Makị 10:52 - Ika

⁵² Jesu nọ sị a, “Jẹnmẹ, okukwe i a zụọgụọ ị.” Ya kẹ Batimịọsụ nọ leghama ụzọ ozigbo, ọ nọ sọnmẹ Jesu.

Makị 10:52 ပူးပေါင်းရင်းမြစ်များ

Ẹbụ-ọma 146:8

Osolobuẹ a shịapụ ẹnya ndị ishi. Osolobuẹ e weli ndị rị imẹ nsọngbu; ihiẹn ndị rị ọchan a sụọ Osolobuẹ a ụsụọ.

Ẹbụ-ọma 33:9

Makẹni oku k'o kuhụ, ụwa nọ rị; ọ sị a hụ pụha, ọ nọ pụha.

Azaya 35:5

Ogẹn hụ ẹnya onyẹ-isi k'a shịapụ, ntịn-okin a nụma ihiẹn.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 12:22

Ya wẹ nọ wẹhẹn'ẹ onyẹ eje-mmọn rị imẹ ẹ, hụn o mẹni ara legha ụzọ, ara ku oku. Ọ nọ zụọ a, onyẹ ẹnya-mpịn hụ, hụn wụ odin nọ kumẹ oku, leghama ụzọ.

Matiu 15:28

Ya Jizọsị nọ yi, “Euu okpoho, y'e nwọnkẹ okukwe! Ihiẹn i chọ ya ru i ẹka.” Ya kẹ nwa a hụ nọ dịnhịn ozigbo.

Matiu 21:14

Ndị ẹnya-ishi lẹ ndị ngụrọ a bịa d'e kunrun ẹ imẹ Ụlọ-nsọ, ọ nọ zụọ wẹ.

Matiu 8:3

Jesu nọ tịnpụ ẹka, mẹtụ a, sị, “A chọghọ m; dịnhịn nwan n'ị wụbehi onyẹ rụnị.” Oti hụ nọ la ozigbo, ọ nọ wụbehi onyẹ rụnị.

Matiu 9:22

Jizọsị nọ gbehutọ, hụn a, sị a, “Atụlẹ egun nwa m, okukwe i a zụọlẹ i.” Ya kẹ okpoho hụ nọ dịnhịn ozigbo.

Makị 1:31

Jizọsị nọ jẹn d'e kunrun ẹ, kwọndọn ẹka a, weli ẹ elu; ẹhụ ọkụn hụ nọ hapụ a. Ya k'ọ nọ lemẹ Jizọsị wẹ ọbịa.

Makị 5:34

Jesu nọ sị a, “Nwa m, okukwe i a zụọgụọ ị; lama, ihiẹn emẹ i; dịnhịnchanrịn emu i.”

Makị 8:25

Ya Jizọsị nọ buzi ẹka che ẹ ẹnya; o lee ẹnya ọhụnma-ọhụnma, ọ nọ leghamazị ụzọ, leghama ihiẹn ile ọhụnma.

Luku 7:50

Jesu nọzị sị okpoho hụ, “Okukwe i a zụọgụọ ị. Lama, ihiẹn emẹ i.”

Luku 9:48

ọ nọ sị wẹ, “Onyẹ gi ufiri ẹfan m nabanhan nwata nọ ẹnịna, mmẹ k'ọ nabanhan; onyẹ nabanhannị m nabanhan onyẹ zini m. Ya wụ, onyẹ hụn kachanrịn ẹkẹrẹ imẹ ụnụ ile, ịya wụ onyẹ hụn kachanrịnnị.”

Jọnụ 9:32

Kete ụwa e bidọnlẹ, ẹnyi anụtuni nị wẹ shịapụ ẹnya onyẹ wẹ mụ ẹnya-ishi.

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’