Maịka 7:3 - Ika

³ Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.

Maịka 7:3 ပူးပေါင်းရင်းမြစ်များ

Itẹn 16:30

Onyẹ hụn e gbu ikpu-ẹnya rị a chọ n'o mẹ ihiẹn rịlẹni mma; onyẹ hụn tụtụma ọnụ a kwademẹgụọ n'o mẹ eje-ihiẹn.

Itẹn 17:23

Onyẹ eje-omumẹ a narịn ihiẹn nzuzue, kẹn'o bu ezioku isi kpọma alị.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 26:21

Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.

Azaya 3:5

Ịhịan k'a rị e mẹja ibe wẹ: okẹnnyẹ hụ e mẹja okẹnnyẹ ibe ẹ, onyẹ ọwụlẹ hụ e mẹja ibe ẹ. Ikoro k'a kpari ndị ẹgẹdi, ndị mmaka a kpari ndị w'a gbaye.

Azaya 32:7

O mẹ nke eje-ịhịan, eje-ihiẹn rị a ẹka ogẹn ile; o ropụha eje-ihiẹn — hụn wẹ gi e kingbu ogbẹnnyẹ imẹ ọgwa, ọsụọn'a nị ogbẹnnyẹ te k'e ri eṅẹn.

Azaya 5:23

hụn a narịn ọgị-azụụn a hatu onyẹ ikpe ma, a hangbu onyẹ ẹka a rị ọchan eṅẹn.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Izikẹlụ 22:6

“Lee ndị-isi Izrẹlụ, onyẹ-onyẹ imẹ wẹ hụ e gi ọkwa a a kpa ikẹn imẹ i, e gbu ịhịan.

Izikẹlụ 34:21

Makẹni ụnụ gi ẹkụnkụn lẹ uvun e nu ibe ụnụ, a sụn ibe ụnụ ndụn rịlẹni mpịn, d'e runi ụnụ a chụpụ wẹ,

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Hosia 4:18

“Wẹ ragụ manya ahụn w'a ra, e shi wẹ d'e bumẹ ịgbaraja; ihiẹn ifẹnrẹn wẹ rị e mẹ hụ a sụọgbu wẹ;

Hosia 7:3

“E gi wẹ ẹro wẹ mẹ ẹfọ sụọma eze ụsụọ, gi aghịghọ mẹ ẹfọ sụọma ndị-isi ụsụọ.

Emọsụ 5:12

makẹni a marịnghọ m isi ile ụnụ rị e nupụ lẹ okẹn njọ ụnụ rị e mẹ — kẹ ụnụ dọn e mẹshi ndị ezi-omumẹ ikẹn, a narịn egho-azụụn, a napụ ndị ẹka-rulẹni ihiẹn runi wẹ ọgwa.

Maịka 2:8

Ikpanzụụnnị, ụnụ rị e mẹ ndị nke m kẹ eṅẹnrẹn: a napụ ịhịan ẹwuru o yi ẹhụ, nwa ịhịan ghafekọ nke ẹ rịlẹni e ro oku, nọkẹ ndị gha agha lala.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 3:2

Ụnụ ndị ihiẹn rị mma e ze ize, eje-ihiẹn a sụọ ụsụọ. Ụnụ hụ a gba ndị nke m akpụkpọ ebe wẹ rị ndụn, a han wẹ ọkpụkpụ;

Matiu 26:15

sị wẹ, “Kị ụnụ k'e ye m nị m we Jizọsị che ụnụ ẹka? Wẹ nọ kụ a egho ọrụn akpọhịn iri-kwasị-ọgụn.”

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.