Maịka 7:8 - Ika

⁸ Onyẹ iwe, amụlẹ m ẹmụ, makẹni, ọsụọn'a nị m dan adan, m k'e lihizi; ọsụọn'a nị m rị imẹ ishi, Osolobuẹ jẹnkọ d'a wụrụnị m ukpẹ.

Maịka 7:8 ပူးပေါင်းရင်းမြစ်များ

Jobu 31:29

Omẹkwọnị a ghọghọghọ m makẹni eje-ihiẹn kunrun eṅẹnrẹn m mọbụ ṅan makẹni nsọngbu bịan'a —

Ẹbụ-ọma 112:4

Ukpẹ e nwunni ndị kụrụ ọtọ imẹ ishi, ndị hụn e mẹ omikẹn lẹ ẹfọma, ndị e mẹ ihiẹn furuni.

Ẹbụ-ọma 143:3

Eṅẹnrẹn m rị a chụ m; ọ zọkpụkpọgụọ ndụn m tọ alị; o mẹ m e bi ebe gba ishi nọkẹ ndị nwụnhụngụ kete-kete.

Ẹbụ-ọma 20:8

Wẹ k'a sọhị, dan, ẹnyi nwẹn k'e lihi, turu ọhụnma-ọhụnma.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 35:19

Anịkwọlẹ ndịnị mụ m ẹmụ, ndịnị rị e we iwe m bụ onwọnni ihiẹn m mẹ wẹ; anịlẹ ndịnị ize m rị e ze kanị onwọnni ihiẹn m mẹ wẹ gi iwe m rị e weni wẹ gbumẹ ibe wẹ ikpu-ẹnya.

Ẹbụ-ọma 37:21

Ndị-njọ e zinrin bụ w'a ra kụ, kanị ezigbo ịhịan a ha ẹka.

Ẹbụ-ọma 37:24

ọ sụọn'a nị ọ kpọgburu akpọgburu, ọ dankọ, makẹni Osolobuẹ e gi ẹka a a ghọdọn ẹ.

Ẹbụ-ọma 38:16

Makẹni a sịgụọ m, “Anịlẹ ndịnị mụ m ẹmụ, ndịnị a ghọghọ nị ụkụ m e kpori.”

Ẹbụ-ọma 84:11

Makẹni, Osolobuẹ wụ Chuku ẹnyi wụ ẹnyanwụn lẹ akpaịn, ara gi ihiẹn ọwụlẹ rị mma jọ ndị obibi wẹ kụrụ ọtọ ẹfọ.

Ẹbụ-ọma 97:11

Ukpẹ e nwunkpu ndị ezi-omumẹ; ịghọghọ a bịanị ndị obi wẹ kụrụ ọtọ.

Azaya 2:5

Izrẹlụ wụ ikpụlọ Jekọpụ, nị ẹnyi gi ni ukpẹ Osolobuẹ e bi.

Azaya 49:9

kẹni i sị ndị wẹ gi, ‘Pụha nị,’ sị ndị rị imẹ ishi, ‘Weri ni enwẹn ụnụ!’ Wẹ k'a rị a nọdẹ mkpẹnrẹn ụzọ e ri ihiẹn-oriri, a hụn ezigbo ẹfịfịa anụ e ri elu òke te kpọpụ nkụn.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 9:2

ndị hụn rị a gha imẹ ishi k'a hụn okẹn ukpẹ; ukpẹ k'e nwunkpu ndị bi alị onyinyọn ọnwụn.

Jerimaya 48:27

Ụnụ ndị Mụabụ amụgụọnị Izrẹlụ ẹmụ k'ọ dan? Izrẹlụ zundẹ nwan ohin ra? Kị ụnụ e finfinni isi a mụ ẹmụ ogẹn ile ụnụ gi e ku oku ẹ?

Jerimaya 50:11

“Makẹni, elu hụ a sụọ ụnụ ụsụọ, ụnụ hụ a ghọghọ ụnụ hụn rị a kwanarịn ndị nke m ihiẹn wẹ. Makẹni ụnụ hụ a tụhunmẹ kẹ nwa-efin rị a zọkpọ ọka, e yi oro a zụnhunmẹ kẹ okẹn-ẹshin ndị kin akwanran.

Jerimaya 8:4

“Sị wẹ, ‘Osolobuẹ sị: Ẹlẹ ịhịan dan ẹkpẹn, o lihi ọtọ? Ẹlẹ ịhịan fie ụzọ, o kin azụụn?

Izikẹlụ 25:6

“ ‘Osolobuẹ Nwọn Ihiẹn Ile sị: Ufiri ẹka ụnụ kpọ ogẹn eje-ihiẹn gi kunrun alị Izrẹlụ, ya lẹ egu ụnụ tẹn ogẹn hụ, a ghọghọ, a mụ wẹ ẹmụ,

Izikẹlụ 35:15

Ọghọghọ hụn ị ghọghọ nị e tikpọgụọ wẹ ukuu alị Izrẹlụ la iwi kẹ m'e gi sọn i: Ịyụ wụ Ugu Sẹẹ lẹ alị ụnụ ile wụ Ẹdọm k'a gba okpokoro, o k'a gbachanrịn okpokoro! Ogẹn ahụn kẹ w'e gi marịn nị mmẹ wụ Osolobuẹ.’ ”

Izikẹlụ 36:5

Osolobuẹ Nwọn Ihiẹn Ile sị: E gigụọ m okẹn olulu m lẹ ẹnya rị a fụnị m ku ihiẹn m k'e mẹ alị ndị ọzọ lẹ Ẹdọm ile, ndị rị e mẹ alị m lekẹsị nke wẹ rọ, ọ hụ a sụọ wẹ, lelịa Izrẹlụ, e weri ọfịa ndị wẹ nọ a zụn anụ rịn'a.”

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Obadaya 1:12

Ụnụ eke mụ umunẹ ụnụ ẹmụ ogẹn hụ eje-ihiẹn gi kunrun wẹ; ụnụ eke gi ihiẹn mẹ ndị Juda ghọghọ ogẹn wẹ gi tikpọ wẹ; ụnụ eke nyannị wẹ isi ogẹn ahụn wẹ gi rị eje-ọnọdị.

Maịka 4:10

A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Maịka 7:10

Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Jọnụ 16:20

M rị a gwa ụnụ ezioku nị ụnụ k'a gha a kwan, e goo, ụwa nkẹ hụ a ghọghọ; ụnụ k'a sụkụrụ (gbusuru) kanị, o nọbe, ịghọghọ a nọkin ẹnya ẹkwan hụ.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Kọrẹntị Nke Ẹbụọ 4:9

wẹ hụ e kpokposọnmẹ ẹnyi, kanị Osolobuẹ ajụkwọnị ẹnyi tọ; w'a kụtu ẹnyi, kanị ẹnyi ara nwụnhụn.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.