Maịka 6:5 - Ika

⁵ Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Maịka 6:5 ပူးပေါင်းရင်းမြစ်များ

Ẹbụ-ọma 111:4

O mẹgụọ ihiẹn wẹ gi a nyanhan ọrụn-atụmẹnya ndị ọ rụn; Osolobuẹ wụ onyẹ ẹfọma lẹ onyẹ-omikẹn!

Ẹbụ-ọma 143:11

Osolobuẹ dodo, gi ufiri ẹfan ị dọnmẹ m ndụn, gi ezi-omumẹ i wepụha m imẹ nsọngbu.

Ẹbụ-ọma 36:10

Nwọnsọnmẹ ihiẹn-ọsụsụọ ndị marịnn'ị, y'e gisọnmẹ ezi-omumẹ i e sọn ndị obi wẹ zin.

Ẹbụ-ọma 71:19

Chuku, ezi-omumẹ i jẹnkarị igwere elu! Y'e mẹ okẹn-ihiẹn! Chuku, onyẹ nọ kẹ yụ?!

Azaya 1:27

Ezigbo eṅẹn kẹ wẹ jẹnkọ d'e gi gbarị Zayọnụ, gi ezi-omumẹ gbarị ndị Zayọnụ hụn k'e rogharịnị.

Ọgụngụn 22:41

Eki e fọn, Balakị nọ weri Balaam, shi elu ugu Bamotu Baalụ, ọ nọ gha ebahụn legha ụfọdụ ndị rị imẹ igunrun Izrẹlụ.

Ọgụngụn 23:27

Balakị nọ sị Balaam, “Bịa nị m wejẹn i ụzọ ọzọ; ikẹnkwọ n'ọ sụọ Osolobuẹ n'ọ nị ị gha ebẹhụ bụnị m wẹ ọnụ.”

Ọgụngụn 25:1

Kẹ ndị Izrẹlụ rị Shitim, ikẹnnyẹ wẹ nọ ghẹrẹsọn ikpoho alị Mụabụ.

Ọgụngụn 25:2

Ikpoho ndị hụ nọ wejẹnmẹ wẹ ebe wẹ nọ a rụa mmọn wẹ. Ndị Izrẹlụ ahụn hụ e sọn wẹ e ri, a kụnị mmọn ndị ahụn isi alị.

Ọgụngụn 31:16

Lee ẹnya, uwẹ gi ọdụn Balaam dụn wẹ mẹ Izrẹlụ gbakịtọ Osolobuẹ azụụn imẹ alị Pioru, hụn ọnwụn gi gbu ndị o gbu imẹ igunrun ndị nke Osolobuẹ!!

Ọgụngụn 31:8

Wẹ gbuzikwọ ndị-nze Midianị ndịnị cheni ikẹnnyẹ wẹ gbu: Ẹvi, Rẹkẹm, Zọ, Họ lẹ Reba — ndị-nze Midianị isẹn; wẹ gi ọpịa-agha gbuzikwọ Balaam nwa Bioru.

Ọgụngụn 33:49

Ebẹhụ wẹ ile ziẹntọsọnmẹ alị-aradan Mụabụ hụ mkpẹnrẹn Iyi Jọdanị gha Bẹt-Jẹshimọtụ rukwọrị Ebẹlụ-Shitim.

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Ditrọnọmi 16:3

Egikwọlẹ ni brẹdi yisti rị ri ẹ, ka ri ni brẹdi yisti rịlẹni, brẹdi ụya; rin'ẹ akp'ọhịn ẹsa, makẹni ọhụn ghọsị nị ụnụ rị a hụhụ ogẹn ụnụ gi gha alị Ijiptu pụ. E mẹn'ẹ nị ụnụ hụn ụzọ a nyanhan ogẹn ụnụ gi gha alị Ijiptu pụ, ụnụ e we nwụn.

Ditrọnọmi 23:6

Ụnụ e we nwụn, emẹkwọlẹ ni ihiẹn ọwụlẹ o gi rịnị wẹ mma.

Ditrọnọmi 8:18

Ka nyanhankwọ Osolobuẹ wụ Chuku i, makẹni ịya e ye i ikẹn i gi e hi ọdanfịn kẹni o mẹzu nkwa a hụn o gi kunni ndị nẹdi ụnụ kanị enwẹn ẹ, k'o dọn nwan rị e mẹ tannị.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.

Joshụa 2:1

Ya Joshụa nwa Nọnụ nọ gha Shitim wẹ rị gi nzuzue zipụ ikẹnnyẹ ẹbụọ, sị wẹ, “Jẹn ni d'e lele alị hụ, tụmadụ Jẹriko.” Ya wẹ nọ jẹnmẹ. E ru w'ẹ, wẹ nọ banye iwe ịgbaraja ohu ẹfan a wụ Rehabụ; wẹ nọ ranhịn ebahụn eki e we fọn.

Joshụa 3:1

Eki e fọn ụzụtụntụn, Joshụa lẹ ndị Izrẹlụ ile nọ buli, gha Shitim pụ, shi mkpẹnrẹn Iyi-Jọdanị, wẹ nọ ziẹntọgụ ebẹhụ, wẹ kebe fetu.

Joshụa 4:19

Nke akp'ọhịn iri imẹ ifọn ibuzọ kẹ ndị Izrẹlụ gi fetu Iyi-Jọdanị, ziẹntọ Gil'galụ hụn rị ebe obodo Jẹriko ru ẹbamịn ọwụwa-ẹnyanwụn.

Pita Nke Ẹbụọ 2:15

A latọgụọ wẹ Ụzọ rị mma kpahu, ghasọnmẹ ụzọ Balaam nwa Bioru hụn erere eje-ihiẹn a sụọ,

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Rẹvẹleshọnụ 2:14

“Kanị, o nwọnghọ ihiẹn ndị ị rị e mẹ rị e ze m ize: o nwọnghọ ndị rị imẹ ụnụ ebẹhụ rị e sọn nkuzi Balaam hụn kuzi Balakị ihiẹn Balakị gi bu uke cheni ụmụ Izrẹlụ, mẹ wẹ ri ihiẹn-oriri wẹ gi rụa mmọn, mẹzikwọ wẹ ghẹrẹ.

Ndị Han Eṅẹn 11:25

Ịyụ kadẹ nwan Balakị nwa Zipọ eze Mụabụ ra? Egun a nịghọ a sọn ndị Izrẹlụ kpe ikpe ogẹn nke ẹ mọbụ lụsọn wẹ ọgụn?

Ndị Han Eṅẹn 5:11

ihiẹn ndị ẹbụ rị a bụ ebe wẹ nọsọnmẹ a kwọ mirin: wẹ rị ebẹhụ e ku oku ihiẹn-ọma Osolobuẹ mẹ, ihiẹn-ọma ndị-agha Izrẹlụ mẹsọnmẹ. O ru, ndị nke Osolobuẹ nọ zu iko-agha ọnụ-mgbọn obodo ile.

Samuẹlụ Nke Ibuzọ 12:7

Wuzo ni nwan ebeni, makẹni m jẹnkọ d'e gi ihiẹn ile rị mma Osolobuẹ mẹsọnmẹni ụnụ lẹ ndị nẹdi ụnụ kanị gba ụnụ udẹn-ẹnyan idẹnya Osolobuẹ: