Maịka 7:18 - Ika

¹⁸ Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Maịka 7:18 ပူးပေါင်းရင်းမြစ်များ

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Ndị-nze Nke Ibuzọ 8:23

sị: “Euu Osolobuẹ, Chuku Izrẹlụ, onwọnni Chuku nọ kẹ yụ, kẹ imẹ elu elu-igwere kẹ alị imẹ ụwa — ịyụ hụn e gisọnmẹ ihiẹn-ọsụsụọ i kwe nkwa a e sọn idibo i ndị gi obi wẹ ile e sọn ụzọ ị:

Ihiẹn Mẹni Nke Ẹbụọ 30:9

Ụnụ rogharị femẹzi Osolobuẹ, ndị nwụnrụn umunẹ ụnụ lẹ ụmụ ụnụ k'e mẹni wẹ omikẹn, a nị wẹ wẹ lụakinhẹn alịnị, makẹni Osolobuẹ wụ Chuku ụnụ wụ onyẹ ẹfọma lẹ onyẹ omikẹn. O bupụkọ ụnụ ihun, omẹni ụnụ e rogharị femẹzi ẹ.”

Ihiẹn Mẹni Nke Ẹbụọ 6:21

Gọn ntịn arịrịọ odibo i lẹ ndị nke i wụ Izrẹlụ ogẹn ọwụlẹ wẹ bu ihun zinmẹ ebeni rịọ; gha elu-igwee, ebe obibi i, nụ a; ị nụ a, y'a gbagharị.

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Ẹbụ-ọma 103:13

Kẹ nẹdi dọn e mẹni ụmụ a omikẹn, ẹrịra kẹ Osolobuẹ dọn e mẹ omikẹn ndị a gbayen'ẹ.

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 35:10

Ihiẹn ile rị imẹ m jẹnkọ d'e yi, “Onyẹ nọ kẹ yụ wụ Osolobuẹ?! Y'a gbapụha ndị wẹ rị a bịangbu ẹka ndị rị a bịangbuni wẹ, a zụọpụha ndị wẹ rị e mẹgbu lẹ ndị wẹ rị e sọngbu ẹka ndị rị e mẹgbuni wẹ.”

Ẹbụ-ọma 65:3

Njọ ẹnyi gbumẹ ẹnyi, y'a gbagharị ẹnyi agbagharị.

Ẹbụ-ọma 65:4

Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị.

Ẹbụ-ọma 71:19

Chuku, ezi-omumẹ i jẹnkarị igwere elu! Y'e mẹ okẹn-ihiẹn! Chuku, onyẹ nọ kẹ yụ?!

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ-ọma 89:8

Osolobuẹ, Chuku ihiẹn ile rị okpuru ẹ, onyẹ wụ dikẹn lekẹ yụ, Osolobuẹ? Ọ pụhachanrịn ifọn azụụn ile n'ị wụ Onyẹ wẹ gi e dọn ẹnya.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 34:9

sị, “Euu Di-nwọnni ẹnyi, omẹni ihiẹn m a sụọghọ ị, dodo Di-nwọnni ẹnyi, sọnjẹn ẹnyi nwan. Ezioku-ezioku ndịnị wụ ndị isi-akwanran, ka gbagharị ẹnyi eje-ihiẹn lẹ njọ ẹnyi mẹ, y'e weri ẹnyi nọkẹ ndị nke i.”

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 38:17

Eziẹ, erere m rọ nị ẹnya hụn m ihiẹn ọ hụn m. Makẹ ufiri ihiẹn-ọsụsụọ ị y'a nịnị m danye olu ntikpọ ahụn; y'e nugụọ njọ m ile ye azụụn ị —

Azaya 40:18

Onyẹ kẹ ụnụ e gi nwan jeni Chuku? Kịnị kẹ ụnụ k'a sị nị ịya k'o yi?

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 57:10

Ijẹnni i rị e jẹn e te rọgụọ ị ẹhụ, kanị y'e kwerini sị, ‘Ihiẹn nwọnlẹni isi rọ.’ Ị hụ a hụn ihiẹn ị gi a kasị enwẹn i obi, ya haịn i gilẹni sọhị.

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 62:5

Kẹ okorọbịa e mẹ nwagbọọ ọ rị a lụ, ẹrịra kẹ mmụ ị ikẹnnyẹ k'a dọn mẹ i; kẹ obi dọn a sụọ okẹnnyẹ rị a gba ẹhụhụọ ụsụọ makẹ nwunyẹ ẹ, ẹrịra kẹ obi k'a gha a sụọ Chuku i ụsụọ makẹ yụ.

Azaya 64:9

Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ.

Azaya 65:19

M k'e gi Jerusalẹm ghọghọ, ndị nke m k'a gha a sụọ m. Anụkọzị wẹ ẹkwan mọbụ ịkwan-ụya imẹ ẹ.

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Jerimaya 33:8

M k'a chanchanpụchanrịn wẹ njọ ile wẹ mẹ m, gbagharị wẹ njọ ile wẹ mẹ m ghahanị inupụ isi.

Jerimaya 38:8

Ẹbẹdi-Mẹlẹkị nọ gha obi-eze jẹnburu eze ebẹhụ ọ rị, sị a,

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Jerimaya 9:24

onyẹ k'a nyan isi ya gi ọnwan nyan isi: n'ọ marịnghọ m lẹni ọ ghọtaghọ m — nị m wụ Osolobuẹ, onyẹ hụn e gi ẹfọma lẹ ezioku lẹ ezi-omumẹ e mẹ ihiẹn elu-ụwa, makẹni uwẹ nwọn a sụọ m.” Ya kẹ Osolobuẹ ku.

Izikẹlụ 18:23

Ọ sụọdẹ m nwan a sụọ nị onyẹ njọ nwụn anwụn ra? Ẹlẹ o bihutọ ẹka, rị ndụn, kẹ ẹfọ nọ a sụọ m ụsụọ? Ya kẹ Osolobuẹ Nwọn Ihiẹn Ile ku.

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 33:16

Onwọnni njọ a wẹ k'a nyanhann'a. O mẹgụọ ihiẹn furuni, mẹ ihiẹn rị mma; o k'a rịrịrị ndụn.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Hosia 14:5

M k'a rị kẹ igirigi ebe ndị Izrẹlụ rị, e sue wẹ, e gbuke kẹ obobo; wẹ k'a gba mkpọgụn kẹ osisi rị ẹgboko alị Lẹbanọnụ.

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Emọsụ 1:11

Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Emọsụ 7:8

Osolobuẹ nọ sị m, “Emọsụ, k'ị rị a hụn?” M nọ sị, “Plọmụ wẹ gi e lele kẹ ẹhụ-ụlọ e zinghọ.” Ya kẹ Osolobuẹ nọ sị, “Lee ẹ: m rị e bu plọmụ wẹ gi e lele ẹhụ-ụlọ e che imẹ igunrun ndị nke m, ndị Izrẹlụ; agbakọzị m wẹ nkịtịn:

Emọsụ 8:2

Ọ nọ sị, “Emọsụ, kị ị rị a hụn?” M nọ sị, “Mkpụrụ osisi channị hụn rị imẹ ụkpalị.” Ya kẹ Osolobuẹ nọ sị m, “Gi ẹ marịn nị ọgụgụ e kunrunọlẹ ndị nke m ndị Izrẹlụ: ahatukọzị m wẹ, m k'e yerịrị wẹ afụnfụn njọ wẹ.

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Maịka 7:14

Osolobuẹ dodo, gi ọkpọ ị du ndị nke i, atụnrụn ị hụn wẹ sụọ bi imẹ ọfịa, ọsụọn'a nị wẹ rị adamada ogige mẹ wokowoko. Dodo nịzị wẹ kpa nni imẹ Bashanị lẹ Gilẹdị kẹ wẹ e mẹ mbụ-mbụ.

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Ọgụngụn 23:21

Onwọnni eje-isi wẹ hụn ebọn Jekọpụ ẹhụ; onwọnni ụya wẹ hụn Izrẹlụ ẹhụ. Osolobuẹ wụ Chuku wẹ nọyeni wẹ anọyeni; Eze e yiọlẹ oro n'ọ hụ imẹ igunrun wẹ!

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Ndị Rom 11:4

Kanị, kị Osolobuẹ za a? Osolobuẹ sị a, “E butọgụọnị m enwẹn m mmadụ nnụ-uku ẹsa (7,000) hụn gbutulẹnini mmọn hụ wụ Baalụ osekpu.”

Ditrọnọmi 33:26

Onwọnni onyẹ rịkẹ Chuku Jẹshurunu, Chuku Izrẹlụ, hụn e nyinhẹn orukpu igwere rịkẹ ẹshin d'e yeni ụnụ ẹka, onyẹ hụn ikpẹn eze jun ẹhụ k'o nyinla orukpu.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.