Ibuzọ 21:20

Ya Ẹlaịja nọ jẹn d'e kunrun Ehabụ. Ehabụ a hụn Ẹlaịja, ọ nọ sị a, “Onyẹ-iwe m, y'a hụnzịkwọ m!” Ẹlaịja nọ sị a, “A hụngụọ m'ị, makẹni y'e buchanrịngụọ enwẹn i che imẹ ihiẹn rịlẹni mma ẹnya Osolobuẹ.

Ndị-nze Nke Ibuzọ 22:18

Ehabụ eze Izrẹlụ nọ sị Jehoshẹfatị, “A gwanị m'ị? O butunini m amụma rị mma, eje-ihiẹn sụọ.”

Ndị-nze Nke Ibuzọ 22:8

Eze Izrẹlụ nọ sị Jehoshẹfatị, “O nwọnghọ okẹnnyẹ ohu họdụnị hụn nkẹ ẹnyi a jụ uche Osolobuẹ; kanị ize ẹ e ze m makẹni o butunini m amụma rị mma, eje-ihiẹn eje-ihiẹn sụọ. Ẹfan a wụ Maịkaya nwa Imla.” Jehoshẹfatị nọ sị a, “Ekulẹ ẹrịra, eze.”

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Matiu 21:15

Kanị ogẹn ndị-isi nchụn-ẹjan lẹ ndị-nkuzi Iwu gi hụn ihiẹn ndị a tụ ẹnya ọ rị e mẹ, hụnzị kẹ ụmụ-ndu rị imẹ Ụlọ-nsọ rị e yi oro, a sị, “Ọjịja-mma ya rịnị nwa Defidi,” iwe nọ wemẹ wẹ.

Matiu 7:28

Ogẹn Jizọsị gi kugụ ihiẹn ndịnị, nkuzi ẹ nọ tụ igunrun hụ ile ẹnya.

Makị 1:22

Nkuzi ẹ nọ tụ ndị rị ebahụn ẹnya, makẹni ọ kuzi nọkẹ onyẹ oku rị ẹka ẹlẹ nọkẹ ndị-nkuzi Iwu.

Makị 11:32

Kanị ẹnyi asịkọkwọ, ‘Ọ gha ẹka ịhịan bịa.’ ” (Egun rị a tụ wẹ makẹni ịhịan ile marịn nị Jọnụ wụ onyẹ-amụma nke-esi.)

Makị 12:12

Ndị-ndu ndị Ju te nọ chọ nị wẹ nwụnrụn a, makẹni a ghọtagụọ wẹ nị uwẹ haịn o gi ta ilu hụ, kanị egun ndị rị ebahụn anịnị wẹ. Wẹ nọ la a tọ, gha ebahụn pụ.

Makị 3:6

Ndị Itu-Farisi nọ pụ, wẹ lẹ ndị itu Hẹrọdụ nọ zumẹ umẹ ozigbo kẹni wẹ gbu Jesu.

Makị 6:20

makẹni egun Jọnụ a tụ Hẹrọdụ atụ, Hẹrọdụ a marịnghọ nị Jọnụ wụ onyẹ ezi-omumẹ lẹ onyẹ rị nsọ; Hẹrọdụ anịnị wẹ gbu ẹ. Ọ sụọ Hẹrọdụ n'o gọn ntịn ihiẹn Jọnụ rị e ku ọsụọn'a n'o gbu ẹ mgbu obi ogẹn ọwụlẹ o gi nụ a.

Luku 19:47

Ụhụọhịn ile, Jizọsị hụ a kuzi imẹ Ụlọ-nsọ. Ndị-isi nchụn-ẹjan lẹ ndị-nkuzi Iwu lẹ ndị-isi ndị Ju hụ a chọ nị wẹ gbu ẹ,

Luku 2:47

Nghọta a lẹ azịza a a tụ ndị ile rị e gọn ẹ ntịn ẹnya.

Luku 20:19

Ya kẹ ndị-nkuzi Iwu lẹ ndị-isi nchụn-ẹjan nọ mẹ nị wẹ nwụnrụn Jesu ozigbo, makẹni a ghọtagụọ wẹ nị uwẹ k'ọ tụnị ilu hụ; kanị, egun igunrun ahụn anịnị wẹ.

Luku 4:22

Wẹ ile hụ e ku oku ẹ ọhụnma, oku-ọnụ a hụ a tụ wẹ ẹnya. Wẹ nọ sị, “Onyẹni ẹlẹ nwa Josẹfụ?”

Jọnụ 7:1

Omẹgụ, Jesu nọ jẹnhunmẹmẹ imẹ Galili. Ọ chọnị n'o jẹn Judia, makẹni ndị-ndu ndị Ju rị a chọ nị wẹ gbu ẹ.

Jọnụ 7:19

“Mozizi e yegụọnị ụnụ Iwu? Kanị onwọnni akpụ onyẹ ohu e dọnmẹ Iwu hụ imẹ ụnụ. Kị ụnụ rị a chọnị nị ụnụ gbu m?”

Jọnụ 7:46

Ndị ụlakpa Ụlọ-nsọ hụ nọ sị, “Onwọnni onyẹ kutu oku kẹ okẹnnyẹ hụ!”

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”