Maịka 6:8 - Ika

⁸ Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Maịka 6:8 ပူးပေါင်းရင်းမြစ်များ

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 5:22

Ogẹn Ẹnọkụ gi mụgụ Mẹtusẹla, Ẹnọkụ nọ sọnmẹ Osolobuẹ, sọn ẹ ọrọgbọ ahụa ọgụn-mmisẹn. Ọ mụzịghọ ụmụ ndị ọzọ ogẹn ahụn — kẹ ikẹnnyẹ kẹ ikpoho.

Ihiẹn Mẹni Nke Ẹbụọ 30:11

K'osilẹrị, o nwọnghọ ndị Asha, Manasẹ lẹ Zẹbulọnụ welụa enwẹn wẹ alị, shi Jerusalẹm.

Ihiẹn Mẹni Nke Ẹbụọ 32:26

Hezikaya nọ rogharị, latọ nhọnrọn ọ rị a họnrọn, ya lẹ ndị Jerusalẹm. Ufiri ẹ, Osolobuẹ egizini ọnụma sọn wẹ ogẹn Hezikaya.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ihiẹn Mẹni Nke Ẹbụọ 33:23

Kanị, o welụanị enwẹn ẹ alị ihun Osolobuẹ kẹ Manasẹ nẹdi ẹ dọn welụa enwẹn ẹ alị ikpanzụụn. Amọnụ emẹkẹnmẹkẹ ihiẹn ikpe gi ma a.

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Nehemiah 9:13

“Ị nọ gha elu-igwee bịa elu-ugu Saịnaị; y'a gha elu-igwee gwa wẹ oku, ị nọ yesọnmẹ wẹ ọdịnalị furuni lẹ uhi lẹ iwu rị mma.

Ẹbụ-ọma 101:1

M jẹnkọ nwan d'a bụ ẹbụ banyeni ihiẹn-ọsụsụọ lẹ imẹ ihiẹn furuni; ịyụ Osolobuẹ, kẹ m jẹnkọ d'a bụn'a.

Ẹbụ-ọma 112:4

Ukpẹ e nwunni ndị kụrụ ọtọ imẹ ishi, ndị hụn e mẹ omikẹn lẹ ẹfọma, ndị e mẹ ihiẹn furuni.

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Ẹbụ-ọma 37:26

W'a ha ẹka ogẹn ile, e zinye ndị ọzọ ihiẹn; ụmụ wẹ k'a wụ ngọzi.

Ẹbụ-ọma 73:28

O mẹ nke m, ọ rịka mma nị m nọkunmẹ Chuku; e gbọnni m'i, Osolobuẹ wụ Chuku; m k'e kusọnmẹ ihiẹn ile ị rụn!

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Ẹkịliziastisi 12:13

Ẹnyi a nụgụọ nwan ihiẹnni ile; lee nwan nkịkwama ihiẹn ile: Tụ egun Chuku; e mẹ ihiẹn o ku — ịya wụ ogbo ịhịan ile.

Azaya 56:1

Osolobuẹ sị, “A kwadọn ni ezioku, e mẹ ni ihiẹn furuni, makẹni m'e d'a bịa d'a zụọpụha ụnụ, m'e d'a bịa d'a tụnị ụnụ ụya pụha ifọn.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Jerimaya 22:16

O kuzighọ nị ndị igbẹnnyẹ lẹ ndị elu rị fụ ọnụ wẹ, ihiẹn nọ rịnị alị mma. Ẹlẹ ọhụn wụ ịmarịnnị m?” Ya kẹ Osolobuẹ ku.

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Ẹkwan 3:26

ọ rịka mma nị ịhịan gi ndidin cheri nị Osolobuẹ zụọpụha a.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 33:14

O mẹzikwọ nị m sị eje-ịhịan, ‘Ị k'a nwụnrịrị!!’ kanị o bihutọ ẹka, mẹmẹ ihiẹn furuni, mẹmẹ ezi-omumẹ —

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Hosia 12:6

Rogharị nị ni nwan d'e kunrun Chuku ụnụ! e kwọnkẹnmẹ ni ihiẹn-ọsụsụọ e mẹ ni ịhịan k'o furu, e che eyemẹka Chuku ụnụ ogẹn ile.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Lẹvitikọsụ 26:41

ku ẹ nị ịya haịn m gi bunụmanị wẹ, d'e ru ebe m nọ we wẹ shi alị ndị iṅẹnrẹn wẹ; m hụn a nị obi wẹ ndị hụ kpọkinni a lụlụagụọ, lẹni a kụgụọ wẹ ụgwọ njọ wẹ,

Emọsụ 5:24

“Kama, nị nị ezigbo eṅẹn humẹ kẹ mirin, ezi-omumẹ ya humẹ kẹ mirin iyi ghalẹni a tahị.

Maịka 6:9

Gọn ni ntịn olu Osolobuẹ, ọ rị a gwa ndị obodoni oku — Onyẹ marịn ihiẹn ya tụkwọ egun i, Osolobuẹ. “Gọn ni ntịn, ebọn Izrẹlụ lẹ ndị zu ebeni!

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Zẹkaraya 7:9

Osolobuẹ ihiẹn ile rị okpuru ẹ sị: “Han nị ezigbo eṅẹn; e gi ni ẹfọma lẹ omikẹn e sọn ibe ụnụ;

Matiu 5:3

“Ngọzi wụ nke ndị la enwẹn wẹ tọnị Osolobuẹ nọkẹ igbẹnnyẹ, makẹni Alị-eze elu-igwee wụ nke wẹ!

Matiu 5:7

Ngọzi wụ nke ndị hụn e mẹ omikẹn, makẹni wẹ sikọ d'e mẹni wẹ omikẹn.

Luku 10:42

kanị ihiẹn ohu sụọ rị mkpa; Meri a họrịgụọ hụn ka mma; anapụkọ w'a ya.”

Luku 11:42

“Nsọngbu rị e che ụnụ ndị Itu-Farisi! Ụnụ a kụsọnmẹdẹ ohu-imẹ-iri ihiẹn wẹ gi e te ofe — kẹ arabasị-minti kẹ riu kẹ ihiẹn-akụnkụn nta ile, a latọ iye onyẹ ọwụlẹ ihiẹn run'ẹ lẹ inwọn ihiẹn-ọsụsụọ Osolobuẹ — ndịnị ka mkpa furu ụnụ k'a gha e mẹ, kanị ẹlẹ hụn ụnụ e gi latọ ndị ọzọ hụ.

Luku 12:14

Jizọsị nọ sị a, “Di-ẹnyi, onyẹ tumẹ m d'a hannị ụnụ ẹbụọ eṅẹn mọbụ keni ụnụ ihiẹn?”

Luku 6:36

E mẹ ni omikẹn kẹ Nẹdi ụnụ dọn e mẹ omikẹn.

Ndị Rom 7:16

Ebe o mẹ nwan nị ihiẹn hụn m chọlẹni nị m mẹ kẹ m'e mẹ, ya kẹ m gi e kweri nị Iwu rị mma nke-esi.

Ndị Rom 9:20

Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”

Ndị Kọrẹntị Ibuzọ 7:16

Nwunyẹ, y'a marịnghọ kẹ ẹka ị kẹ w'a gha zụọpụha di i? Di, y'a marịnghọ kẹ ẹka ị kẹ w'a gha zụọpụha nwunyẹ i?

Ndị Ẹfẹsọsụ 4:32

Kama, e gi ni ẹfọma lẹ omikẹn e sọn ibe ụnụ, a gbagharị ibe ụnụ kẹ Osolobuẹ dọn nwan gbagharị ụnụ ghahanị Kraịstị.

Ditrọnọmi 27:10

Humẹni ni Osolobuẹ wụ Chuku ụnụ isi, ụnụ e mẹ ihiẹn ndị ọ sị ụnụ mẹ lẹ iwu ndị m rị e ye ụnụ tannị.”

Ditrọnọmi 30:15

Lee n'ẹ, m rị e butọnị ụnụ ndụn lẹ aghamihun tannị, e butọzịnị ụnụ ọnwụn lẹ ntikpọ.

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Jemisi 2:20

Onyẹ-nzuzu! Ị chọ nị wẹ ghọsị ị nị okukwe wẹ gilẹni rụn ọrụn a nwụnhụngụọ?

Joshụa 24:14

“Joshụa nọzị sị: Gbaye ni nwan Osolobuẹ, ụnụ e gichanrịn obi ụnụ fe ẹ. Tuhuni mmọn-lẹ-iyi ndị nẹdi ụnụ kanị fe nfetu Iyi Yufretisi lẹ imẹ Ijiptu, ụnụ e fe Osolobuẹ.

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.

Samuẹlụ Nke Ibuzọ 12:23

O mẹ nke m, w'a sọ ni m k'e mẹbehini ọnụ ekpere, amamgbe m'e gi ẹ mẹ Osolobuẹ njọ. M jẹnkọ d'a gha e zin ụnụ ụzọ rị mma furuni.

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.