Makị 11:13 - Ika

¹³ O lecheni figi ẹhụhụọ jun elu ẹ, ọ nọ jẹn d'e lele kẹ mkpụrụ hụ a. Kanị, o ru ẹ, ọ nọ hụn a nị ẹhụhụọ sụọ rị elu ẹ, makẹni ogẹn figi eke ru.

Makị 11:13 ပူးပေါင်းရင်းမြစ်များ

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Matiu 21:19

Ọ nọ hụn osisi figi mkpẹnrẹn ụzọ; o ru ukun ẹ, onwọnni ihiẹn ọ hụn elu ẹ mmanị ẹhụhụọ sụọ. Ọ nọ sị osisi hụ, “Amịzịlẹ mkpụrụ jẹnrin ejẹn.” Ya kẹ Osisi hụ nọ kpọpụ nkụn ozigbo.

Makị 11:12

Eki e fọn, ebe wẹ gha Bẹtani lala Jerusalẹm, ẹgụn hụ a gụn Jesu.

Makị 11:14

Ọ nọ sị figi hụ, “Onwọnzini onyẹ k'a hụn mkpụrụ ị ri!” Ndị nsọnmazụụn a a nụghọ kẹ o ku ẹ.

Luku 10:31

Ọ nọ nwan mẹ ni onyẹ nchụn-ẹjan ohu ghakọ ụzọ hụ; kanị, ọ hụn okẹnnyẹ hụ, ọ nọ ghakpẹn ẹ.

Rutu 2:3

Ya Rutu nọ jẹnmẹ. O ru ebe wẹ rị a ghọ ọka-bali, ọ nọ banye, ghọma ọka-bali ndị wẹ ghọghafesọnmẹ. Ọ nọ nwan mẹ ni ugbo Bụazị onyẹ ebọn Ẹlimẹlẹki k'ọ rị.

Samuẹlụ Nke Ibuzọ 6:9

Ka e lekwọ n'a: o dọn ihun ẹgbẹrẹ alị a, ibe Bẹt-Shẹmẹshi alị Izrẹlụ, ya wụ nị Osolobuẹ zihẹni ẹnyi okẹn nsọngbuni. Kanị omẹni o dọnni ihun ebẹhụ, ya wụ nị ẹlẹ Osolobuẹ ti ẹnyi ẹka, nị nsọngbuni bịa nke ẹ.”