Maịka 7:10 - Ika

¹⁰ Ogẹn hụ, eṅẹnrẹn m a hụn a, ifẹnrẹn e mẹgbu ẹ onyẹ nwẹn te sị m “Elebe Osolobuẹ wụ Chuku i rị nwan?!” Ẹnya m k'a hụn k'ọ dan; o họnrin ihiẹn w'a zọ ụkụ nọkẹ ịkpọtọ rị ụzọ.

Maịka 7:10 ပူးပေါင်းရင်းမြစ်များ

Samuẹlụ Nke Ẹbụọ 22:43

E gweriẹn m wẹ kẹ uzunzun rị alị; a sụ m wẹ, a zọ m wẹ ụkụ kẹ w'a zọ ịkpọtọ rị ogbe.

Ẹbụ-ọma 109:29

Ifẹnrẹn ya kpumẹ ndị rị e buokin m ọnụ kpumẹ wẹ nọkẹ ẹkwa, ezigbo ifẹnrẹn ya kpumẹchanrịn wẹ rịkẹ ẹwuru tueru alị!

Ẹbụ-ọma 115:2

Kịnị kẹ ndị alị ọzọ k'a jụma, “Elebe Chuku wẹ rị nwan?”

Ẹbụ-ọma 18:42

E gweriẹn m wẹ, e họnrin wẹ uzunzun ufere bukọ; e hupụ m wẹ kẹ ẹpẹtẹ.

Ẹbụ-ọma 35:26

Ndị ile gi nsọngbu m a mụ m ẹmụ ifẹnrẹn ya mẹ wẹ; w'a marịnzịlẹ hụn w'e mẹ. Ndị ile rị a nyannị m isi, wẹ jeri ụya lẹ ịfa kẹ ẹkwa.

Ẹbụ-ọma 42:10

Ẹmụ ndị iṅẹnrẹn m rị a mụ m hụ a fụru m ọkpụkpụ; wẹ hụ a jụ m, “Elebe kẹ Chuku i rị?”

Ẹbụ-ọma 42:3

M hụ a kwangbu enwẹn m, ụtụntụn lẹ ẹnyasị; wẹ hụ a jụ m ogẹn ile, “Elebe kẹ Chuku i rị?”

Ẹbụ-ọma 58:10

Ndị ezi-omumẹ k'a ghọghọ n'a hụngụọ wẹ mmẹgwarị Chuku mẹgwarị wẹ; wẹ k'a nọ imẹ ẹdeke ndị-njọ chan ụkụ!

Ẹbụ-ọma 79:10

Kị alị ndị ọzọ k'a jụnị ẹnyi, “Elebe Chuku ụnụ rị?” Dodo, gbugwarị wẹ ogbugbu wẹ gbu idibo i, gbugwarị wẹ hụn alị ndị ọzọ k'a nụ ukwere ẹ; gbugwarị wẹ nị ẹnyi gi ẹnya ẹnyi hụn a!

Ẹbụ-ọma 92:12

Ndị ezi-omumẹ k'e sue kẹ nkụ; wẹ k'e sue kẹ okẹn-osisi sida rị alị Lẹbanọnụ.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 41:25

A kpọligụọ m onyẹ ohu rị ẹbamịn-ugu; ọ lala, onyẹ ohu hụn rị ẹbamịn ọwụwa-ẹnyanwụn — hụn a kpọku ẹfan m. Ọ zọ ndị-ọkịkị ụkụ nọkẹ sị wẹ wụ ụrụa, nọkẹ ọkpụ-ite rị a zọ ụrụa o gi a kpụ ite.

Jerimaya 49:15

Lee ẹ, m k'e mẹ i wụrụ alị nwọnlẹni ihiẹn ọ wụ ebe ibe ẹ rị, mẹ ịhịan ile rị ụwa legberi i.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Jerimaya 51:51

“ ‘Ifẹnrẹn e mẹgbu ẹnyi ndị Izrẹlụ makẹni a mụgbugụọ wẹ ẹnyi ẹmụ; ụya e rigụọ ẹnyi, makẹni itumunyẹ a banyegụọ ebe rị nsọ rịsọnmẹ imẹ Ụlọ Osolobuẹ.’

Izikẹlụ 7:18

Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Obadaya 1:10

“Makẹ eje-ihiẹn ụnụ mẹ umunẹ ụnụ ndị Izrẹlụ, ebọn Jekọpụ, ụya k'e ri ụnụ ndị Ẹdọm; m k'e bepụ ụnụ, bepụchanrịn —

Obadaya 1:12

Ụnụ eke mụ umunẹ ụnụ ẹmụ ogẹn hụ eje-ihiẹn gi kunrun wẹ; ụnụ eke gi ihiẹn mẹ ndị Juda ghọghọ ogẹn wẹ gi tikpọ wẹ; ụnụ eke nyannị wẹ isi ogẹn ahụn wẹ gi rị eje-ọnọdị.

Maịka 4:11

Alị bu ọda e zugụọn'ị nwan, a sị “Gba nị Jerusalẹm ọtọ nị ẹnyi hụn ọtọ a!”

Maịka 7:8

Onyẹ iwe, amụlẹ m ẹmụ, makẹni, ọsụọn'a nị m dan adan, m k'e lihizi; ọsụọn'a nị m rị imẹ ishi, Osolobuẹ jẹnkọ d'a wụrụnị m ukpẹ.

Zẹfanaya 3:15

Osolobuẹ a kụsịgụọ afụnfụn ahụn o te gi sọn njọ ụnụ; ọ zapụgụọ ndị-iṅẹnrẹn ụnụ. Eze Izrẹlụ wụ Osolobuẹ nọyeni ụnụ anọyeni! Atụlẹ ni egun ọdakin!

Zẹkaraya 10:5

Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

Malakaị 1:5

Ụnụ ndị Izrẹlụ k'e gi ẹnya ụnụ hụn ihiẹn ndịnị, ụnụ e gi ọnụ ụnụ sị, ‘Osolobuẹ e hikẹkwọ ogbe! Ẹlẹkwọ imẹ alị Izrẹlụ sụọ — kẹ imẹ alị ndị ọzọ!’

Malakaị 4:3

Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

Matiu 27:43

O gi Osolobuẹ dọn ẹnya; Osolobuẹ ya zụọpụha a nwan omẹni ọ chọghọ a. Makẹni, ọ sị, ‘Mmẹ wụ Nwa Osolobuẹ.’ ”

Joshụa 7:9

Ndị Kenaanị lẹ ndị ọzọ bi alịnị jẹnkọ d'a nụ a, ke ẹnyi ye, gbupụ ẹnyi, zapụ ẹfan ẹnyi elu ụwa. K'i k'e mẹzi nwan ẹfan ị lẹ ọghọ a?”

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”