Maịka 7:14 - Ika

¹⁴ Osolobuẹ dodo, gi ọkpọ ị du ndị nke i, atụnrụn ị hụn wẹ sụọ bi imẹ ọfịa, ọsụọn'a nị wẹ rị adamada ogige mẹ wokowoko. Dodo nịzị wẹ kpa nni imẹ Bashanị lẹ Gilẹdị kẹ wẹ e mẹ mbụ-mbụ.

Maịka 7:14 ပူးပေါင်းရင်းမြစ်များ

Ẹbụ-ọma 100:3

Marịn nị nị Osolobuẹ wụ Chuku. Ịya ke ẹnyi; ịya nwọn ẹnyi; ndị nke ẹ kẹ ẹnyi wụ, lẹ atụnrụn ọ rị a zụn.

Ẹbụ-ọma 143:5

M hụ a nyanhan mbụ-mbụ; m hụ e ro ihiẹn ile i rụn, e ro ihiẹn ẹka ị rụn.

Ẹbụ-ọma 28:9

Dodo, Zụọpụha ndị nke i, y'a gọzi ukuu i; Du wẹ kẹ anụ ị, pa wẹ jẹnrin ejẹn.

Ẹbụ-ọma 95:7

Makẹni, ịya wụ Chuku ẹnyi; ẹnyi wụ ndị ọ rị a zụn, atụnrụn ndị hụn ọ rị e du. Ụnụ nụ olu ẹ tannị,

Ọpụpụ 33:16

Nanị kẹ w'a dọn marịn nị ihiẹn mmẹ lẹ ndị nke i a sụọghọ ị mmanị yụ lẹ enwẹn i sọnjẹn ẹnyi? Kị mmẹ lẹ ndị nke i gizi nwan rị ichẹn ebe ndị ọzọ ile rị enu-ụwa rị?”

Ẹbụ Solomọnụ 4:1

Obi-m, y'a maka mma! Y'a makẹnmẹkẹ mma! Ẹnya ị nọ kẹ nduru imẹ ihiẹn hụ i gi kpumẹ ihun. Ntutu i nọ kẹ igunrun ewu rị a kpọtu Ugu Gilẹdị.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 37:24

Y'e gigụọ ndị hụn i zihẹ kpari Osolobuẹ ọda-ọda; y'a nyangụọ isi, sị, ‘E gigụọ m ụgbọ-ẹshin m bu ọda ru mkpọnụnụ ugu rudẹ mkpọnụnụ ugu ndị ka ugu imẹ Lẹbanọnụ; e gbutugụọ m osisi sida ndị kachanrịn usue ebẹhụ, gbutuzikwọ paịnị ndị ka mma ebẹhụ. E rugụọdẹ m ugu ndị hụn kachanrịn e te rịn'a lẹ ebe ẹgboko ẹ nọ kachanrịn mma.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Jerimaya 49:31

Osolobuẹ sị a, “D'a lụsọn nị alị hụ agha; alị hụ ẹhụ fu nwọnlẹni nsọngbu, enwọn wẹ mgbọn; w'a ra kpọkin ọnụ-mgbọn; uwẹ sụọ bi.

Ẹkwan 1:7

Hụnnị Jerusalẹm rị a hụnjun ẹnya, a wahunmẹ, ọ hụ a nyanhan ihiẹn ile rị mkpa hụn o nwọn ogẹn mbụ. Ogẹn ndị nke ẹ gi danban ẹka eṅẹnrẹn, onwọnni onyẹ yen'ẹ ẹka. Ndị-iṅẹnrẹn ẹ e legụ a, wẹ nọ mụ a ẹmụ otikpọ wẹ tikpọ a.

Ẹkwan 5:21

Euu Osolobuẹ, dodo, wekinhẹn ẹnyi ebe ị rị, kẹni ẹnyi rịzị ebe ẹnyi rị; mẹ n'ọ rịzịnị ẹnyi mma k'ọ rị mbụ —

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Lẹvitikọsụ 27:32

Ohu imẹ iri imẹ efin ile lẹ atụnrụn ile ịhịan nwọn, anụ ọwụlẹ pụha ube iri ebe onyẹ ndu anụ nọ a gụn anụ a, k'a rịchanrịn nsọ, wụrụchanrịn nke Osolobuẹ.

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Obadaya 1:19

Ndị Izrẹlụ bi ẹbamịn-ndịdan wụ Nẹgẹvụ k'e weri ugu ahụn ụmụ Isọ bi; ndị bi Shẹfẹla — ẹbamịn ọdịdan-ẹnyanwụn k'e weri alị ndị Filistia; werizidẹ alị Ifrem lẹ Sameria; ebọn Bẹnjamini jẹnkọ d'e weri ẹgbẹrẹ Gilẹdị.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Zẹkaraya 10:10

M k'a gha alị Ijiptu welụa wẹ ụlọ, e kpọnlụazị m ndị rị alị Asiria. M k'e welụa wẹ, we wẹ chekwọrị ẹgbẹrẹ Gilẹdị lẹ Lẹbanọnụ; alị wẹ ezukọdẹ wẹ bi!

Zẹkaraya 11:7

Ya kẹ m nọ dumẹni ndị afịa atụnrụn atụnrụn wẹ jẹnkọ d'e gbu, atụnrụn nwọnlẹni onyẹ wẹ rị mkpa. M nọ weri ọkpọ ẹbụọ m gi a kị wẹ: a kpọ m ohu “Ẹfọma”, kpọ hụn-ẹbọ “Ịrị-ohu”. M nọ dumẹ atụnrụn ndị ahụn.

Malakaị 3:4

Ogẹn ahụn, Osolobuẹ a narịnmazị oyiye ndị Juda lẹ Jerusalẹm k'o dọn e mẹ mbụ.

Ọgụngụn 23:9

“M rị ugu ndịnị mẹ ọmụma-ọmụma e legha wẹ; m rị ebeni jẹn elu e lecheni wẹ. M rị a hụn ndị nọdị nke wẹ, ndị sị nị wẹ lẹ alị ndị ọzọ ẹlẹ ohu.

Ọgụngụn 32:1

Ebọn Rubẹni lẹ ebọn Gadị nwọn efin lẹ atụnrụn lẹ ewu ọda-ọda. Ogẹn wẹ gi hụn nị alị Jaza lẹ Gilẹdị a rịka mma w'a nọ kpa anụ,

Ọgụngụn 32:4

hụn rịsọnmẹ alịnị Osolobuẹ mẹrini ẹnyi wụ ndị Izrẹlụ arịka mma wẹ a nọ kpa anụ, bụ ẹnyi ụmụ ị e nwọnghọ anụ.

Matiu 2:6

‘Bẹtilẹhẹm hụn rị imẹ Juda, ẹlẹ yụ kachanrịn ntịn imẹ obodo ndị rị a kị Juda; makẹni onyẹ-ọkịkị jẹnkọ d'a gha imẹ i pụha, hụn k'a kị ndị nke m wụ Izrẹlụ.’ ”

Jọnụ 17:16

Ẹlẹ wẹ nke ụwa — nọkẹ kẹ o dọn mẹ ni mmẹ nwẹn ẹlẹ nke ụwa.

Ditrọnọmi 33:28

Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.