Maịka 6:3 - Ika

³ “Kịnị kẹ m mẹ ụnụ, ndị nke m? Kị m mẹ ndụn m gi gụ ụnụ? Za nị m nwan!

Maịka 6:3 ပူးပေါင်းရင်းမြစ်များ

Ẹbụ-ọma 50:7

Gọn ni ntịn, ndị nke m, nị m ku; ụnụ ndị Izrẹlụ, gọn ni ntịn, nị m shịagbu ụnụ ẹri. Mmẹ wụ Chuku, Chuku ụnụ.

Ẹbụ-ọma 51:4

Ịyụ kẹ m mẹ njọ — ịyụ sụọ; e mẹọlẹ m ihiẹn rịlẹni mma ẹnya ị. Ya wụ, y'e mẹghọ ọhụnma ebe i nọ ma m ikpe; y'e mẹni eje-ihiẹn ebe i nọ hangbu m eṅẹn.

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Ẹbụ-ọma 81:8

Ndị nke m, gọn ni m ntịn, nị m gba ụnụ mkpịnsịn-ẹka ẹnya, omẹni ụnụ e kweri gi oku m dọn:

Azaya 5:4

Kẹ m k'e mẹzini alị vaịnị m karị hụn m mẹn'ẹ? Kẹ m chọjẹn vaịnị rị mma, k'ọ mịnịnị m nwan vaịnị rịlẹni mma?

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 2:5

Lee ni ihiẹn Osolobuẹ ku: ‘Elee eje-ihiẹn kẹ ndị nẹdi ụnụ hụn m ẹka, wẹ gi gbateni m ẹnịna? E sọnmẹ wẹ mmọn nwọnlẹni isi wẹ kpụ, wẹ nwẹn nọzilẹni nwọn isi.’

Maịka 6:5

Heuu, ndị nke m! Nyanhankwọ nị eje ihiẹn Balakị eze Mụabụ te romẹni ụnụ lẹ ihiẹn Balaam nwa Bioru za a. Nyanhanzị nị ihiẹn mẹ ẹgbata alị Shitim lẹ alị Gil'galụ! Gi n'ẹ marịn ihiẹn ile rị mma Osolobuẹ mẹni ụnụ.”

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.