Maịka 7:19 - Ika

¹⁹ O jẹnkọ d'e mẹzi omikẹn ẹnyi; o jẹnkọ d'a zọ njọ ẹnyi ụkụ. O k'a ma njọ ile ndị nke ẹ mẹ ye imẹ-imẹ ohimin.

Maịka 7:19 ပူးပေါင်းရင်းမြစ်များ

Samuẹlụ Nke Ẹbụọ 24:14

Defidi nọ sị Gadị, “Ezigbo nsọngbu kẹ m rị imẹ ẹ. Nị ẹnyi danban nwan ẹka Osolobuẹ, makẹni omikẹn ẹ e hikẹ ogbe; ka anịlẹ m danban ẹka ịhịan.”

Ẹbụ-ọma 103:12

Kẹ ọwụwa ẹnyanwụn tehan ebe ọdịdan ẹnyanwụn rị, ẹrịra k'o wetehan njọ ẹnyi.

Ẹbụ-ọma 130:8

Ịya jẹnkọ d'a gbapụha Izrẹlụ imẹ njọ a ile.

Ẹbụ-ọma 85:3

Ị nọ bubehini wẹ olulu, latọ okẹn ọnụma i te gi sọn wẹ.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 38:17

Eziẹ, erere m rọ nị ẹnya hụn m ihiẹn ọ hụn m. Makẹ ufiri ihiẹn-ọsụsụọ ị y'a nịnị m danye olu ntikpọ ahụn; y'e nugụọ njọ m ile ye azụụn ị —

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 33:8

M k'a chanchanpụchanrịn wẹ njọ ile wẹ mẹ m, gbagharị wẹ njọ ile wẹ mẹ m ghahanị inupụ isi.

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Ẹkwan 3:22

ihiẹn-ọsụsụọ Osolobuẹ haịn wẹ gilẹni gbuchanrịn ẹnyi, makẹni omikẹn ẹ ara gụ.

Ẹkwan 3:32

Ọsụọn'a n'o wẹhẹ ihiẹn-ẹkwan, o sikọ d'e mẹzi omikẹn — makẹni ihiẹn-ọsụsụọ a e hikẹ ogbe.

Izikẹlụ 18:22

Njọ hụ ile o mẹ mbụ, onwọnni hụn m k'a nyanhan mọbụ gi ẹ sọn ẹ. O k'a rị ndụn makẹni ọ rị nwan e mẹ ihiẹn furuni.

Izikẹlụ 39:29

Ebupụkọzị m wẹ ihun ogẹn ahụn, makẹni m k'e hu Mmọn m kpu wẹ wụ ebọn Izrẹlụ. Ya kẹ Osolobuẹ Nwọn Ihiẹn Ile ku.”

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Zẹkaraya 3:4

Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.”

Ndị Rom 6:14

Ẹghẹẹ, njọ akịkọ ụnụ, makẹni ụnụ arịzị okpuru iwu, kanị okpuru ẹfọma.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ditrọnọmi 30:3

Osolobuẹ wụ Chuku ụnụ sikọ d'e mẹ ndị gini ụnụ hatu ụnụ, mẹ omikẹn ụnụ, gha alị ndị ọzọ ile ọ kpụnshi ụnụ welụa ụnụ.

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 8:12

Makẹni, m k'e mẹ omikẹn gbagharị wẹ njọ wẹ; anyanhankọzị m njọ ndị wẹ mẹ.’ ”

Jọnụ Ibuzọ 3:8

Onyẹ e mẹ njọ wụ nke Ekwensụ, makẹni Ekwensụ gha alị mẹla njọ. Ịya haịn Nwa Osolobuẹ gi bịa — kẹni o tikpọ ọrụn Ekwensụ.