Makị 11:14 - Ika

¹⁴ Ọ nọ sị figi hụ, “Onwọnzini onyẹ k'a hụn mkpụrụ ị ri!” Ndị nsọnmazụụn a a nụghọ kẹ o ku ẹ.

Makị 11:14 ပူးပေါင်းရင်းမြစ်များ

Matiu 21:19

Ọ nọ hụn osisi figi mkpẹnrẹn ụzọ; o ru ukun ẹ, onwọnni ihiẹn ọ hụn elu ẹ mmanị ẹhụhụọ sụọ. Ọ nọ sị osisi hụ, “Amịzịlẹ mkpụrụ jẹnrin ejẹn.” Ya kẹ Osisi hụ nọ kpọpụ nkụn ozigbo.

Matiu 21:33

“Nụ nị ilu ọzọ: O nwọn onyẹ ohu nwọn alị, ọ nọ kụn a vaịnị, tụnhunmẹ ẹ mgbọn, guye ebe wẹ nọ a pịnpụha manya-vaịnị imẹ ugbo hụ, tụnzịkwọ ụlọ-nche ye ẹ, bu ẹ che ẹka ndị sikọ d'a gha a rụn a e-gbu-e-ke. Ọ nọ shi alị ọzọ.

Matiu 21:44

Onyẹ danye elu ọmụmanị jẹnkọ d'e tigungwọn, kanị ọ dankwasị ịhịan, o gwerinrin ẹ!”

Matiu 3:10

Anyụn rị nwan ukun osisi, e che: osisi ọwụlẹ mịlẹni ezigbo mkpụrụ, e gbutu w'ẹ tụye ọkụn.

Matiu 7:19

Osisi ọwụlẹ mịlẹni mkpụrụ rị mma, e gbutu wẹ ẹ tụye ọkụn.

Makị 11:13

O lecheni figi ẹhụhụọ jun elu ẹ, ọ nọ jẹn d'e lele kẹ mkpụrụ hụ a. Kanị, o ru ẹ, ọ nọ hụn a nị ẹhụhụọ sụọ rị elu ẹ, makẹni ogẹn figi eke ru.

Makị 11:15

Ogẹn wẹ gi ru Jerusalẹm, Jesu nọ shi imẹ Ụlọ-nsọ, chụpụma ndị rị a zụ afịa ebẹhụ — kẹ ndị rị e reni kẹ ndị rị e ṅọnni. Ọ nọ hukpumẹ teburu ndị a gbahutọ egho lẹ oche ndị rị e re oluikuku.

Jọnụ 15:6

Onyẹ nọdịlẹni imẹ m, e tuhu w'ẹ, nọkẹ ebe wẹ nọ bepụ agalaba, ọ kpọpụ nkụn; w'e kpọngbama agalaba ndị nọ ẹrịra, e kpọnye ọkụn, a dụnpụ.

Pita Nke Ẹbụọ 2:20

Ẹghẹẹ, makẹni, wẹ gigụ ịmarịn Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi wanahịngụ ihiẹn ndị e mẹrụ ịhịan ụwanị, nị a nịzị wẹ ihiẹn ndị hụ kịma wẹ, ọnọdị ikpanzụụn wẹ a kagụọ njọ karị nke ibuzọ.

Rẹvẹleshọnụ 22:11

Onyẹ e mẹ njọ ya mẹsọnmẹ; onyẹ e bi eje-obibi ya bisọnmẹ; onyẹ ezi-omumẹ ya mẹsọnmẹ; onyẹ rị nsọ ya rịsọnmẹ.”